ESAIA 59:12 - Jinghpaw Common Language Bible 2009

¹² Madu e, nang hte nhtan shai ai anhte a ru hka amu ni gaw law la nga ai. Anhte a yubak mara ni anhte hpe mara shagun nga ai. Anhte gaw dai lam yawng mayawng hpe kaja wa sadi maja nga ga ai.

Jinghpaw Hanson Version Bible

¹² Kaning rai nme law, anhte tara tawt ai lam, na a man e law htam wa nna, anhte galaw ai yubak gaw sakse tai nga ai; anhte a tara tawt lai ai lam ni anhte hta kap nga nna, tinang shut hpyit ai hpe tinang nan chye nga ga ai:

ESAIA 59:12 ပူးပေါင်းရင်းမြစ်များ

EZRA 9:13

Anhte a Karai Kasang e, Anhte hta byin hkrum hkra sai lam magup a yubak hte galaw shut kau sai amu ni a matu ari hkrum sha nga ga tim pyi, nang gaw anhte hkam la ging ai mara daram nang ari n jaw ai sha, hkrung nga na ahkang jaw ya nga ndai.

EZRA 9:6

Ngai gaw, “O Karai Kasang e, anhte a yubak gaw baw lim hkra sumpum nga nna, dai ni gaw sumsing lamu du hkra dep nga ai majaw, na a man e nye a baw sharawt lu na ngai nau wa kaya nga nngai.

NEHEMIA 9:33

Nang gaw teng man ai hku anhte hpe ari jaw nit dai; Anhte yubak mara galaw ga tim pyi, nang gaw sadi dung nga ndai.

SHAKAWN KUNGDAWN 51:3

Nye a shut hpyit ai mara ni hpe ngai matsing nga nngai; nye a yubak ni hpe ngai tut nawng adum nga nngai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

ESAIA 64:4

Shi hpe myit mada nga ai ni a matu dai zawn re ai magam amu galaw ai nang hte bung ai Karai Kasang hpe kadai galoi mung n mu yu, n na yu ga ai.

YEREMIA 14:7

Nye a amyu masha ni gaw ngai hpe, ‘Anhte a yubak mara ni anhte hpe mara shagun tim pyi, Madu e, na a ga sadi hte maren, anhte hpe karum la mi. Anhte gaw nang kaw na law law lang kayin mat wa saga ai; anhte gaw nang hpe shut hpyit kau saga ai.

YEREMIA 3:2

Kawng pungding ni hpe sharawt mada yu u. Shawa num zawn nang n galaw yu ai shara mi nga nga a ni? Arab masha gaw zaibru jang e lagyim ala nga ai zawn, nang gaw nmaw lam makau dingyang hkan sumtsaw ni hpe ala nga ndai. Nang gaw lamu ga hpe shawa num amu hte awu asin di kau nga nit dai.

EZEKELA 5:6

Rai ti mung, Yerusalem gaw nye a hkang da ai ga hpe gumlau nna, kaga masha amyu baw ni hta grau nna n hkru n shawp nga ma ai hte shi a grup yin mungdan ni hta grau nna lale kau nga ai hpe madun dan nga nu ai. Yerusalem gaw nye a hkang da ai ga hpe n hkan hkraw ai hte nye a tara ni hpe shatup na matu ningdang kau nu ai.

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

EZEKELA 7:23

“Lam shagu kashuk kashak byin nga sai-mungdan gaw masha sat ai amu ni hte hpring nga nna mare ni mung kashun kashe du daw sai hkaw amu ni hte hpring chyat nga ai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

HOSEA 5:5

Israela amyu masha ni a myit tsaw myit dap ai gaw shanhte hpe yawn madai shangun nga ai. Shanhte a yubak ni gaw shanhte hpe ahtu kataw shangun nga ai, Yuda amyu masha ni gaw shanhte hte rau kadawng mat nga ai.

HOSEA 7:10

Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

HABAKU 1:4

Tara gaw n-gun kya mat nna akyu n jaw lu nga ai, teng man rap ra ai tara agyi ni kaw nna galoi mung n pru nga ai. N hkru ai masha ni gaw ding hpring ai masha ni hpe dang kau ma ai majaw teng man ai lam n dan dawng lu nga ai.

BU HKAWM 32:23

Rai ti mung nanhte a ga sadi hpe n hkan shatup myit dai rai yang chyawm gaw dai Madu hpe nanhte shut kau na rai myit dai, ngu nna ngai ga sadi jaw nngai. Dai lam gaw shut ai lam n rai, nga nna galaw hkrup myit yang gaw nanhte shut kau ai yubak a majaw ari jaw hkrum na rai myit dai.