ESAIA 60:21 - Jinghpaw Common Language Bible 2009

²¹ Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

Jinghpaw Hanson Version Bible

²¹ Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

ESAIA 60:21 ပူးပေါင်းရင်းမြစ်များ

2 SAMUELA 7:10

Nye a Israela amyu masha ni a matu shara langai ngai san da nna, dai yang e shanhte shanu nga lu ai hte dip gamyet sha hkrum ai lam hpa mung n nga ai sha, shanhte nga lu na rai ma ai. Shanhte gaw ya du hkra ndai mung de shang nga ma ai rai nna n hkru ai masha ni e hkap gasat ai mung hkrum sha nga manu ai; rai ti mung dai gaw bai byin wa na ra ai n rai; na a gumlau hpyen ni yawng a lata na shim lum hkra bau sin na ga sadi ngai tawn da nngai; na a amyu masha ni hpe mung ngai jaw ya na we ai.

SHAKAWN KUNGDAWN 37:11

Rai ti mung, myit shagrit shanem ai ni mahtang dai lamu ga hpe madu lu na mara ai; ngamu ngamai ai lam hte ngwi pyaw sim sa ai lam hpe kabu gara hkam la lu na mara ai.

SHAKAWN KUNGDAWN 37:18

Dai Madu gaw shi a ga madat mara nga ai ni hpe shi lanu lahku nga nna; dai mungdan hpe shanhte htani htana madu na mara ai.

SHAKAWN KUNGDAWN 37:22

Madu kaw na shaman ai chyeju lu la ai ni gaw lamu ga hpe madu lu na mara ai; rai ti mung, shi kaw na dagam dala hkrum ai ni chyawm gaw gawt shapraw kau ai hkrum na mara ai.

SHAKAWN KUNGDAWN 37:29

Ding hpring ai masha ni gaw lamu ga hpe madu lu na mara ai hte; dai lamu ga hta htani htana shanu nga na mara ai.

SHAKAWN KUNGDAWN 92:13

Dai ni gaw Madu a nta hta hkai da nna, anhte a Karai Kasang a Htingnu hta lali tsawm nga ai hpun ni hte bung nga ma ai.

ESAIA 19:25

Chyahtum Chyalai N-gun rawng ai dai Madu gaw shanhte hpe shaman ya nna, “Egutu mung na nye a amyu masha ni, ngai hpan shalat dat hkrum ai Asuri hte ngai lata la sai Israela amyu masha ni hpe ngai shaman ya na we ai,” nga nna tsun nga ai.

ESAIA 24:16

Anhte gaw mungkan ga a jahtum htum ai shara kaw nna ding hpring amyu baw rai nga ai Israela a shakawn kungdawn ai mahkawn mangoi ni hpe na wa na ga ai. Rai ti mung nye a matu myit mada shara hpa n nga nga ai! Ngai gaw n-gun lagaw angwi ngwi sha yawm mat wa nga nngai! Gumle gumlau ai ni gaw matut gumlau ai hte myit magaw ai ni gaw grau grau nna sawng wa nga ai.

ESAIA 26:2

Mare chyinghka ni hpe hpaw malang da mu, kangka ai masha amyu baw hte jaw ai amu galaw ai masha amyu baw ni shang lu mu ga.

ESAIA 29:23

Ngai nanhte hpe jaw ya na dai kashu kasha ni hpe nanhte mu myit dai shaloi, ngai gaw Israela a chyoi pra ai Karai Kasang rai nga nngai hpe nanhte yin la na rai myit dai. Nanhte ngai hpe shagrau sha-a na myit dai, ngai hpe hkrit kamyin na myit dai.

ESAIA 43:21

Shanhte gaw nye a matu ngai lata san da ai amyu masha ni rai ma ai, shanhte gaw nye a shakawn kungdawn ga ni hpe mahkawn na mara ai!,” ngu nna tsun ai.

