ESAIA 61:1 - Jinghpaw Common Language Bible 2009

¹ Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

Jinghpaw Hanson Version Bible

¹ Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

ESAIA 61:1 ပူးပေါင်းရင်းမြစ်များ

SHAKAWN KUNGDAWN 102:20

Shi gaw bawng dung ai ni a madai ai nsen hpe na ya nna; si na matu, daw dan hkrum nga ai ni hpe shalawt dat nga ai.

SHAKAWN KUNGDAWN 147:3

Shi gaw myit daw ai ni hpe shamai ya nna, shanhte a ningma ni hpe ahkyen kayawp ya wu ai.

SHAKAWN KUNGDAWN 149:4

Dai Madu gaw shi a amyu masha ni hta awng sharawng nga nna; shagrit shanem ai ni hpe awng padang hte shi shagrau sha-a nga ai.

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

SHAKAWN KUNGDAWN 22:26

Matsan mayan masha ni gaw shanhte ni ra ai made, sha lu na mara ai; Madu kaw du sa ai ni shi hpe shakawn na mara ai. Shanhte gaw htani htana ngamu ngamai nga mu ga law!

SHAKAWN KUNGDAWN 25:9

Teng man ai lam hta shagrit shanem ai ni hpe shi woi lakawn wa nna; shi a myit ra ai lam shanhte hpe sharin ya nga ai.

SHAKAWN KUNGDAWN 34:18

Dai Madu gaw myit daw myit hten ai ni hte ani sha nga nga ai; myit mada shara n nga mat sai ni hpe shi hkye hkrang la nga ai.

SHAKAWN KUNGDAWN 45:7

ding man ai lam hpe nang tsaw ra nga ai hte, n hkru n shawp ai amu hpa hpe mung n dawng nga ndai. Dai re ai majaw, Karai Kasang na a Karai Kasang gaw nang hpe lata la nit dai; kaga hkawhkam kadai wa hta mung, grau nna kabu gara ai lam, nang hpe jaw ya nga nit dai.

SHAKAWN KUNGDAWN 51:17

O Karai Kasang e, nye a shagu hkungga gaw shagrit shanem ai myit rai nga li ai; shagrit shanem ai myit hte myit malai ai myit masin hpe nang n ningdang kau na ndai.

SHAKAWN KUNGDAWN 68:7

O Karai Kasang e, na a amyu masha ni hpe nang woi awn nna; nam mali hpe nang woi lai mat wa ai shaloi,

SHAKAWN KUNGDAWN 69:32

Dip gamyet sha hkrum nga ai ni, dai lam hpe mu ma ai shaloi, shanhte kabu gara wa lu na mara ai; Karai Kasang hpe nawku daw jau ai ni mung myit n-gun lu la na mara ai.

PRU MAT 28:41

Na nhpu Arun hte shi a shadang sha ni hpe ndai hpun palawng ni hte shabu jahpun na rai nga ndai. Dai hpang shanhte hpe aya dang ya nna ap nawng ai hte tsanlun sau chya ya ai hte hkinjawng amu hte nye a matu daw jau amu galaw na rai ma ai.

PRU MAT 29:7

Dai hpang namman sau la nhtawm shi a baw ntsa e ru bun let, shi hpe namman sau chya ya na rai nga ndai.

ESAIA 29:19

Matsan mayan ni hte shagrit shanem ai amyu masha ni gaw dai Madu Israela a chyoi pra ai Karai Kasang jaw ai kabu gara lam hpe kalang mi bai mu na mara ai.

ESAIA 30:19

Yerusalem hta shanu nga ai amyu masha ni, nanhte gaw galoi mung hkrap sana n rai. Dai Madu gaw matsan chye dum ai wa rai nga ai, nanhte shi kaw karum la na matu jahtau ai shaloi, shi nanhte hpe htan ya na ra ai.

ESAIA 30:26

Shata gaw ajan zawn htoi tu wa na ra ai, jan a nhtoi gaw mi na hta htam sanit grau htoi wa nna sanit ya na nhtoi gaw kalang mi htoi ai n-gun zawn tai na ra ai. Dai Madu gaw shi a amyu masha ni hpe shakap da ya sai nma ni hpe ahkyen kayawp nna shamai shatsai ya ai shaloi ndai lam byin wa na ra ai.

