ESAIA 59:4 - Jinghpaw Common Language Bible 2009

⁴ Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

Jinghpaw Hanson Version Bible

⁴ Dinghpring ai hku hkan nna sa shawk ai gaw, kadai n nga ai; tengman ai hku hkan nna tara dara ai gaw, kadai n nga ai: shanhte kaman lila hta shamyet shanat nna masu ga tsun ma ai; shanhte gumlau gumle hte na-um nasin rai nga nna, masu magaw shangai dat mu ai.

ESAIA 59:4 ပူးပေါင်းရင်းမြစ်များ

YOBA 15:31

N hkru ai hpe kam hpa na nga, shanhte angawk angak rai nga yang, dai n hkru ai gaw shanhte a shagrau kumhpa tai na ra ai.

YOBA 15:35

Dai ni gaw ru yak tsin-yam tsindam maw mawn nna n hkru ai amu galaw ai ni rai nga ma ai; shanhte a myit kraw lawang ni hta masu hkalem ai ga ni hte tut nawng hpring nga ai.

SHAKAWN KUNGDAWN 12:3

Madu e, abawk ai ga tsun ai shinglet ni hpe shazim kau u! “Anhte a n-gup ga ni hte anhte ra ai lam lu la ga ai, anhte hpa ra sharawng ai lam hpe tsun dan na ga ai hte langai mi mung anhte hpe jahkring da lu na n rai,” nga nna shakawng ai ga tsun ai n-gup ni hpe pat kau ya u.

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

SHAKAWN KUNGDAWN 62:4

Shi hpe shagrau shatsaw da ai shara kaw nna chyu sha nanhte shi hpe gang jahkrat kau mayu nga myit dai, nanhte gaw masu magaw ga tsun na hpe ra sharawng nga myit dai. Shaman ga ni hpe nanhte tsun nga myit ti mung, nanhte shi hpe nanhte a myit masin kata kaw nna dagam dala ga tsun nga myit dai.

SHAKAWN KUNGDAWN 7:15

Rai ti mung, shanhte gaw kaga ni a matu, mahkam hkam da ai hta; shanhte hkum nan ahkang la nga ma ai.

GA SHAGAWP 4:16

N hkru n shawp ai masha ni gaw shut hpyit ai amu lama mi hpe n lu galaw yang, shanhte n lu yup nga ma ai; marai langai ngai hpe n machyi shangun lu yang, shanhte yup n pyaw nga ma ai.

ESAIA 10:1

Nanhte gaw dingnye hkrum nga myit dai! Nanhte gaw n teng n man ai tara ni hpe galaw shapraw nna nye a amyu masha ni hpe dip gamyet da nga myit dai.

ESAIA 26:18

Anhte gaw nchyi nmu hte tsin-yam hkrum lai wa saga ai, rai ti mung anhte gaw kaman sha shangai kau saga ai. Anhte gaw anhte a mungdan a matu awng padang hpa mung n lu la ga ai; anhte gaw hpa mung n lu shangut ga ai.

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 29:20

Dai gaw kaga masha ni hpe dip gamyet sha ai ni hte Karai Kasang hpe n gawn n sawn rai madun dan ai ni a jahtum na lam rai na ra ai. Yubak kap ai masha shagu hte gaw jahten kau hkrum na mara ai.

ESAIA 30:12

Rai ti mung, ndai gaw Israela a chyoi pra ai Karai Kasang tsun ai ga rai nga ai: “Nanhte gaw ngai nanhte hpe tsun ai ga hpe hpa n nawn ya myit dai, nanhte gaw kashun kashe du daw sai hkaw amu hte masu magaw amu hta myit manoi nga myit dai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 33:11

Nanhte gaw kaman lila amu hpe maw mawn myit dai, nanhte galaw ai lam magup akyu n rawng nga ai. Nye a wenyi gaw nanhte hpe jahten kau na ra ai wan zawn rai nga li ai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

ESAIA 47:10

“Nang gaw na a n hkru ai amu hta nang nan myit machyu nga ndai; kadai mung nang hpe n mu lu ma ai ngu, nang myit nawn la nga ndai. Na a hpaji byeng-ya hte machye machyang gaw nang hpe lam woi shadam kau nga sai. nang gaw na a kraw kata hta, ‘Ngai gaw Karai Kasang rai nga nngai, ngai hte bung ai mi kadai n nga nga ai,’ nga nna tsun ndai.

ESAIA 5:18

Nang gaw dingnye hkrum nga ndai! Nang gaw na a yubak kaw nna n lawt lu nga ndai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 59:15

Teng man ai lam grai n law ai majaw, n hkru ai amu a tsin-yam hpe kau da ai ni kadai mung tsin-yam hkrum nga ai,” ngu nna tsun ai. Dai Madu gaw ndai amu hpe mu nu ai, shi gaw teng man rap ra ai tara n nga ai majaw n ra sharawng nga ai.

ESAIA 59:16

Dip gamyet sha hkrum nga ai wa hpe karum la na masha kadai n nga ai hpe mu ai majaw shi mau mat nga ai. Dai rai nna, shi gaw shanhte hpe hkye mawai la na matu hte shi a awng padang lu la na matu shi a daru magam n-gun hpe lang na ra ai.

ESAIA 59:3

Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

YEREMIA 48:7

“Moba e, nang gaw na a n-gun hte sut gan hpe kam hpa nga ndai, rai ti mung, ya chyawm gaw nang hkrat sum mat nit dai; na a Hkemosha hpara mung shi a hkawhkam shadang sha ni hte hkinjawng ni hte hpawn bawng rim la hkrum na mara ai.

YEREMIA 5:1

Yerusalem amyu masha ni e, na a nmaw lam hku hprawng mu! Makau grup yin de mada yu mu! Nanhte hkum ni hpe yu yu mu! Shawa gat ginra ni hkan sawk tam yu mu! Ding hpring ai amu galaw nna Karai Kasang hta kangka nga na matu shakut ai masha langai mi hpe nang mu tam n ni? Nang mu tam ai rai yang, dai Madu gaw Yerusalem hpe mara dat ya na ra ai.

YEREMIA 7:4

‘Anhte gaw shim lum ga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai! Ndai gaw dai Madu a Nawku Htingnu rai nga ai!,’ nga nna masu magaw ga tsun ai ni hpe hkum kam nga et.

YEREMIA 7:8

“Yu u, nang gaw masu magaw ga hta kam hpa nga ndai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

MIHKA 2:1

Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.

KASA 24:9

Yuda masha ni mung, dai ga ni gaw teng nga ai, nga nna jawm mara shagun lawm ma ai.

YAKU 1:15

Shi a myit kayut ai gaw na-um na sin rai wa jang yubak mara hpe shangai dat wu ai; dai yubak mara kaba wa jang si ai hpe shangai dat wu ai.