ESAIA 60:12 - Jinghpaw Common Language Bible 2009

¹² Rai ti mung nang hpe n daw jau ai masha amyu Baw ni gaw tsep kawp shamyit kau hkrum na mara ai.

Jinghpaw Hanson Version Bible

¹² Nang hpe daw jau na n hkraw ai amyu hte mungdan gaw, hten mat na ra ai; gaja wa, dai amyu ni gaw, atsai awai htum mat na mara ai.

ESAIA 60:12 ပူးပေါင်းရင်းမြစ်များ

NINGPAWT NINGHPANG 27:29

Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

SHAKAWN KUNGDAWN 108:13

Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kau na ra ai.

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

ESAIA 14:2

Masha amyu baw ni law law gaw Israela amyu masha ni hpe dai Madu shanhte hpe jaw da ai mungdan de nhtang wa na matu karum la na mara ai, dai yang na masha amyu baw ni gaw mayam ni zawn Israela hpe daw jau na mara ai. Lang mi Israela hpe rim la yu sai ni gaw Israela a majaw rim la ai bai hkrum na mara ai. Israela amyu masha ni hpe lang mi dip sha lai wa sai ni hpe Israela amyu masha ni bai up hkang na mara ai.

ESAIA 41:11

“Nang hpe pawt sindawng ai ni gaw hkrat sum ai a kaya kahpa lam hpe chye wa na mara ai. Nang hpe gasat ai ni si mat na mara ai

ESAIA 54:15

Nye a myit hkrum ai lam n lawm ai sha nang hpe htim nna, gasat ai wa kadai mung hkrat sum mat na ra ai.

YEREMIA 12:17

Rai ti mung, kaning re ai masha amyu baw mi rai rai, ga shaga n madat ai rai yang, ngai gaw dai amyu baw hpe tsep kawp baw kau ai hte shamyit kau na nngai. Dai Madu ngai nan tsun ni ai,” nga nna tsun ai.

Daniela 2:34

Nang dai hpe mada yu nga yang, kadai mung n sa hkra ai nlung kaba gaw ninggam kaw nna daw hkrat wa nhtawm dai hkrang sumla a hpri hte kagam ga lagaw hpe adep hkra nna agrawp mani kau nga ai.

Daniela 2:35

Hpri, kagam ga, magri mang, gumhpraw hte aja ni agrawp mani mat nna ginhtawng ta, chyarang pa ntsa e taw ai ga nhpu zawn tai mat nga ai. Dai gaw nbung e ahpawt kau ai n rai; ahkang ngam ai n rai. Rai ti mung dai nlung gaw bum tai wa nna lamu ga ting hpe ka-up kau nga ai.

Daniela 7:18

Tsaw Htum ai Karai Kasang a amyu masha ni gaw hkawhkam daru magam n-gun hpe hkam la nna dai hpe htani htana madu la na mara ai,” ngu nna tsun wu ai.

Daniela 7:27

Ginding aga ntsa na mungdan ni yawng a daru magam n-gun hte galu kaba ai lam gaw Tsaw Htum ai Karai Kasang a amyu masha ni a lata de ap kau ai hkrum na ra ai. Shanhte a hkawhkam daru magam n-gun gaw galoi mung htum mat na ra ai n rai; Ginding aga ntsa na up hkang du ni yawng mayawng mung shi hpe daw jau ai hte shi a ga madat mara na mara ai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

MAHTE 21:44

(Dai nlung hta hkrat ai wa gaw achyen achya rai mat hkra daw hten na ra ai; gade a ntsa e mung dai nlung hkrat bun yang gaw dai wa gaw ayun ayaw mani mat na ra ai, ngu wu ai.)

LUKA 19:27

Dai hta kaga, ya shanhte a ntsa e ngai hkawhkam tai nna up na n ra ai nye a hpyen ni hpe shaga dun wa nna, nye a man e sat kau maru,’ ngu nna hkang dat mu ai.