ESAIA 6:9 - Jinghpaw Common Language Bible 2009

⁹ Dai rai nna shi gaw ngai hpe amyu masha ni hpang de sa nna ndai mungga jaw na matu tsun wu ai: “Nanhte gaw kade mi madat ti mung, nanhte chye na na myit dai n rai. Nanhte kade mi yu ti mung, hpa byin nga ai lam hpe nanhte chye na myit dai n rai.”

Jinghpaw Hanson Version Bible

⁹ Shi gaw, Ndai amyu hpang de sa nhtawm, “Nanhte na ninglen n chye na lu na mu ai; mu ninglen n mu lu na mu ai,” ngu nna tsun mu.

ESAIA 6:9 ပူးပေါင်းရင်းမြစ်များ

GA SHAGAWP 28:5

N hkru n shawp ai masha ni gaw teng man ai tara hpe n chye nga ma ti mung, Madu hpe nawku daw jau ai ni gaw dai hpe atsawm sha chye na nga ma ai.

ESAIA 28:13

Dai re ai majaw, dai Madu gaw nanhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, sharin ya na ra ai. Dai hpang nanhte hkawm sa wa ai lagaw lahkam shagu ahtu kataw wa na marin dai. Nanhte gaw hkala nba hkrum ai hte mahkam hkam hkrum nhtawm bawng masha tai mat na marin dai.

ESAIA 29:10

Dai Madu gaw nanhte hpe yup shamwi ai hte grai yup pyaw mat wa hkra galaw da nu ai. Myihtoi ni gaw amyu masha ni a myi ni tai ang ma ai, rai ti mung Karai Kasang gaw shanhte hpe amam kau ya nu ai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 29:14

Dai rai nna ngai gaw shanhte langai hte langai hpe n myit mada ai mauhpa amu hte kajawng dat na nngai. Hpaji rawng ai ni angawk mat wa nna shanhte yawng a myit let ai lam gaw kaman lila tai mat na mara ai,” ngu nna tsun wu ai.

ESAIA 42:20

Israela e, nang gaw lam law law mu yu nit dai, rai ti mung dai lam nang hpe hpa hku lachyum shapraw nga a ni? Nang gaw na la na, na tu nga ndai, rai ti mung nang teng teng na la nga n ni?

ESAIA 43:8

Karai Kasang gaw, “Nye a amyu masha ni hpe tara rung de shaga dat mu. Shanhte gaw myi tu ti mung myi n mu ma ai; shanhte gaw na tu ti mung na lahpang ma ai.

YEREMIA 5:21

Myi tu ti mung myi n mu lu, na tu ti mung na n na lu ai angawk angak re ai hte myit n su ai amyu masha ni e, madat mu.

EZEKELA 12:2

Shi gaw, “Si chye ai masha wa e, nang gaw gumlau ai masha ni a lapran e nga nga ndai. Shanhte gaw na tu ti mung hpa tsun ai hpe n na ma ai, hpa majaw nga yang, shanhte gaw gumlau chye ai masha ni rai ma ai.

HOSEA 1:9

Dai Madu gaw Hosea hpe, “Shi hpe, ‘Nye a amyu n rai,’ ngu nna shamying u; hpa majaw nga yang, Israela amyu masha ni gaw nye a amyu masha ni n rai; ngai mung shanhte a Karai Kasang n rai nngai,” ngu nna tsun wu ai.

MARKU 4:12

Hpa majaw nga yang, ‘Shanhte gaw yu layu e n mu na ma ai, na lana e n chye na ma ai. Lama wa shanhte gaw, tinang yu ai arai hpe mu nna, na ai ga hpe chye na shajang ma ai rai yang gaw, shanhte Karai Kasang hpang de kayin wa na ma ai rai nna, Shi gaw shanhte a yubak mara dat kau ya na rai nga ai,” nga nna Chyum Laika ni hta tsun nga ai,” ngu nna shanhte hpe tsun mu ai.

LUKA 8:10

Shi gaw, “Karai Kasang a Mungdan a sung htum ai lam ni hpe chye na na ahkang nanhte hpe jaw da manit dai, masha gale ni chyawm gaw, yu layu e n mu mu ga, na lana e n chye na mu ga, ga shadawn hku ngai tsun nga nngai.

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

ROMA 11:8

Chyum laika hta mung, “Karai Kasang gaw shanhte a myit masin ni hte kraw lawang ni hpe jahpam kau ya mu ai rai nna dai ni du hkra shanhte gaw mu lu ai arai hpe n mu ma ai, na lu ai arai hpe mung n chye na ma ai,” nga nna ka da nga ai.

TARA JAHPRANG 29:4

Rai ti mung dai ni du hkra nanhte hkrum hkra yu manit dai, dai mahkrum madup nanhte hpe chye na hkawn hkrang shangun ai n rai.