ESAIA 6:2 - Jinghpaw Common Language Bible 2009

² Shi grup grup hta wan shinglet pru ai hkrung kanu ni tsap nga ma ai, dai ni langai hte langai hta singkaw kru kru tu nga ai; hkrung kanu shagu a myi man hpe singkaw lahkawng hte magap da nga ai, de a hkum hpe singkaw lahkawng hte kaga singkaw lahkawng gaw pyen na matu rai nga ai.

Jinghpaw Hanson Version Bible

² Shi a ntsa e Serahpim tsap nga ma ai: langai hte langai singkaw kru kru tu ma ai; singkaw lahkawng hte tinang myi man magap; lahkawng hte tinang lagaw magap; lahkawng hte pyen ma ai.

ESAIA 6:2 ပူးပေါင်းရင်းမြစ်များ

NINGPAWT NINGHPANG 17:3

Abram gaw ga du hkra dingnyawm dagup nga yang, Karai Kasang gaw,

1 HKAWHKAM 19:13

Elia gaw dai nsen hpe na jang, shi a myi man hpe shi a hpajawng hte magap nna lungpu makau e sa tsap nga ai. Shaloi nsen langai mi gaw shi hpe, “Elia e, nang ndai yang e hpa galaw nga n ta?,” ngu nna san wu ai.

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

1 HKAWHKAM 6:24

Shan lahkawng a hkrang sumla hte hkum shingyan hkrang maren rai nga ai; shan a singkaw gaw maga mi de pe 7 chyen galu nga ai, shan a singkaw matu maga mi kaw nna maga mi de du hkra pe 15 rai nga ai.

1 HKAWHKAM 6:27

Shan hpe Chyoi Pra Htum Ai Shara hta maga mi de langai ngai rai shadun da nhtawm shan a singkaw maga mi hte maga mi shachyen da nna gawk ka-ang e de a matu lahkawng shada hkrum nga ma ai; kaga singkaw lahkawng mahtang shakum hte hkra nga ma ai.

1 HKAWHKAM 8:7

Shan a kahpyan da ai singkaw ni gaw sumpu hte dai hpe hpai ai kandang ni hpe ka-up da nga ai.

NEHEMIA 9:6

Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

YOBA 1:6

Sumsing sha ni dai Madu a man de dan pru na nhtoi du jang, Satan mung shanhte hta hkan ganan nang nga ai.

YOBA 15:15

Karai Kasang gaw hpa majaw shi a lamu kasa ni hpe pyi n kam lu nga a ta? shanhte pyi shi a man hta san seng nga ma ai n rai.

YOBA 4:18

Karai Kasang gaw shi a sumsing shangun ma ni hpe n kam nga ai; shi gaw shi a lamu kasa ni hta pyi shut ai mara mu tam nga ai.

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

SHAKAWN KUNGDAWN 104:4

Nang gaw nbung ni hpe na a kasa ni shatai nna, myi hprap wan gala ai hpe na a shangun ma ni zawn, nang akyu jashawn nga ndai.

SHAKAWN KUNGDAWN 18:10

Shi gaw singkaw tu ai hkrung kanu a ntsa e jawn nna tin tin pyen sa nga ai; nbung a singkaw ntsa hta e, shi pyen hkawm nga ai.

SHAKAWN KUNGDAWN 89:7

Nang gaw chyoi pra ai ni a hpawng hta hkrit hkungga ai lam hkam la lu nga ndai; shanhte yawng hte gaw nang hpe mau mahka let tsap nga ma ai.

PRU MAT 25:20

Dai singkaw tu ai hkrung kanu yan gaw shada da myi man hkrum rai nna, dai magap de myi man yawng let, shan a singkaw kahpyan nna dai hpe ka-up da na rai nga ai.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

PRU MAT 37:9

Dai singkaw tu ai hkrung kanu lahkawng gaw magap ntsa e shada da myi man hkrum rai let, de a ntsa e singkaw ni hte kahpyan ka-up da nga ai.

ESAIA 6:6

Dai hpang hkrung kanu langai mi gaw lakap hte tawn hkungri ntsa na grung nga ai wan n-ga hpe matep lang let ngai hpang de pyen sa wa ai.

EZEKELA 1:11

Dai dusat amyu shagu a singkaw lahkawng sharawt da ma ai, langai hte langai a singkaw matu shada da hkra hkat ma ai; shanhte a kaga singkaw lahkawng hpra hpe gaw tinang a hkum ni hta gumba bang da nga ma ai.

EZEKELA 1:24

Shanhte pyen hkawm wa ai shaloi, dai singkaw a ngoi wu ai nsen gaw panglai hka wu kadu ai nsen zawn mung, hpyen luksuk kaba jahtau garu ai nsen zawn mung, Chyahtum Chyalai N-gun Rawng Ai Karai Kasang a nsen zawn nga nna wu kadu ai nsen hpe ngai na nngai; shanhte gaw pyen ai kaw na hkring ai shaloi, shanhte a singkaw ni hpe gumba bang da nga ma ai.

