ESAIA 60:8 - Jinghpaw Common Language Bible 2009

⁸ Sumwi ni zawn mawng nna, tsip de nhtang wa nga ai hkrudu ni zawn Ndai sanghpaw li ni kaning re ai ni rai nga a ta?

Jinghpaw Hanson Version Bible

⁸ Sumwi zawn mawng nna, tinang a tsip de pyen wa ai hkrudu zawn, pyen wa ai ni gaw, kadai ni rai ma ta?

ESAIA 60:8 ပူးပေါင်းရင်းမြစ်များ

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 49:21

Dai hpang nang gaw tinang kraw e, ‘Nye a matu ndai ma kaji ni yawng hpe kadai shangai ya nga a ni? Ngai gaw ma ni hpe shamat kau ni ai, kaga mi n lu jat lu na sai. Ngai gaw bawng dung hkrum ai hte gawt kau ai hkrum ni ai- kadai wa ndai ma ni hpe bau kaba dat nga ai kun? Ngai chyu sha nga ai aten hta ndai ma ni gara shara kaw na du sa wa nga ma ni?,’” ngu nna tsun na rin dai.

ESAIA 60:4

Grup yin de mada yu nna hpa byin nga ai hpe yu yu u: Na a amyu masha ni gaw dum nta de wa na matu zup hpawng nga ma ai! Na a shadang sha ni sumtsan kaw na wa na mara ai; Na a shayi sha ni ma kaji ni zawn pawn ba la ai hkrum na mara ai.

HOSEA 11:11

Shanhte gaw Egutu mung na chyang ai ntsa malen u ni zawn mung, Asuri mung na hkrudu ni zawn mung du sa wa na mara ai. Ngai gaw shanhte hpe shanhte a dum nta ni de bai woi la na nngai. Ngai Madu nan tsun ni ai.”

LUKA 13:29

Sinpraw, sinna, dingdung, dingda de na masha ni sa nna, Karai Kasang a Mungdan lusha poi hta dung nga lu na mara ai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.