ESAIA 6:11 - Jinghpaw Common Language Bible 2009

¹¹ Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

Jinghpaw Hanson Version Bible

¹¹ Shaloi ngai gaw, “Madu e, gade wa na na rai ta?” ngu nna san we yang, shi gaw, “Mare ni hte nta ni hta masha n nga hkra shaza kau ai hkrum ai hte, mungdan ting atsai awai katsi katsang rai nga nna,

ESAIA 6:11 ပူးပေါင်းရင်းမြစ်များ

SHAKAWN KUNGDAWN 74:10

O Karai Kasang e, na a gumlau hpyen ni gaw kade na hkra, nang hpe mani asawng nga na ma ai kun? Na a mying nsang hpe shanhte htani htana n kaw n law di nga na ma ai kun?

SHAKAWN KUNGDAWN 79:5

Madu e, nang anhte hpe htani htana masin pawt nga na n ni? Na a masin kahtet ai lam gaw wan zawn matut nna hkru shangun na wu ni?

SHAKAWN KUNGDAWN 90:13

Na a masin kahtet ai gaw kade wa na hkra rai na rai nga a ta? Madu e, na a shangun ma ni hpe matsan dum la mi law!

SHAKAWN KUNGDAWN 94:3

Tara n lang ai masha ni galoi aten du hkra kabu gara lu na rai nga ma ta? Madu e, galoi aten du hkra rai na kun?

ESAIA 1:7

Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

ESAIA 13:12

Naw ngam nga ai ni gaw aja hta grau taw mat na ra ai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

ESAIA 32:14

Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 5:9

Ngai gaw Chyahtum Chyalai N-gun rawng ai dai Madu ning nga tsun ai ga hpe na ni ai: “Ndai kaba nna tsawm ai dum nta ni yawng kaman hten run mat na mara ai.

ESAIA 60:15

“Nang gaw galoi mung kau da nna n dawng ai hkrum sana n rai, Shagram kau da ai mare, katsi katsang mare tai sana n rai. Ngai gaw nang hpe galu kaba ai hte tsawm htap shangun na nngai, Htani htana prat dingsa kabu gara ai shara shatai na nngai.

ESAIA 64:10

Na a chyoi pra ai mare ni gaw nam mali zawn tai mat sai; Yerusalem gaw katsi katsang hten run mat sai,

YEREMIA 22:6

“Nye a matu Yuda hkawhkam htingnu gaw Gilead mung hte Lebanon bum ni zawn tsawm htap nga ti mung, ngai gaw dai hpe kadai mung n shanu ai katsi katsang shara shatai kau na nngai.

YEREMIA 4:7

Hkanghkyi gaw shi a makoi gyem shara kaw nna pru wa ai zawn, masha amyu baw ni hpe jahten ai wa gaw rawt sa wa nu ai. Shi gaw Yuda hpe jahten kau na matu du sa nga ai. Yuda a mare ni gaw hten run taw mat nna, kadai mung dai shara ni hta shanu nga na mara ai n rai.

YEREMIA 44:2

Chyahtum Chyalai N-gun Rawng ai dai Madu Israela a Karai Kasang gaw, “Yerusalem hte Yuda mung na kaga mare ni mahkra a ntsa e ngai shapraw dan sai jahten shabyak lam hpe nanhte nan mu manit dai. Ya rai tim pyi, dai ni gaw naw hten run nga nna, kadai mung dai hkan e nga nga ma ai n rai,

YEREMIA 52:27

Hkawhkam wa gaw dai shara e shanhte yawng hpe adup ai hte kahtam sat kau wu ai. Dai rai nna, Yuda amyu masha ni gaw shanhte a mungdan kaw nna tsasam mungdan de bawng woi la hkrum nga ma ai.

EZEKELA 6:6

Israela a mare ni yawng jahten sharun kau hkrum na mara ai, shanhte a tawn hkungri ni hte shanhte a hpara sumla ni gaw adaw atang rai hten agrawp mat nna shanhte a manam pyaw ai baw hkungga nat nawng ai tawn hkungri ni daw hten mat nhtawm, shanhte galaw ai amu shagu mung hpoi mat na mara ai.

Daniela 8:13

Dai hpang ngai gaw lamu kasa langai mi gaw kaga wa hpe, “Shingran hta mu lu sai ndai amu ni galoi aten du hkra naw matut byin na rai ta? Shani shagu na shagu hkungga ni a hkang hta hkrit hpa yubak gaw galoi aten du hkra rai na rai ta? Sumsing lamu a luksuk hte Nawku Htingnu gaw galoi aten du hkra kabye anut kau hkrum na rai nga a ta?,” ngu nna tsun ai nsen hpe na nngai.

JAW JAU 26:31

Nanhte hpe grau sawng mat hkra matsat kau mawe ai majaw nanhte a mare ni hpe ngai hpya ayai kau nhtawm nawku ai shara ni hpe jahten sharun kau na we ai. Nanhte a shagu hkungga ni hpe hkap la na we ai n rai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

MIHKA 2:4

Dai aten du ai shaloi, masha ni gaw nanhte a tsin-yam tsindam hpe ga shadawn zawn tsun na mara ai; shanhte gaw nanhte a mahkrum madup hpe ndai gawng run mahkawn hte mahkawn mangoi na mara ai: Anhte gaw atsai awai hten run hkrum nga saga hka! Dai Madu gaw anhte a lamu ga la kau ya nna, Anhte hpe rim mat wa ai ni a lata hta ap kau ya nu ai.”

MIHKA 5:11

Ngai gaw na a mung na mare ni hpe jahten kau nna na a hpyen dap ni yawng hpe hpya ashin kau na nngai.

MIHKA 6:13

Dai rai nna, na a yubak ni a majaw, nang hpe jahten sharun hpang na ngai lajang da ngut chyalu rai ni ai.

MIHKA 7:13

Rai ti mung dai mungkan ga hta nga ai ni a n hkru ai amu ni a majaw, mungkan ga gaw katsi katsang shara tai mat na ra ai.

TARA JAHPRANG 28:62

Dai Madu nanhte a Karai Kasang hkang da ai ga hpe n madat kau myit dai majaw, nanhte gaw sumsing lamu na shagan daram law htam nga myit tim pyi, nanhte hta na loi mi sha ngam nga na marin dai.

TARA JAHPRANG 28:63

Dai Madu gaw nanhte hpe ngamu ngamai shangun nna shalaw jahtam ai hta kabu sharawng nga ai zawn nanhte hpe shamyit kau nhtawm jahten sharun kau na hta mung kabu sharawng na rai wu ai. Nanhte gaw nanhte madu la hkyen ai mungdan kaw na gawt shapraw kau hkrum na marin dai.