ESAIA 59:3 - Jinghpaw Common Language Bible 2009

³ Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

Jinghpaw Hanson Version Bible

³ Nanhte a lata gaw asai hte, nanhte a layung ni shut hpyit ai hte, awu asin rai nga ai; nanhte a n-gup gaw masu ga tsun sai, nanhte shinglet gaw n hkru ai ga kahte tsun nga ai.

ESAIA 59:3 ပူးပေါင်းရင်းမြစ်များ

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 2:34

Na a hpun palawng ni gaw lagu lagut ni a asai hte n rai, matsan mayan masha ni hte mara n kap ai ni a asai hte numsha nga ai. “Rai ti mung, ndai zawn re ai amu yawng byin nga ti mung,

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

YEREMIA 7:8

“Yu u, nang gaw masu magaw ga hta kam hpa nga ndai.

YEREMIA 9:2

Nye a amyu masha ni hpe tawn kau nna nam mali hta sa nga na matu, shara langai lu na, ngai ra sharawng nga nngai. Shanhte yawng gaw sadi n dung ma ai, gumle gumlau galaw ai hpung langai rai ma ai.

YEREMIA 9:7

Ndai lam a majaw Chyahtum Chyalai N-gun Rawng ai dai Madu gaw, “Ngai gaw nye a amyu masha ni hpe nhprang arai hpe zawn jen yu na nngai, shanhte hpe ngai chyam dinglik yu na nngai. Nye a amyu masha ni gaw n hkru ai amu galaw masai- Shanhte hpe ngai kaning di lu na rai ta?

EZEKELA 13:8

Dai rai nna Tsaw Htum ai dai Madu gaw shanhte hpe, “Nanhte tsun ai ga ni gaw n teng n man nga ai; nanhte a myit shingran ni mung masu magaw ga ni hkrai rai nga malit dai. Ngai nanhte hpe ninghkap nngai.

EZEKELA 22:2

Shi gaw, “Si chye ai masha wa e, nang gaw masha sat ai ni hte hpring nga ai mare hpe tara jeyang na matu jin jin rai nga n ni? Dai mare hta galaw kau sai matsat shabat amu ni mahkra hpe asan sha madun dan u.

EZEKELA 35:6

Dai re ai majaw, Tsaw Htum ai dai Madu ngai gaw teng teng ahkrung nga ai Karai Kasang rai nga nngai, dai majaw si hkrung si htan gaw na a hpang jahtum na maka rai nga ai hte dai kaw na nang hprawng lawt lu na ndai n rai. Nang gaw masha sat ai mara lu nga ndai majaw, dai gaw nang hpe hkan shachyut na ra ai.

EZEKELA 7:23

“Lam shagu kashuk kashak byin nga sai-mungdan gaw masha sat ai amu ni hte hpring nga nna mare ni mung kashun kashe du daw sai hkaw amu ni hte hpring chyat nga ai.

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

HOSEA 7:13

“Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

HOSEA 7:3

Dai Madu gaw ning nga nna tsun ai: “Masha ni gaw shanhte a n hkru ai maw mawn lam hte hkawhkam wa hte shi a du salang ni hpe masu hkalem ma ai.

MIHKA 3:4

Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

MAHTE 27:4

“Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

1 TIMOHTI 4:2

Kahtet ai hpri hte kaba jahkat kau hkrum ai zawn, tinang a mai n mai chye ginhka ai htauli htaula myit ni si mat sai masu hkalem ai ni gaw shing re ai sharin shaga ai lam ni hpe shachyam shabra dat ma ai.