ESAIA 59:20 - Jinghpaw Common Language Bible 2009

²⁰ Dai Madu gaw shi a amyu masha ni hpe, “Ngai gaw nanhte hpe makawp maga na matu mung, yubak kaw na kayin wa ai nanhte yawng hpe hkye la na matu mung Yerusalem de sa wa na nngai.

Jinghpaw Hanson Version Bible

²⁰ Ziun hpang de mung, tara tawt lai ai kaw na myit kayin ai Yaku a amyu masha ni hpang de mung, Hkye hkrang la ai Madu du na ra ai, nga nna Yehowa tsun ai.

ESAIA 59:20 ပူးပေါင်းရင်းမြစ်များ

YOBA 19:25

Rai ti mung, sumsing lamu na marai langai ngai gaw hpang jahtum e ngai hpe makawp maga la na matu du sa wa na ra ai hpe ngai chye nngai.

ESAIA 10:21

N law n la rai naw ngam nga ai Israela amyu masha ni gaw chyahtum chyalai n-gun rawng ai shanhte a Karai Kasang hpang de nhtang wa na mara ai.

ESAIA 10:22

Israela amyu masha ni gaw ya rai tim panglai hkin-gau na zaibru tum ni daram law htam nga ma ti mung, ngam ai loi mi chyu sha nhtang wa na mara ai. Sharun jahten ai gaw amyu masha ni a matu mahkawng da ya nga ai, dai gaw hpring tup hkra hkam la lu na mara ai.

ESAIA 40:9

Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

ESAIA 62:11

Dai Madu gaw ginding aga ting hpe ning ngu tsun ndau nga ai: “Dai Madu gaw nang hpe hkye la na matu du sa wa nga ai, Shi mawai la sai amyu masha ni hpe shi hte rau woi sa wa nga ai, ngu Yerusalem amyu masha ni hpe tsun mu.”

Daniela 9:13

Mawshe a Tara hta ka da ai ari ahpri yawng anhte hpe jaw nga ndai. Rai ti mung, ya chyawm gaw, O Madu anhte a Karai Kasang e, anhte a yubak ni kaw nna kayin mat wa nhtawm na a teng man ai lam hta hkan sa ai hku nang hpe awng sharawng shangun ga ai n rai.

YOELA 2:32

Rai ti mung, karum la na matu dai Madu hpe hpyi jahtau ai ni yawng hkye hkrang la hkrum na mara ai. Dai Madu tsun da sai hte maren, ‘Yerusalem mare na nkau mi lawt lu na mara ai; dai ni gaw ngai lata san da hkrum ai ni rai nna hkrung nga lu na mara ai,’”

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.