ESAIA 6:1 - Jinghpaw Common Language Bible 2009

¹ Hkawhkam Uzia si mat ai shaning hta, ngai gaw Madu hpe mu nngai. Shi gaw tsaw ai shi a tingnyang hta dung nga ai hte shagrau shatsaw hkrum nga ai, shi a palawng galu gaw Nawku Htingnu ting hpring nga ai.

Jinghpaw Hanson Version Bible

¹ Hkawhkam Uzia si ai shaning hta, Madu gaw, galu kaba nna tsaw htum ai tingnyang hta dung nga ai hpe ngai mu nngai; shi lawai ai hpun nba gaw nawku Htingnu ting hpring nga ai.

ESAIA 6:1 ပူးပေါင်းရင်းမြစ်များ

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

2 HKAWHKAM 15:7

Uzia si mat wa sai rai nna Dawi a Mare na hkawhkam lupwa hta shi hpe lup makoi da nga ma ai. Shi a kasha Yohtam mahtang shi a hkang hta hkaw galai dung nna hkawhkam tai wa sai.

2 HKAWHKAM LABAU 18:18

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna shi a lamu kasa ni yawng mung shi a makau e tsap nga ma ai hpe ngai mu nngai.

YOBA 42:5

Lai sai aten hta, kaga ni ngai hpe tsun ai ga hpe sha ngai chye nngai; rai ti mung ya chyawm gaw ngai nang hpe nye a myi hte chyaw mu sade ai.

SHAKAWN KUNGDAWN 108:5

O Karai Kasang e, lamu hta na a galu kaba ai lam hte aga ntsa ting hta e mung, na a hpung shingkang dan hkung nga ai hpe madun dan nga u law.

SHAKAWN KUNGDAWN 113:5

Dai Madu anhte a Karai Kasang hte bung ai wa langai mi mung n nga nga ai. Shi gaw ntsa de na tsaw ai shara hta e nga nga ai;

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

PRU MAT 24:9

Mawshe, Arun, Nadab, Abihu hte Israela ningbaw sanit shi hte gaw bum de lung wa ma ai rai nna

ESAIA 1:1

Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

ESAIA 12:4

Amyu masha ni gaw, “Dai Madu hpe chyeju dum mu! Nang hpe karum la na matu shi hpe shaga u! Shi galaw nu ai amu masha amyu baw ni yawng hpe tsun dan mu! Shi kade wa galu kaba nga ai lam shanhte hpe tsun dan mu!

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

EZEKELA 10:1

Ngai gaw hkrung kanu ni a baw ntsa na din ai lamu madin hte nila lung seng hte gaw da ai hkawhkam tingnyang zawn san ai shara lama mi hpe mada yu nngai.

EZEKELA 10:4

Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

Daniela 10:17

Ngai gaw mayam langai mi shi a madu a man e tsap nga ai zawn rai nga nngai. Ngai nang hpe kaning rai ga tsun lu na rai ta? Ngai n-gun n rawng nngai, ngai hta nsoi nsa mung htum mat sali ai,” ngu nna tsun we ai.

Daniela 7:9

Ngai mada yu nga yang, tingnyang ni hpe shara hte shara tawn da nga ai. Htani htana ahkrung nga ai wa chyawm gaw tingnyang langai a ntsa e dung nga ai. Shi a hpun palawng ni gaw hkyen zawn hpraw nna kara gaw jet ai sagu mun hte bung nga ai. Shi a tingnyang gaw wan grung nga ai dingsen ni a ntsa e shadun da nna,

BU HKAWM 12:8

Dai re ai majaw ngai shi hpe ga tsun yang gumwai ga hku ngai tsun ai n rai; shi hte myi man hkrum rai nna dan dan leng leng sha ngai tsun nngai; shi gaw ngai hpe pyi mu nu hka! Nan gaw nye a shangun ma Mawshe hpe mara shagun gwi nga myit ni?,” ngu nna tsun wu ai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 12:41

Esaia gaw Yesu a hpung shingkang hpe mu lu ai rai nna, shi a lam shing nga tsun ai rai nga ai.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

SHINGRAN 15:8

Dai nawku htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit la sa ai ana zinli garai n htum htum gaw, dai nawku htingnu kata de kadai mung n shang lu ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.

SHINGRAN 4:10

dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 4:2

Shaloi jang Wenyi hta ngai nawng mat wa nngai. Sumsing lamu hta e tingnyang langai mi nga nga ai rai nna, dai tingnyang hta marai langai mi dung nga ai.

SHINGRAN 4:3

Shi a myi man ahpraw nsam gaw, hpu ging ai lung seng ni rai nga ai nagahtoi hte patamya zawn htoi ala nga ai rai nna, dai tingnyang grup yin e gaw, mya lungseng nsan ai n-goila-tum jung nga ai.

SHINGRAN 4:9

Dai dusat mali gaw, tingnyang hta dung nga nna htani htana prat dingsa asak hkrung nga ai Madu a hpung shingkang arawng sadang hte chyeju hpe mahkawn shakawn ai shaloi,

SHINGRAN 5:1

Bai, tingnyang hta dung nga ai wa a hkra lata hta, laika man kata e mung, ntsa e mung laika ni ka da nna dazik sanit hte dawk shakap tawn da ai laika shabawn langai mi hpe ngai mu nngai.

SHINGRAN 5:7

Dai Sagu Kasha sa nna, tingnyang hta dung nga ai wa a hkra lata na laika shabawn hpe la wu ai.

SHINGRAN 6:16

Shanhte gaw bum ni hte lunghkrung ni hpe shaga nna, “Anhte a ntsa e hkrat bun mi, tingnyang hta dung nga ai wa a myi man hte Sagu Kasha a pawt bu ai hta na, anhte hpe magap maga la mi!