ESAIA 59:13 - Jinghpaw Common Language Bible 2009

¹³ Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

Jinghpaw Hanson Version Bible

¹³ Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

ESAIA 59:13 ပူးပေါင်းရင်းမြစ်များ

YOBA 31:28

Dai zawn re ai yubak mara gaw si hkrung si htan hte ari jaw ai hkrum ging nga ai. Dai gaw Chyahtum Chyalai N-gun Rawng Ai Karai Kasang hpe nyet kau nga ai.

SHAKAWN KUNGDAWN 18:21

Madu a tara hpe, ngai hkan nang ni ai, nye a Karai Kasang kaw nna tsan tsan de, ngai kayin mat wa ni ai n rai.

SHAKAWN KUNGDAWN 78:36

Rai ti mung, shanhte a tsun shaga ai ga ni masu magaw ga ni hkrai rai nga ma ai hte shanhte tsun shaga ai lam ni myit malang ai hku hpa mung n rai nga ai.

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

ESAIA 10:1

Nanhte gaw dingnye hkrum nga myit dai! Nanhte gaw n teng n man ai tara ni hpe galaw shapraw nna nye a amyu masha ni hpe dip gamyet da nga myit dai.

ESAIA 30:12

Rai ti mung, ndai gaw Israela a chyoi pra ai Karai Kasang tsun ai ga rai nga ai: “Nanhte gaw ngai nanhte hpe tsun ai ga hpe hpa n nawn ya myit dai, nanhte gaw kashun kashe du daw sai hkaw amu hte masu magaw amu hta myit manoi nga myit dai.

ESAIA 31:6

Karai Kasang gaw, “Israela amyu masha ni e, nanhte gaw ngai hpe yubak galaw ai hte ngai hte nhtan shai nga myit dai. Rai ti mung ya chyawm gaw, ngai hpang de nhtang wa marit!

ESAIA 32:6

Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

ESAIA 48:8

Nang gaw gumlau wa langai zawn mying gumhkawng nga ndai rai nna, nang hpe n kam lu ai gaw ngai chye sani ai. Dai re ai majaw ndai amu hpe nang galoi mung n na yu nga ndai, de a ga hkaw mi pyi na a na de galoi mung n shang ai majaw rai nga ai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 57:11

Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

ESAIA 58:2

Shanhte gaw ngai hpe shani shagu nawku ma ai, shanhte gaw nye a lam ni hpe chye na matu hte nye a tara ni madat mara na matu grai sharawng ma ai lam tsun ma ai. Shanhte gaw shanhte hpe teng man ai tara ni jaw ya na matu hte ngai hpe nawku ai hta shanhte awng sharawng nga ai lam tsun ma ai,” ngu nna tsun ai.

ESAIA 58:9

Nang akyu hpyi ai shaloi, ngai nang hpe htan ya na nngai. Nang ngai hpe shaga ai shaloi, ngai htang shana na nngai. “Dip gamyet sha hkrum ai lam, n kaw n law re ai lai kumla shagu, hte n hkru ai n-gup aga shagu hpe nang jahtum kau nna,

YEREMIA 12:8

Lata la hkrum sai nye a amyu masha ni gaw ngai hpe myi man kayin kau masai; nam maling na hkanghkyi langai zawn shanhte ngai hpe shabam manu ai, dai rai nna, ngai shanhte hpe n dawng nngai.

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

YEREMIA 2:16

Rai sa, Memhpi hte Tahpan masha ni gaw shi a baw pungkum hpe kayat ga kau manu ai.

YEREMIA 2:17

Israela e, ngai nang hpe hkrun lam dingyang woi wa ai shaloi, dai Madu na a Karai Kasang rai nga ai ngai hpe kau da nit dai majaw, nang nan ndai zawn re ai ari hkrum nga ndai.

YEREMIA 3:10

Ndai amu ni yawng ngut boi ai hpang, Israela a sadi n dung ai kana, Yuda chyu sha ngai hpang de nhtang wa na matu jahpai chyai nga ai; shi gaw myit matu n ding nga ai. Dai Madu ngai nan tsun ni ai.”

YEREMIA 3:20

Rai ti mung sadi n dung ai madu jan zawn, nang ngai hta sadi n dung mat nit dai. Dai Madu ngai nan tsun ni ai,” ngu nna tsun ai.

