ESAIA 6:13 - Jinghpaw Common Language Bible 2009

¹³ Dai mungdan hta marai shi kaw na langai mi naw ngam nga tim pyi, dai wa mung shaza kau ai hkrum na wu ai; shi gaw kran kadawng kau sai wamyi hpun a hpundu zawn tai na ra ai,” ngu nna htan wu ai. (Hpundu gaw Karai Kasang a amyu masha ni a matu nnan hpang la ai ngu ai hpe shaleng dan ai.)

Jinghpaw Hanson Version Bible

¹³ Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

ESAIA 6:13 ပူးပေါင်းရင်းမြစ်များ

NINGPAWT NINGHPANG 22:18

Nye a hkang da ai ga hpe nang madat mara nga ndai majaw na a amyu matu ni yawng hpe ngai shaman ya ni ai zawn amyu baw ni yawng mung shanhte hpe shaman ya na matu, ngai hpe san wa na mara ai.

EZRA 9:2

Yuda lasha ni mung maigan numsha ni hpe hkungran la ma ai majaw Karai Kasang a chyoi pra ai amyu masha ni awu asin tai mat wa masai. Ningbaw ni hte du salang ni grau nna shut hpyit nga ma ai.

EZRA 9:8

O Madu anhte a Karai Kasang e, nang gaw ya hkring mi sha pyi, anhte nkau mi hpe mayam kaw nna shalawt dat nhtawm ndai chyoi pra ai shara hta shim lum ai hte shanu nga na chyeju anhte hpe jaw da nit dai. Nang chyawm gaw anhte hpe mayam kaw nna shalawt la ai hte asak nnan jaw ya mani ai.

ESAIA 1:9

Chyahtum Chyalai N-gun rawng ai dai Madu e shangam da shangun ai masha nkau mi n nga ai rai yang, Yerusalem gaw Sodom hte Gomora yan zawn atsai awai jahten kau ai hkrum na wu ai.

ESAIA 11:1

Dawi a hkawhkam amyu matu gaw kran kadawng kau hkrum ai hpun hte bung nga ai; rai ti mung ndu kaw nna nnaw nnan prut lung wa ai zawn hkawhkam nnan langai mi gaw Dawi a matu mara ni kaw na paw pru wa na ra ai.

ESAIA 4:3

Naw ngam nga na matu Karai Kasang e lata da sai Yerusalem e ngam da hkrum sai masha shagu hte gaw chyoi pra ai ni ngu shaga hkrum na mara ai.

EZEKELA 6:8

“Ngai gaw nkau mi hpe sat sharu kau ai kaw na shalawt nna, masha amyu baw ni a lapran e shabra kau ai hte,

AMO LAIKA (AMOS) 5:3

Tsaw Htum ai dai Madu gaw, “Israela mung na mare langai gaw hpyenla hkying mi dat dat ti mung, latsa chyu sha nhtang wa nga ai; kaga mare langai gaw latsa dat dat ti mung, marai shi chyu sha nhtang wa nga ai,” ngu nna tsun ai.

MIHKA 5:6

Shanhte gaw luksuk n-gun hte Nimrod a lamu ga Asuri hpe gasat dang la na mara ai; shanhte gaw anhte a lamu ga de shang gasat ai shaloi, shi gaw anhte hpe Asuri ni a lata kaw na makawp maga la na ra ai.

ZEHPANI 3:12

Ngai gaw shagrit shanem ai masha ni hte matsan mayan re ai masha ni hpe Yerusalem e jahti da nna shanhte gaw karum la lam lu na matu ngai hpang de sa wa na mara ai.

ZEHKARIA 13:8

Mungdan ting na nye a amyu masha ni hpe ngai htim gasat na nngai; shaloi htam masum na htam lahkawng si htum mat na mara ai.

MALAHKI 2:15

Karai Kasang gaw nang hpe shi hte hkum shan wenyi langai sha di hpan da sai n rai ni? Ndai lam hta shi a yaw shada ai gaw hpa rai nga a ta? Dai gaw jet ai Karai Kasang a amyu masha ni rai nga ai kashu kasha ni hpe nang shangai nga ndai. Dai re ai majaw nanhte kadai mung tinang madu jan hpe jaw da ai tinang a ga sadi hpe teng teng run lu na n rai.

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

MARKU 13:20

Dai Madu gaw dai nhtoi hte hpe shayawm shagying kau nu ai; shi shing n di yang gaw kadai mung asak lawt lu na ra ai n rai. Rai ti mung shi lata la ai ni a matu mara, dai nhtoi hte hpe shayawm shagying kau nu ai.

ROMA 9:5

Shanhte gaw mying gumhkawng ai Hebre kaji kawa ni kaw na yu hkrat wa ai ni rai ma ai rai nna masha labau hku gawn yang Hkristu gaw shanhte kaw na rai nga ai. Yawng mayawng a ntsa e up nga ai Karai Kasang hpe htani htana shagrau sha-a nga ga law! Amen.

TARA JAHPRANG 28:62

Dai Madu nanhte a Karai Kasang hkang da ai ga hpe n madat kau myit dai majaw, nanhte gaw sumsing lamu na shagan daram law htam nga myit tim pyi, nanhte hta na loi mi sha ngam nga na marin dai.

TARA JAHPRANG 7:6

Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.