ESAIA 32:7

Myit n su ai wa gaw n hkru nga ai rai nna n hkru ai amu ni galaw nga ai; shi gaw matsan mayan masha ni hpe masu magaw ga hte jahten sharun na hte shanhte a ahkaw ahkang ni hpe hkum shingdang na matu maw mawn chye nga ai.

ESAIA 40:9

Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 42:7

Nang gaw myi n mu ai ni hpe myi hpaw ya nna nsin htawng hta sharen da hkrum ai ni hpe shalawt dat na rin dai.

ESAIA 48:16

“Ya chyawm gaw ngai hpang de sit sa wa mi, ngai tsun ai ga na la mu. Shawng npawt kaw nna ngai gaw dan dan leng leng tsun ni ai hte nye a ga tut nawng teng man nga li ai,” ngu nna tsun ai. (Ya chyawm gaw Tsaw Htum ai dai Madu gaw ngai hpe shi a daru magam n-gun jaw ya ai hte ngai hpe shangun dat ni ai.)

ESAIA 49:9

Ngai gaw bawng dung ai masha ni hpe, ‘Ndut ndang pru wa manu!,’ ngu nna mung, nsin kata e rawng nga ai ni hpe, ‘Nhtoi de pru wa marit!,’ ngu nna mung tsun na nngai. Shanhte gaw kawng ni hkan ushat sha nga ai sagu ni zawn tai na mara ai,

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

ESAIA 52:9

Hten run mat sai Yerusalem, nang e, kabu gara jahtau garu u! Dai Madu gaw shi a mare hpe hkye mawai la nna shi a amyu masha ni hpe shalan shabran na ra ai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 57:18

“Shanhte gara hku shamu shamawt ai amu hpe ngai mu se ai, rai ti mung ngai shanhte hpe shamai shatsai na nngai. Ngai shanhte hpe woi awn na nngai, shanhte hpe karum na nngai, Sharung shayawt hkrum nga ai ni hpe ngai shalan shabran na nngai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

YEREMIA 34:8

Hkawhkam Zedekia hte Yerusalem masha ni gaw shanhte a mayam num mayam la rai nga ai Hebre mayam ni hpe shalawt dat na matu myit hkrum ga sadi tawn da mu ai,

YEREMIA 52:33

Dai rai nna, Yehoiahkin gaw bawng dung hpun palawng hpe galai kau nna shi a ngam nga ai asak prat tup hkawhkam wa a sha ku hta sha lu nga wu ai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

JAW JAU 7:35

Dai gaw Arun hte shi a shadang sha ni hpe hkinjawng amu gun hpai na matu aya dang ya ai shani e dai Madu hpe nat nawng ai lusha kumhpa ni hta na shanhte hpe jaw ai kamhtaw rai nga ai.

MIHKA 3:8

Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 3:16

Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

LUKA 7:22

Yawhan a kasa yan hpe shi htan mu ai gaw, “Wa nna Yawhan hpe, nan mu lu, na lu ai lam ni tsun dan mu, myi n mu ai ni myi bai mu lu ma ai; Lagaw hten ai ni bai hkawm sa ma ai; manggang kap ai ni san pra wa lu ma ai; na lahpang ai ni na lu ma ai; si mat ai ni sharawt la ai hkrum ma ai; matsan mayan ni hpe Kabu Gara Shiga hkaw dan nga ai.

YAWHAN 1:41

Shi gaw shi a kahpu rai nga ai Simun hpe shaloi jang tam la nna, “Meshia hpe anhte mu saga ai,” ngu nna shi hpe tsun dan wu ai. (Meshia ngu ai gaw Hkristu nga ai rai nga ai.)

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.

2 KORINHTU 3:17

Ya “Madu” ngu ai gaw dai Wenyi hpe ngu ai rai nga ai. Madu a Wenyi shanu ai shara hta shanglawt ahkang mung nga nga ai.

2 KORINHTU 7:6

Rai ti mung myit kaji garen nga ai ni hpe karum n-gun jaw ai Karai Kasang gaw, anhte hpang de du sa wa ai Titu hku nna anhte hpe myit n-gun lu la shangun mi ai.

HEBRE 1:9

Nang gaw ding hpring ai hpe tsaw ra nna, shut ai lam hpe n dawng nga ndai. Dai majaw na a Karai Kasang ngu ai, Karai Kasang gaw, nang hpe lata la nna, na a manang hpe jaw ai hta grau kaba ai kabu gara ngu ai namman jaw ya nna shagrau sha-a nit dai,” nga ai.