ESAIA 43:7

Shanhte gaw nye a amyu masha ni nan rai nga ma ai, nye a hpung shingkang a matu ngai shanhte hpe hpan da ni ai,” ngu nna tsun ai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 45:11

Du na ra ai aten hpe hkrang shapraw ai dai Madu Israela a chyoi pra ai Karai Kasang gaw ning nga tsun ai: “Nye a kashu kasha ni hte seng nna san na ahkaw ahkang mung, ngai galaw ang ai amu ngai hpe tsun na ahkaw ahkang mung nang hta n nga nga ai!

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 45:8

Ngai gaw marang htu ai zawn sumsing lamu kaw na awng padang jaw dat na nngai; ginding aga gaw dai hpe hkap la na matu hpaw malang na ra ai, aga gaw shanglawt ahkaw ahkang hte teng man rap ra ai tara pru wa na ra ai. Dai Madu ngai nan ndai amu hpe shabyin dat na nngai,” ngu nna tsun ai.

ESAIA 49:3

Shi gaw ngai hpe, “Israela e, nang gaw nye a shangun ma rai nga ndai; na a majaw, masha ni ngai hpe shakawn kungdawn na mara ai,” ngu nna tsun wu ai.

ESAIA 51:2

Nang yu hkrat wa ai kaw na, na a kaji kawoi Abraham hte Sara yan hpe myit yu u. Ngai Abraham hpe shaga ai shaloi, shi hta kashu kasha garai n lu ai, rai ti mung ngai shi hpe shaman ya ai hte shi hpe kashu kasha jaw ni ai; ngai gaw shi a aru arat ni hpe shalaw jahtam ya ni ai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

ESAIA 57:13

Karum la na matu nanhte jahtau ai shaloi, ndai nanhte a hpara sumla ni nanhte hpe hkye la mu ga! Nsa sa lai nbung gaw shanhte hpe shapoi kau na ra ai. Rai ti mung ngai hpe kam hpa ai ni gaw mungdan hta shanu nga lu nna ngai hpe nye a Nawku Htingnu hta nawku lu na mara ai,” ngu nna tsun ai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 61:7

Na a kaya kahpa hte arawng hpoi hkrum ai gaw htum mat nga sai. Nang gaw na a mungdan hta nan nga lu na rai ndai, Na a sut gan gaw htam lahkawng law jat wa nna; Na a kabu gara ai gaw htani htana agrin nga na ra ai.

ESAIA 62:4

Nang gaw galoi mung “Mare Dingsa” ngu bai shaga hkrum na sai n rai, Na a mungdan gaw “Kabai Da Hkrum Ai Madu Jan,” ngu nna tsun hkrum sana n rai. Na a mying nnan gaw “Karai Kasang gaw shi hpe awng sharawng nga ai,” ngu na ra ai. Na a mungdan gaw “Kabu gara ai hte hkungran la sai,” ngu shaga hkrum na ra ai; Dai Madu gaw nang hta awng sharawng nga ai majaw, Na a mungdan gaw madu wa langai zawn tai na ra ai.

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

ESAIA 65:9

Ngai gaw Yuda amyu bawsang hte seng ai Israela masha ni hpe shaman ya na nngai, shanhte a aru arat ni gaw nye a bum ni hpe madu na mara ai. Ngai hpe daw jau ai lata la hkrum ai nye a amyu masha ni gaw dai yang e shanu nga lu na mara ai.

YEREMIA 24:6

Ngai gaw shanhte hpe sin yu nga nna, ndai mungdan de bai woi wa na nngai. Ngai gaw shanhte hpe sharawt nna gang kadawng kau na n rai. Shanhte hpe ngai hkai da nna baw kau na we ai n rai.

YEREMIA 32:41

Ngai gaw shanhte a matu mai kaja ai amu galaw ai lam hta ngai awng sharawng nga na nngai, ngai gaw shanhte hpe ndai mung hta e prat ting shagrin shangang da na nngai.

EZEKELA 11:17

“Dai majaw, Tsaw Htum ai dai Madu ngai nan tsun sai mungga shanhte hpe htawn tsun u. Ngai gaw shanhte hpe shabra ayai kau dat ai mungdan ni kaw na shinggyin la nhtawm Israela mungdan hpe shanhte a lata de bai nhtang ap ya na nngai.

