ESAIA 59:9 - Jinghpaw Common Language Bible 2009

⁹ Amyu masha ni gaw, “Ya chyawm gaw, anhte hpe dip gamyet nga ai ni a lata kaw na Karai Kasang anhte hpe hpa majaw n hkye la ai hpe anhte chye ga ai. Hkawm sa lu na matu nhtoi anhte myit mada ga ai, rai ti mung nsin sha nga nga ai,

Jinghpaw Hanson Version Bible

⁹ Dai re ai majaw tengman ai tara anhte hte tsan nga ai; dinghpring ai gaw anhte hpe n dep nga ai; anhte gaw nhtoi hpe myit mada timung, yu mu, nsin sin nga ai; htoi leng hpe myit mada timung, anhte sin mak hta hkawm nga ga ai.

ESAIA 59:9 ပူးပေါင်းရင်းမြစ်များ

YOBA 19:8

Karai Kasang gaw lai lam pat kau nu ai, ngai n lai di lu nngai; shi gaw nye a hkrun lam hpe nsin e makoi kau ya nga sai.

YOBA 30:26

Ngai gaw kabu gara ai lam hte nhtoi hpe myit mada nngai; rai ti mung de a malai ru yak tsin-yam tsindam hte nsin sha pru wa nga ai.

SHAKAWN KUNGDAWN 82:5

“Nanhte gaw hpaji n chye nga myit hka! Kade sha angawk angak rai nga myit hka! Nanhte gaw tsep kawp hten run mat manit dai; teng man rap ra ai tara gaw ndai mungkan kaw na mat mat sai.

GA SHAGAWP 4:19

Tara n lang ai ni a lam chyawm gaw shana zawn sin mak nga ai. Shanhte gaw kashawt ti mung, shanhte kaning rai kataw ai hpe n chye nga ma ai.

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

ESAIA 59:11

Anhte gaw hkrit kajawng ai hte tsin-yam tsindam hkrum nga ga ai. Anhte gaw dip gamyet sha hkrum nga ai hte shut hpyit amu kaw na Karai Kasang anhte hpe hkye la na matu marit nga ga ai, rai ti mung dai gaw hpa mung n byin wa nga ai.

ESAIA 59:14

Teng man rap ra ai tara gaw kanut mat wa sai, ding hpring ai gaw ni sa lu ai n rai. Teng man ai gaw shawa ginra hta ahtu kataw mat sai, myit malang ai hpe dai shara hkan e n mu tam nga sai.

ESAIA 59:8

Nang nga ai grup yin hta kadai mung shim ai n rai. Nang galaw ai lam shagu n teng n man nga ai. Nang gaw magaw ai lam hkan nga ndai, galoi mung n shim ai dai lam hta kadai mung n hkawm nga ai.

ESAIA 8:21

Amyu masha ni gaw myit daw myit hten ai hte kawsi hkrum let, dai mungdan hkan lai hkawm wa na mara ai. Shanhte a kawsi ai hte myit kahtet ai hta, shanhte gaw shanhte a hkawhkam hte shanhte a Karai Kasang hpe dagam kau na mara ai. Shanhte gaw lamu de mada,

ESAIA 8:22

ga de azi yu rai na ma ai, rai ti mung shanhte gaw hpa mung n mu, rai ti mung ru yak tsin-yam hte nsin hpe sha mu lu na mara ai, shanhte gaw hkrit shara nsin kata de gawt bang ai hkrum na mara ai.

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

YEREMIA 14:19

Madu e, nang gaw Yuda mung hpe atsai awai kau da nu ni? Nang gaw Ziun amyu masha ni hpe n dawng nga n ni? Anhte n mai wa lu hkra nang anhte hpe hpa majaw laja lana di machyi shangun mi ta? Anhte gaw ngwi pyaw sim sa lam hpe tam ga ai, rai ti mung mai kaja ai amu hpa mung n byin wa nga ai; anhte gaw shamai shatsai hkrum na matu myit mada ga ai, rai ti mung de a malai, hkrit hpa lam pru wa nga sai.

YEREMIA 8:15

Anhte gaw ngwi pyaw sim sa lam hte shamai shatsai na aten hpe myit mada nga ga ai; rai ti mung dai gaw hpa akyu mi n nga sai; de a malai hkrit hpa lam dan pru wa nga sai.

SHARUNG SHAYAWT 3:2

Shi gaw ngai hpe grau grau sung ai nsin kata de gau bang kau nga ai.

SHARUNG SHAYAWT 4:14

Shi a ningbaw ni gaw myi n mu ai ni zawn nmaw lam ni hkan lamawm hkawm ma ai; dai rai nna shanhte a hkum gaw asai ni hte numsha nga ma ai rai nna kadai mung shanhte hpe n hkra lu ma ai.

AMO LAIKA (AMOS) 8:9

Ngai gaw shani chyingtung e ajan hpe jashang kau shangun ai hte ginding aga hpe shani aten e nsin sin shangun ai shaloi dai aten du wa na ra ai. Tsaw Htum ai dai Madu ngai nan tsun ni ai.

MIHKA 1:12

Dai Madu gaw tsin-yam tsindam hpe Yerusalem de shadu dat wu ai majaw, Marot mare masha ni shingbyi shara a matu myit tsang ai hte ala nga ma ai.

HABAKU 1:13

Rai ti mung, nang gaw ndai gumle gumlau rai nna n hkru ai masha ni hpe gara hku hkam sharang lu na rai nga n ta? Na a myi ni gaw n hkru ai hpe yu na matu naw san pra nga ai majaw shut hpyit amu galaw ai masha ni a man e, nang n hkam sharang lu nga ndai. Dai re ai majaw, shanhte gaw shanhte hta grau nna ding hpring nga ai masha ni hpe jahten shaza nga ma yang, nang hpa majaw atsin sha nga nga n ta?

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!