ESAIA 60:6 - Jinghpaw Common Language Bible 2009

⁶ Gawla-uk ni hte hpaga ga ai wunawng mi gaw Midian hte Ehpa mung kaw na du sa wa na mara ai. Shanhte gaw Sheba mung na aja hte manam pyaw ai baw la sa na mara ai. Amyu masha ni gaw dai Madu galaw nu ai kabu gara shiga a lam tsun na mara ai!

Jinghpaw Hanson Version Bible

⁶ Gawla-uk wunawng ni, Midian hte Ehpa mung na gawla-uk hkalung ni gaw, nang hpe ka-up na mara ai; Sheba mung na ni yawng du na mara ai: shanhte gaw aja hte lawban lang nna, Yehowa hpe shakawn kungdawn na lam kajai gumhkawng na mara ai.

ESAIA 60:6 ပူးပေါင်းရင်းမြစ်များ

NINGPAWT NINGHPANG 10:7

Hkusha a matu mara ni gaw Seba, Hawila, Saphta, Rama hte Sabhtahka amyu masha ni rai nga ai. Rama a matu mara ni gaw Sheba, hte Dedan amyu masha ni rai ma ai.

NINGPAWT NINGHPANG 25:13

hpe shangai ya wu ai rai nna dai shadang sha ni a shangai chyinghkai hkrat wa ai jahpan gaw ndai hku rai nga ai. Dai ni gaw Nabaiyut, Kedara, Adebela, Mibsam,

1 HKAWHKAM 10:2

Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lungseng ni hte ja law law htaw let woi sa wa wu ai. Shi gaw Shawlumon hte hkrum jang, shi myit shapraw lu ai ga san yawng hte shi hpe san yu wu ai.

2 HKAWHKAM 8:9

Dai rai nna Hazaela mung Damasku mare hta pru ai kaja htum ai arai baw hkum sumhpa yawng hpe gawla-uk mali shi hta htaw nhtawm Elisha hpang de sa wa wu ai. Hazaela mahtang shi hte hkrum jang shi gaw, “Na a shangun ma Hkawhkam Benhadad shi hkrum sha nga ai machyi makaw ana ahkya kaw nna mai tsai wa na, n mai tsai wa na lam, nang kaw sa san shangun ai,” ngu nna tsun wu ai.

1 HKAWHKAM LABAU 1:33

Midian gaw shadang sha manga lu ai; dai ni gaw Ehpa, Ehpera, Hanuk, Abida, hte Eleda ni rai ma ai.

2 HKAWHKAM LABAU 9:1

Sheba hkawhkam jan gaw Shawlumon a mying kajai gumhkawng nga ai hpe na jang, shi hpe htai yak na zawn nawn ai ga san ni hpe san let chyam yu na nga, Yerusalem mare de sa wa wu ai. Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lung seng ni hte ja law law htaw let woi sa wa wu ai. Shawlumon hte shi hkrum jang shi myit shapraw lu ai ga san yawng hte shi hpe san yu wu ai.

SHAKAWN KUNGDAWN 67:4

Masha amyu ni hpe teng man ai tara hte nang jeyang ya nna; mungkan ga na amyu baw ni yawng hte hpe lam woi nga ndai majaw, amyu baw ni yawng kabu gara ai hte mahkawn shakawn nga mu ga.

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

SHAKAWN KUNGDAWN 72:15

Hkawhkam wa a asak galu nga u ga! Arabi mung na aja ni hpe hkam la lu u ga; shi a matu akyu hpyi ya nga ai ni, aten shagu hpyi ya lu mu ga; Karai Kasang a chyeju ni gaw shi a ntsa e, tut nawng anga nga u ga law!

ESAIA 30:6

Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

ESAIA 42:10

Mahkawn mangoi nnan hte dai Madu hpe mahkawn mu; Mungkan ga ting, shi hpe shakawn kungdawn ga hte mahkawn mu! Panglai rap ai ni e, shi hpe shakawn kungdawn mu; panglai hkrung kanu ni yawng hte e, shi hpe shakawn kungdawn mu! Sumtsan mung ni hte dai hkan nga ai ni yawng hte e, mahkawn mangoi mu!

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

ESAIA 60:9

Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

ESAIA 61:6

Nang gaw dai Madu a hkinjawng ni hte Anhte a Karai Kasang a shangun ma ni hku gumhkawng na rai ndai. Nang gaw masha amyu baw ni a sut gan hta kabu gara wa nna Dai gaw na a sut gan tai wa ai hte gumrawng wa na ndai.

YEREMIA 6:20

Shanhte gaw nye a matu Sheba mung kaw nna la sa wa ai manam pyaw ai baw lawban hte sumtsan mung kaw nna la sa ai namji namya ni hpe hpa lam a majaw ngai sharawng awng na rai nga a ta? Ngai gaw shanhte a hkungga ni hpe hkap la na n rai, shanhte a shagu hkungga ni hta ra sharawng na nngai n rai.

EZEKELA 27:22

Sheba hte Rama mare na hpaga ni gaw na a gun rai ni hpe lung seng amyu myu, aja hte manam pyaw ai namji namya ni hte hpaga ga ma ai.

ZEHPANI 3:10

Tsan la ai Ehtiopi mung na shabra kau dat ai nye a amyu masha ni pyi ngai hpang de shagu hkungga sa sak jaw na mara ai.

ZEHKARIA 14:16

Dai hpang, Yerusalem hpe gasat sa wa ai masha amyu baw ni hta na naw hkrung nga ai ni langai hte langai gaw Chyahtum Chyalai N-gun rawng ai dai Madu ngu ai Hkawhkam wa hpe nawku na matu mung, Sum Poi galaw na matu mung, shaning shagu dai mare de lung wa na mara ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 2:11

Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.

ROMA 15:9

Maigan amyu masha ni pyi Karai Kasang a matsan dum lama ai lam hpe shakawn kungdawn lu mu ga, ngu nna mung du sa ra ai. Chyum laika hta, “Dai re ai majaw maigan amyu ni a kata hta ngai nang hpe shakawn na nngai, Na a mying nsang hpe mahkawn mangoi na nngai,” nga nna ka da ai hte maren rai nga ai.

TARA JAHPRANG 32:43

“Masha amyu baw ni e, nanhte gaw dai Madu a amyu masha ni hpe shakawn lu na rai myit dai; shanhte hpe sat ai ni yawng ari jaw ai hkrum na rai ma ai. Gumlau hpyen ni hpe shi matai htang nna, shi a amyu masha ni galaw shut ai yubak mara hpe raw dat ya na rai wu ai.

HPILIPI 2:17

Lama rai nna, ngai sat kau hkrum wa ai rai yang, dai gaw nanhte Karai Kasang kaw nawng ya ai nanhte a makam masham a hkungga hte daw jau ai hkungri a ntsa e nye a asak hpe dumhpung hkungga zawn ru jaw nawng jau kau timung, ngai kabu nga nna nanhte hte rau kabu ninglaw nga nngai.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

TARA AGYI 6:5

Shanhte gaw dinggam-yaw zawn kanawng hkawm ai yam nga hpung ni hte sum ni hte rau du sa ma ai. Shanhte hte shanhte a gawla-uk ni gaw hti n dang hkra law nga ai. Shanhte gaw dai mung de sa nna jahten shaza kau ma ai,

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.