ESAIA 6:8 - Jinghpaw Common Language Bible 2009

⁸ Dai hpang Madu gaw, “Ngai kadai hpe shangun dat na i? Kadai wa anhte a shiga htawn ai wa tai na kun?,” ngu nna tsun ai ga hpe ngai na nngai. Ngai mahtang, “Ngai sa na nngai! Ngai hpe shangun dat e!,” ngu nna htan we ai.

Jinghpaw Hanson Version Bible

⁸ Bai ngai gaw, “Ngai kadai hpe shangun dat na i? anhte a matu kadai wa sa na i?” nga nna Madu san ai nsen hpe na nngai. Dai rai nna ngai gaw, “Ngai nga nga nngai, ngai hpe shangun dat e,” ngu nna htan we ai.

ESAIA 6:8 ပူးပေါင်းရင်းမြစ်များ

NINGPAWT NINGHPANG 1:26

Dai hpang Karai Kasang gaw, “Ya chyawm gaw shinggyim masha ni hpe anhte hpan da na ga ai. Shanhte gaw anhte zawn rai nna anhte hte bung na mara ai, shanhte gaw nga ni hpe mung, ntsa malen u ni hpe mung, ni ai, zai ai, kaji ai, kaba ai n nga dusat dumyeng ni yawng hpe a up nga na mara ai,” ngu nna tsun wu ai.

NINGPAWT NINGHPANG 11:7

Anhte yu sa nna, shanhte a ga hpe shanut kau ya ga; shaloi shada da tsun hkat ai ga hpe shanhte n chye na mat na mara ai,” ngu nna tsun wu ai.

NINGPAWT NINGHPANG 22:1

Ya aten ram ram na mat ai hpang, Karai Kasang gaw Abraham hpe chyam yu na nga shi hpe, “Abraham!,” ngu nna shaga wu ai. Abraham mung, “Rai sa, ngai nang e nga nga nngai!,” ngu nna htan wu ai.

NINGPAWT NINGHPANG 22:11

Rai ti mung, dai Madu a lamu kasa gaw sumsing lamu kaw nna shi hpe, “Abraham, Abraham,” ngu nna shaga wu ai. Shi mahtang, “Rai sa, ngai nang e nga nga nngai,” ngu nna htan wu ai.

NINGPAWT NINGHPANG 3:22

Dai hpang Madu Karai Kasang gaw, “Ya chyawm gaw masha wa gaw anhte hta na langai mi zawn tai wa nna kaja ai hte n kaja ai a machye machyang hpaji hpe lu la nga nu ai. Shi gaw htani htana ahkrung nga na matu, asak jaw ya ai hpun a asi hpe di sha na ahkang lu nu ai n rai,” ngu nna tsun wu ai.

2 SAMUELA 1:7

Dai hpang grup grup de kayin mada dat yu wu yang, shi gaw ngai hpe mu nna shaga dat wu ai. Shaloi ngai mung, ‘Madu e, nga nga nngai!,’ ngu nna htan we ai.

1 HKAWHKAM 22:20

Dai Madu gaw, “Ramot mare de shi sa nna sat kau hkrum hkra, Ahab hpe kadai wa woi alau lu na rai ta?,’ ngu nna san wu ai. Lamu kasa nkau mi mahtang ndai lam hku, bai kaga ni mahtang wora lam hku nga nna tsun shajang ma yang,

ESAIA 65:1

Dai Madu gaw, “Ngai gaw nye a amyu masha ni a akyu hpyi ga ni hpe htan ya na matu jin jin rai nga nngai, rai ti mung shanhte akyu n hpyi ma ai. Ngai hpe hkan tam na matu shanhte a matu ngai jin jin rai nga nngai, rai ti mung shanhte shakut pyi n shakut tam ma ai. ‘Ndai yang e ngai nga nga nngai; ngai nang hpe karum na nngai,’ ngu nna ngai shanhte hpe htan na matu tut nawng jin jin rai nga tim pyi, amyu baw gaw ngai kaw akyu hpyi yu ma ai n rai.

EZEKELA 1:24

Shanhte pyen hkawm wa ai shaloi, dai singkaw a ngoi wu ai nsen gaw panglai hka wu kadu ai nsen zawn mung, hpyen luksuk kaba jahtau garu ai nsen zawn mung, Chyahtum Chyalai N-gun Rawng Ai Karai Kasang a nsen zawn nga nna wu kadu ai nsen hpe ngai na nngai; shanhte gaw pyen ai kaw na hkring ai shaloi, shanhte a singkaw ni hpe gumba bang da nga ma ai.

EZEKELA 10:5

Dai hkrung kanu ni a singkaw kahprap wu ngoi ai nsen gaw shinggan wang de du hkra pyi na lu nga ai. De a wu kadu ai nsen gaw Chyahtum Chyalai N-gun Rawng ai Karai Kasang a nsen zawn rai nga ai.

EZEKELA 9:1

Dai hpang, ngai gaw, “Ndai mare hpe ari jaw hkyen nga ai masha ni e, ndai shara de sit sa wa mi. Nanhte a laknak ni hpe nanhte hte rau lang sa wa mi,” nga nna Karai Kasang jahtau tsun ai nsen hpe na nngai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 26:19

“Dai rai nna, Hkawhkam Agripa e, ngai gaw lamu na shingran dai hpe n madat ai n nga lu nngai.

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

1 SAMUELA 3:4

dai Madu gaw Samuela hpe shaga wu ai. Shi gaw, “Rai sa, Madu e!,” ngu nna htan nhtawm,