EZEKELA 1:4

Ngai sharawt mada yu ai shaloi, dingdung maga de na bung sa wa ai nbung laru hpe mu nngai. Htat ai sumwi kata kaw na gala ai myihprap wan gaw gala nga nna sumsing lamu grup grup hkan htoi gala ai hte myihprap wan gala ai shara mi hta magri mang zawn htoi tu kabrim ai arai lama mi mung nga nga ai.

EZEKELA 1:6

rai ti mung, shanhte langai hte langai hta myi man mali li, singkaw mali li tu nga ai.

EZEKELA 1:9

Dusat amyu mali a singkaw lahkawng hkawng hpe hpyan shapraw da ma ai; dai dusat mali ni gaw shanhte a singkaw matu ni shada da hkra nhtawm, man mali bung ai hkrang shapraw ma ai. Shanhte shamu hkawm wa ai shaloi, shanhte a hkum ni hpe n kayin ra ai sha, man ang ang de hkawm wa ma ai.

EZEKELA 10:16

shamu hkawm wa ai shaloi, leng dingsen ni mung shanhte hte rau hkawm nang nga ma ai. Shanhte a singkaw ni hpe pyen na matu hpyan dat ai aten shagu, leng dingsen ni mung shanhte hte rau hkan nang nga ma ai.

EZEKELA 10:21

Shanhte langai hte langai gaw myi man mali li, singkaw mali li hte singkaw shagu a npu hta masha a lata zawn re ai mung tu nga ai.

Daniela 7:10

dai kaw nna hka shi langai zawn grung nga ai wan lwi pru nga ai. Shi hpe daw jau na matu masha hkying hkying law ai ni nga nna, wan wan re ai masha ni shi a man e tsap nga ma ai. Dai tara rung gaw jeyang na lamang ni hpe galaw hpang wa let laika buk ni hpe hpaw da nga ai.

Daniela 9:21

Ngai akyu hpyi nga yang, shawng na shingran hta ngai mu yu sai Gabriela gaw ngai nga ai shara de pyen yu wa nga ai. Dai gaw shana de na shagu hkungga nawng ya ai aten hta rai nga ai.

ZEHKARIA 3:4

Dai lamu kasa gaw shi a sumsing lamu na ali ama ni hpe, “Ndai masha wa bu hpun nga ai agang chyalang re ai hpun palawng raw kau ya mu,” ngu nna tsun wu ai. Dai hpang, shi gaw Yawshu hpe, “Ngai na a yubak mara hpe la kau ya se ai rai nna hpun na hpun palawng nnan nang hpe jaw na nngai,” ngu nna tsun wu ai.

LUKA 1:10

Dai manam pyaw ai baw nat nawng nga ai ahkying hta, nawku ai shawa masha ni nlang hte gaw, shinggan e akyu hpyi let nga nga ma ai.

HEBRE 1:7

Karai Kasang gaw lamu kasa ni a lam tsun ai shaloi, “Karai Kasang gaw shi a lamu kasa ni hpe nbung shatai nna, shi a ali ama ni hpe grung ai wan shinglet shatai wu ai,” nga ai.

SHINGRAN 14:6

Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.

SHINGRAN 4:8

Dai dusat mali hte hta langai hte langai singkaw kru hpra hpra tu nna, shanhte a hkum kata e mung, shinggan e mung hkum grup myi hkrai pri rai nga ai. Shanhte gaw shani shana n sim n sa ai sha: “Moi na prat e, ya na prat e, htawm hpang du na ra ai prat e dinggrin anga nga ai, Chyahtum Chyalai n-gun Rawng ai, Madu Karai Kasang gaw, chyoi pra, chyoi pra, chyoi pra arai nga ai law!,” nga nna tsun ma ai.

SHINGRAN 7:11

Bai, lamu kasa ni yawng mayawng mung, salang ni hte dusat amyu mali hte mung, dai tingnyang hpe shinggrup nna tsap nga ma ai. Shaloi shanhte gaw dai tingnyang nhpang e shanhte a myi man dagup nna, Karai Kasang hpe nawku let,

SHINGRAN 8:13

Dai hpang, ngai yu dat yang, lamu a ka-ang hpatwat e pyen yawn nga ai galang langai mi gaw, “Hkrit hpa dingnye! Hkrit hpa dingnye! Kaga lamu kasa masum dum dat na ra ai pahtau nsen ngoi pru ai shaloi, dinghta ga e nga ai ni yawng a matu, gade hkrithpa dingnye rai na rai hka!,” nga nna nsen kaba hte jahtau nga ai gaw, ngai na nngai.