ESAIA 60:5 - Jinghpaw Common Language Bible 2009

⁵ Nang gaw dai lam hpe mu nna kabu gara ai hte hpring na ndai; Nang gaw myit n dawt ai hte hkrit gari wa na ndai. Masha amyu baw ni a sut gan nang hpang de la sa na mara ai; Panglai din ai shara hkan na shanhte a sut gan ni du sa wa na mara ai.

Jinghpaw Hanson Version Bible

⁵ shaloi nang mu mada yang, nang htoi kabrim na rin dai; na a myit masin gaw kabu gara ai hte, kaba wa na ra ai; kaning rai nme law, nammukdara a sutgan gaw, nang hpang de kayin wa nna, maigan amyu ni a arung arai nang hpang de du na ra ai.

ESAIA 60:5 ပူးပေါင်းရင်းမြစ်များ

SHAKAWN KUNGDAWN 119:32

Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.

SHAKAWN KUNGDAWN 34:5

Dip gamyet sha hkrum ai masha ni gaw dai Madu hpe yu nna kabu gara nga ma ai; shanhte gaw galoi mung myit daw myit hten ai hkrum na mara ai n rai.

ESAIA 23:18

Shi hpaga ga nna lu tam ai gumhpraw hpe dai Madu hpang de ap nawng ya na ra ai. Shi gaw dai gumhpraw ni hpe n kyem da na nu ai, rai ti mung dai Madu hpe nawku daw jau ai ni gaw shanhte hta ra kadawn nga ai malu masha hte bu hpun palawng ni mari la na matu, shi a gumhpraw jai lang wa na ra ai.

ESAIA 54:2

Nang shanu nga ai sum hpe kaba jat u; de a sumri ni hpe galu dat nna mailak ni hpe shangang u!

ESAIA 60:11

Na a chyinghka ni shani shana hpaw da lu na rai ndai, Shaloi masha amyu baw ni a hkawhkam ni Shanhte a sut gan nang kaw la shang wa na mara ai.

ESAIA 61:6

Nang gaw dai Madu a hkinjawng ni hte Anhte a Karai Kasang a shangun ma ni hku gumhkawng na rai ndai. Nang gaw masha amyu baw ni a sut gan hta kabu gara wa nna Dai gaw na a sut gan tai wa ai hte gumrawng wa na ndai.

ESAIA 66:12

Dai Madu gaw, “Ngai gaw nang hpe agrin nga ai ngamu ngamai lam jaw ya na nngai; masha amyu baw ni a sut gan gaw galoi mung n hkyet mat ai hka nu zawn nang hta lwi sa wa na ra ai. Nang gaw kanu e bau maka nna shi a lata hta pawn da nhtawm tsaw ra myit hte makrai chyai ai ma zawn tai na rin dai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.

KASA 10:45

Maigan masha ni mung Chyoi Pra ai Wenyi chyeju kumhpaw kumhpa hpe hkam la ma ai majaw Yopa mare de na Petru hte rau sa du ai matu gadoi hkam la sai Yuda masha ni gaw mau mahka nga ma ai.

KASA 11:17

Karai Kasang gaw Madu Yesu hpe kam sham ai anhte hpe jaw ai chyeju kumhpa hpe shanhte hpe mung maren sha jaw nga ai lam dan leng nga ai. Dai rai yang gaw ngai hpa wa re ai ngu nna Karai Kasang hpe shingdang lu na rai ta?,” ngu nna tsun wu ai.

KASA 24:17

“Shing rai Yerusalem mare kaw na pru mat wa ai tsawmra ning lai ai hpang, nye a amyu masha ni a matu alu gumhpraw la wa ya na matu dai mare de ngai wa nngai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

2 KORINHTU 10:15

Dai re ai majaw anhte gaw Karai Kasang e anhte a matu masat da ya ai amu hta lai nna masha kaga ni galaw ai magam amu hte seng nna anhte grang ai ga tsun ga ai n rai. Shing rai na malai, galoi mung Karai Kasang masat da ya ai shingwang kata e anhte a makam masham kunghpan wa na hte nanhte a lapran e grau kaba ai bungli galaw maden jat lu na hpe anhte myit mada nga ga ai.

TARA JAHPRANG 33:19

Shan gaw maigan masha ni hpe bum de shaga la nhtawm; Dai yang e, jaw ai hkungga nawng jau na mara ai. Panglai na sut hpungnung hte hkin-gau mayan e Taw ai zaibru kata na sut nhprang ni hpe shaw la lu na ma ai.”

SHINGRAN 21:24

Mungkan ga a amyu masha ni dai mare a nhtoi hte hkawm sa lu na mara ai, ga ntsa na hkawhkam ni mung, tinang a sut gan ngamu ngamai ai hpe dai mare de la jashawn na maru ai.

SHINGRAN 21:26

Masha amyu baw ni a hpung shingkang arawng sadang hte sut su ngamu ngamai ai lam ni hpe dai mare de jashawn bang na maru ai.

1 SAMUELA 2:1

Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!