ESAIA 6:5 - Jinghpaw Common Language Bible 2009

⁵ Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

Jinghpaw Hanson Version Bible

⁵ Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

ESAIA 6:5 ပူးပေါင်းရင်းမြစ်များ

NINGPAWT NINGHPANG 32:31

Hpeniela shara na Yaku pru wa yang, jan pru sai. Shi a dangbau a majaw shi a lagaw layawt mat wu ai.

SHAKAWN KUNGDAWN 24:10

Dai magrau grang ai hkawhkam wa gaw kadai rai nga a ta? Awng padang lu ai Madu -Shi gaw galu kaba ai hkawhkam wa rai nga a hka!

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

PRU MAT 33:20

Ngai hpe mu lu ai wa kadai mung hkrung nga lu na n rai: dai majaw ngai nang hpe nye a myi man mu shangun na we ai n rai;

PRU MAT 4:10

Rai ti mung Mawshe gaw, “Madu e, n rai law, ngai hpe hkum shangun e; ngai gaw galoi mung ga namsup rawng ai wa n rai nngai. Nang ngai hpe ga tsun hpang ai aten kaw nna pyi ngai tai la ai wa n rai nngai. Ngai gaw n-gup li nna ga shaga lanyan ai hte shinglet li ai wa rai nga nngai,” ngu nna tsun wu ai.

PRU MAT 6:12

Rai ti mung Mawshe gaw, “Israela amyu masha ni pyi nye a ga n madat nga ma yang, hkawhkam wa gaw kaning rai madat ya na rai nga a ta? Ngai gaw ga ningtam n rawng ai wa she rai nga nngai,” ngu nna htan wu ai.

PRU MAT 6:30

Rai ti mung Mawshe gaw, “Ngai gaw ga tsun ningtam n rawng nga nngai gaw nang chye nga ndai; dai rai yang, kaning rai nna nye a ga hpe hkawhkam wa madat na rai nga a ta?,” ngu nna htan wu ai.

ESAIA 24:16

Anhte gaw mungkan ga a jahtum htum ai shara kaw nna ding hpring amyu baw rai nga ai Israela a shakawn kungdawn ai mahkawn mangoi ni hpe na wa na ga ai. Rai ti mung nye a matu myit mada shara hpa n nga nga ai! Ngai gaw n-gun lagaw angwi ngwi sha yawm mat wa nga nngai! Gumle gumlau ai ni gaw matut gumlau ai hte myit magaw ai ni gaw grau grau nna sawng wa nga ai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 33:17

Nang gaw mungkan jut shara shagu de dep nang nga ai mungdan langai a ntsa hpung shingkang hte up hkang nga ai hkawhkam langai hpe kalang mi bai mu lu na rin dai.

ESAIA 59:3

Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

YEREMIA 1:6

Ngai gaw, “Tsaw Htum ai Madu e, ngai gaw kaning ngu shaga na n chye nngai; ngai gaw nau naw kaji nga nngai,” ngu nna htan we ai.

YEREMIA 51:57

Ngai gaw dai mung na du ni, hpaji rawng ai masha ni, ningbaw ni hte hpyenla ni hpe chyaru shanang na nngai. shanhte gaw yup pyaw mat wa nna galoi mung hprang na mara ai n rai. ngai hkawhkam wa nan tsun ni ai; Ngai gaw chyahtum Chyalai N-gun rawng ai dai Madu rai nga nngai.

EZEKELA 12:2

Shi gaw, “Si chye ai masha wa e, nang gaw gumlau ai masha ni a lapran e nga nga ndai. Shanhte gaw na tu ti mung hpa tsun ai hpe n na ma ai, hpa majaw nga yang, shanhte gaw gumlau chye ai masha ni rai ma ai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

Daniela 9:20

Ngai gaw akyu matut hpyi nga nngai rai nna, nye a yubak ni hte nye a amyu masha Israela masha ni a yubak ni hpe la let shi a chyoi pra ai Nawku Htingnu bai gram lajang gaw gap na matu dai Madu nye a Karai Kasang hpe hpyi nem nga nngai.

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.

BU HKAWM 17:12

Israela amyu masha ni mung Mawshe hpe, “Yu u, dai gaw anhte a matu jahtum rai nga sai!

TARA AGYI 13:22

Mano gaw shi a madu jan hpe, “An gaw Karai Kasang hpe mu kau saga ai majaw teng teng si mat na saga ai!,” ngu nna tsun wu ai.

TARA AGYI 6:22

Dai Madu a lamu kasa hpe shi mu kau sai hpe Gidon dum chye wu yang shi gaw, “Tsaw Htum ai Madu e, na a lamu kasa hpe ngai myi man chyaw mu kau sahka!,” ngu nna hkrit kahpra let tsun wu ai.