YEREMIA 32:40

Ngai gaw shanhte hpe htani htana prat dingsa na ga shaka tawn da na nngai. Shanhte a matu mai kaja ai amu galaw nga ai hpe ngai galoi mung jahkring kau na n rai. Ngai gaw shanhte hpe shanhte a myit masin mahkra hte ngai hpe hkrit hkungga shangun na nngai, shanhte gaw ngai kaw nna galoi mung n kayin mat wa lu na mara ai.

YEREMIA 42:20

nanhte galaw maw mawn nga ai si chye ai shut hpyit amu hpe sadi jaw nga nngai. Nanhte a matu dai Madu anhte a Karai Kasang hpe hpyi lajin ya na, nanhte ngai hpe hpyi nem shangun myit dai; shi hkang da ai lam shagu hpe nanhte galaw shatup na ga ai nga nna ga sadi tawn da myit dai.

YEREMIA 5:23

Rai ti mung, amyu masha ni e, nang gaw du ja ai hte gumlau nga ndai; nang gaw ngai kaw nna kayin mat wa ai hte ngai hpe kau da nit dai.

EZEKELA 18:25

“Rai ti mung, nanhte gaw, ‘Dai Tsaw Htum ai Madu galaw ai amu gaw n teng n man nga ai,’ nga nna tsun myit dai. Dai rai nna Israela amyu masha ni e, ngai tsun ai ga hpe madat mara mu. Ngai galaw nga ai amu ni a lam n teng n man nga ai ngu nna nanhte myit nawn nga myit ni? Nanhte a lam mahtang n ding n man nga malit dai.

EZEKELA 6:9

dai ni gaw bawng dung hkrum ai mung hta nga nga na mara ai. Shanhte a n kam ai myit masin ni hte ngai hpe kau da ai hte ngai hta hpara sumla ni hpe grau nna ra sharawng nga ma ai majaw, ngai shanhte hpe ari jaw ai hte jahpoi kau ni ai hpe shanhte dum chye wa na mara ai. Shanhte gaw shanhte galaw ai n hkru ai amu ni hte matsat shabat re ai grit nem ai amu galaw ai a majaw, shanhte hkum hpe nan matsat kau na mara ai.

HOSEA 1:2

Dai Madu gaw Hosea hku nna Israela hpe shawng nnan ga tsun ai shaloi, shi gaw Hosea hpe, “Nang sa hkungran la su; na a madu jan gaw sadi n dung na ra ai, na a kashu kasha ni mung shi zawn tai na mara ai. Dai hte maren nye a amyu masha ni mung ngai kaw na pru mat wa nna sadi n dung mat nga masai,” ngu nna tsun wu ai.

HOSEA 11:12

Dai Madu gaw, “Israela amyu masha ni gaw ngai hpe masu magaw ga ni, hkalem hkalau ga ni hte wang gawan tawn da mi ai. Yuda amyu masha ni mung sadi dung ai hte chyoi pra ai Karai Kasang ngu na ngai hpe naw gumlau nga ma ai.

HOSEA 6:7

“Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

HOSEA 7:13

“Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

AMO LAIKA (AMOS) 6:12

Gumra ni gaw lunghkrung ntsa hkan e gumlawt hkawm lu nga a ni? Kadai wa panglai hka hpe dumsu hte shawt lu a ni? Ti mung, nanhte gaw teng man rap ra ai tara hpe gung, jaw ai hpe shut ai de kayin kau nga myit dai.

MAHTE 10:33

Masha ni a man e ngai hpe nyet kau ai wa hpe chyawm gaw, sumsing lamu e nga ai, nye Wa a man e ngai nyet kau na we ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.

YAKU 1:15

Shi a myit kayut ai gaw na-um na sin rai wa jang yubak mara hpe shangai dat wu ai; dai yubak mara kaba wa jang si ai hpe shangai dat wu ai.

YAKU 3:6

Dai shinglet mung wan hte bung nga ai. Shinglet gaw anhte a hkum hkrang daw shan hta na n hkru n shawp ai mungkan rai nna hkum hkrang ting hta dai n hkru ai hpe chyam bra wa shangun nga ai. Shinglet gaw ngarai wan hte nan anhte a asak hkrung lam ting hpe shachyi dat nga ai.

YAWSHU 24:27

Shi gaw amyu masha ni yawng hpe, “Ndai nlung gaw anhte a sakse tai nga na rai nga ai. Dai Madu anhte hpe tsun ai ga yawng mayawng na la saga ai; dai rai nna, nanhte a Karai Kasang hpe n gumlau kau myit ga, dai gaw nanhte a matu sakse tai na ra ai,” ngu nna tsun wu ai.