ESAIA 60:10 - Jinghpaw Common Language Bible 2009

¹⁰ Dai Madu gaw Yerusalem hpe, “Maigan masha ni gaw na a bunghku ni hpe bai gaw gap wa na mara ai, Shanhte a hkawhkam ni nang hpe daw jau na mara ai. Nye a masin kahtet ai majaw, ngai nang hpe ari jaw ni ai. Rai ti mung, ya chyawm gaw ngai nang hpe myi man shapa ya ai hte matsan dum ai myit madun dan na nngai.

Jinghpaw Hanson Version Bible

¹⁰ Tsasam masha ni a kashu kasha ni gaw, na a bunghku ni hpe dè da nna, shanhte a hkawhkam ni nang hpe daw jau na mara ai: kaning rai nme law, ngai myit kahtet nna, nang hpe kayat timung, n-gaw nwai myit hte nang hpe matsan naw dum na nngai.

ESAIA 60:10 ပူးပေါင်းရင်းမြစ်များ

SHAKAWN KUNGDAWN 102:13

Nang rawt wa nna, Ziun mare hpe matsan dum na rin dai; dai mare hpe matsan dum na aten du wa nga sai, dai aten gaw ya e nan rai nga ai.

SHAKAWN KUNGDAWN 30:5

Shi a masin kahtet ai gaw hkring mi sha rai nga ai, shi a mai kaja ai lam prat ting a matu rai nga ai. Shana e myi prwi ni lwi nga ti mung, jahpawt e kabu gara ai lam lu la nga ai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 56:6

Dai Madu gaw shi hpe tsaw ra nna shi hpe daw jau nga ai shi a amyu masha ni a daw chyen mi tai nna, Bansa Nhtoi hpe hkan nang ai hte, shi a ga shaka hpe sadi sahka hte shatup nga ai maigan masha ni hpe ning ngu tsun wu ai:

ESAIA 60:3

Masha amyu baw ni gaw na a nhtoi de, Hkawhkam ni gaw na a nhtoi nnan a jahpawt manap de du sa wa na mara ai.

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

ESAIA 61:5

Nye a amyu masha ni e, maigan amyu masha ni nang hpe daw jau na mara ai. Shanhte gaw na a sagu hpung ni hpe bau rem nna Na a mung hta hkauna galaw ai hte sabyi sun ni hpe yu lajang na mara ai.

ESAIA 64:9

dai rai nna, anhte hpe nau wa masin hkum pawt et, anhte a yubak mara ni hpe htani htana hkum dum nga et. Anhte gaw na a amyu masha ni rai nga ga ai; anhte hpe matsan dum la mi.

ESAIA 66:21

Ngai gaw shanhte hta nkau mi hpe hkinjawng ni hte Lewi masha ni shatai na nngai.

YOELA 2:18

Dai hpang, dai Madu gaw shi a mungdan a matu myit ru tsang ai lam madun dan nu ai; shi gaw shi a amyu masha ni hpe matsan yu dum nga ai.

ZEHKARIA 6:15

Sumtsaw sumtsan hkan nga nga ai masha ni mung dai Madu a Nawku Htingnu gaw gap ai amu hta sa karum la na mara ai. Dai hpe gaw gap da ngut jang, Chyahtum Chyalai N-gun rawng ai dai Madu gaw nanhte hpang de ngai hpe shangun dat ai lam, chye lu na rai myit dai. Dai Madu nanhte a Karai Kasang a hkang da ai ga hpe tup hkrak hkan sa madat mara myit dai rai yang, ndai lam yawng byin wa na ra ai.

SHINGRAN 21:24

Mungkan ga a amyu masha ni dai mare a nhtoi hte hkawm sa lu na mara ai, ga ntsa na hkawhkam ni mung, tinang a sut gan ngamu ngamai ai hpe dai mare de la jashawn na maru ai.

SHINGRAN 21:26

Masha amyu baw ni a hpung shingkang arawng sadang hte sut su ngamu ngamai ai lam ni hpe dai mare de jashawn bang na maru ai.