EZEKELA 34:29

Ngai gaw ga sau rawng ai yi hkauna ni hpe shanhte a lata hta ap ya nna dai mungdan hta hku hku hpang gara ai hpe jahtum kau na nngai. Masha amyu baw ni gaw shanhte hpe galoi mung asawng asang di na mara ai n rai.

EZEKELA 37:25

Nye a shangun ma Yaku hpe ngai jaw da ai lamu ga ngu ai shanhte a kaji kawa ni shanu yu sai mungdan hta shanhte shanu nga na mara ai. Shanhte gaw dai mung e prat tup nga lu na mara ai. Shanhte a kasha ni mung kashu ni hte dai ni a aru arat matu mara ni yawng mung, dai mungdan hta htani htana prat dingsa shanu nga na mara ai. Nye a shangun ma Dawi hte bung ai hkawhkam wa gaw shanhte hpe htani htana prat dingsa up hkang na ra ai.

EZEKELA 47:7

dai yang e ngai du ai shaloi, hka kau a ndai hkran hte wora hkran maga lahkawng de hpun ni law law tu nga ai hpe ngai mu nngai.

AMO LAIKA (AMOS) 9:15

Ngai gaw nye a amyu masha ni hpe ngai shanhte a matu jaw ai lamu ga hta hkai da na nngai, shanhte gaw bai baw kau hkrum na mara ai n rai,” ngu nna tsun ai. Dai Madu na a Karai Kasang tsun nu ai.

OBEDIA 1:17

“Rai ti mung Ziun Bum ntsa e, nkau mi hprawng lawt lu nna, dai shara gaw chyoi pra ai shara tai na ra ai. Yaku a amyu masha ni gaw shanhte a ahkaw ahkang hte maren, dai lamu ga hpe madu la lu na mara ai.

ZEHPANI 3:13

Naw ngam nga ai Israela amyu masha ni gaw kade a ntsa e mung shut hpyit ai amu galaw wa na n rai; masu magaw ga tsun na n rai. Hkalem hkalau ga mung shanhte shakut tsun na ma ai n rai. Shanhte gaw kadai hpe mung n hkrit ra ai sha shim lum ai hte ngamu ngamai wa na mara ai.

MAHTE 15:13

Yesu gaw, “Sumsing lamu e nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MAHTE 5:5

“Myit sumnung ai ni gaw a lu ma ai; hpa majaw nga yang, shanhte gaw Karai Kasang ga sadi jaw da ai lamu ga hpe madu lu na mara ai!

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

EHPESU 1:12

Dai rai yang gaw nanhte Hkristu hta shawng nnan myit mada ai lam lu la sai ni gaw Karai Kasang a hpung shingkang hpe shakawn kungdawn nga ga law.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

EHPESU 2:7

Shi ning rai galaw ai lam gaw Hkristu Yesu hta anhte hpe tsaw ra myit madun ai hta Madu a chyeju gaw laklai nna galu kaba nga ai lam htawm hpang prat dingsa e masha ni mu chye lu na matu rai nga ai.

2 HTESALONI 1:10

Madu gaw bai du sa ai shani e, shi a amyu masha ni yawng mayawng a man e hpung shingkang hpe mung, kam sham ai ni yawng e shagrau hkungga ai lam hpe mung, hkam la na ra ai. Anhte hkaw tsun dan ai mungga hpe nanhte kam sham nga manit dai majaw, Madu hpe shagrau sha-a ai ni hta nanhte mung lawm na marin dai.

2 PETRU 3:13

Rai ti mung anhte gaw, Karai Kasang ga sadi jaw da sai ding hpring ai ni nga na nta ngu ai sumsing lamu ningnan, ginding aga ningnan hpe anhte myit mada ala nga ga ai.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

SHINGRAN 21:7

Awng padang lu ai wa gaw, ndai ga sadi hte maren hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.

SHINGRAN 5:10

Nang gaw shanhte hpe, anhte a Karai Kasang hpe daw jau ai amu gun hpai lu na matu hkawhkam mungdan hte hkinjawng amyu langai mi shatai nu ai hte, shanhte gaw ga ntsa e up hkang na ahkang aya lu na mara ai.”