ESAIA 59:11 - Jinghpaw Common Language Bible 2009

¹¹ Anhte gaw hkrit kajawng ai hte tsin-yam tsindam hkrum nga ga ai. Anhte gaw dip gamyet sha hkrum nga ai hte shut hpyit amu kaw na Karai Kasang anhte hpe hkye la na matu marit nga ga ai, rai ti mung dai gaw hpa mung n byin wa nga ai.

Jinghpaw Hanson Version Bible

¹¹ Anhte yawng tsap zawn shabam nna, hkrudu zawn madai nga ga ai; tengman ai tara hpe anhte myit mada timung, n lu ga ai; hkye hkrang la ai chyeju hpe myit mada timung, dai gaw anhte hte tsan la nga ai.

ESAIA 59:11 ပူးပေါင်းရင်းမြစ်များ

SHAKAWN KUNGDAWN 119:150

Mazut ai hte zingri zingrat ai ni ngai hpang de shanang sa wa nga ma ai, masha dai ni na a tara hpe galoi mung n hkan nang ai ni rai ma ai.

SHAKAWN KUNGDAWN 119:155

Tara n lang ai ni na a tara ni hpe n hkan nga ma ai majaw; hkye hkrang la ai shanhte hkrum na ma ai n rai.

SHAKAWN KUNGDAWN 38:8

Ngai gaw hki ba la nga nngai hte teng sha wa, agrawp agrap rai mat nga nngai; nye a myit kraw lawang mung ru tsang hkrum nga nna, nchyi nmu hte ngai madai nga nngai.

SHAKAWN KUNGDAWN 55:2

Ngai hpe madat ya nna htan ya e; nye a myit ru myit tsang ai lam ni hta ngai hki ba la nga nngai.

SHAKAWN KUNGDAWN 85:9

Shi hpe shagrau sha-a ai ni hpe shi hkye hkrang la na, kaja wa, jin jin rai nga ai; shi a hkye hkrang la ai hpung shingkang gaw anhte a lamu ga hta nga nga na ra ai.

ESAIA 38:14

Nye a nsen gaw kaji nna kya nga li ai, Ngai gaw hkrudu zawn madai nngai. Nye a myi ni sumsing lamu de mada yu nna hki ba mat sali ai. Dai Madu gaw ngai hpe ndai ru tsang yawng hta na hkye mawai la nga ai.

ESAIA 51:20

Nmaw lam jut shagu hta na a amyu masha ni n-gun kya ai hte taw nga ma ai; shanhte gaw jaugawng wa a sumgawn hta rim hkrum ai shannga zawn rai ma ai. Shanhte gaw Karai Kasang a sindawng kahtet ai n-gun hpe hkam sha manu ai.

ESAIA 59:14

Teng man rap ra ai tara gaw kanut mat wa sai, ding hpring ai gaw ni sa lu ai n rai. Teng man ai gaw shawa ginra hta ahtu kataw mat sai, myit malang ai hpe dai shara hkan e n mu tam nga sai.

ESAIA 59:8

Nang nga ai grup yin hta kadai mung shim ai n rai. Nang galaw ai lam shagu n teng n man nga ai. Nang gaw magaw ai lam hkan nga ndai, galoi mung n shim ai dai lam hta kadai mung n hkawm nga ai.

ESAIA 59:9

Amyu masha ni gaw, “Ya chyawm gaw, anhte hpe dip gamyet nga ai ni a lata kaw na Karai Kasang anhte hpe hpa majaw n hkye la ai hpe anhte chye ga ai. Hkawm sa lu na matu nhtoi anhte myit mada ga ai, rai ti mung nsin sha nga nga ai,

YEREMIA 8:15

Anhte gaw ngwi pyaw sim sa lam hte shamai shatsai na aten hpe myit mada nga ga ai; rai ti mung dai gaw hpa akyu mi n nga sai; de a malai hkrit hpa lam dan pru wa nga sai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

SHARUNG SHAYAWT 3:17

Ngai gaw hkam kaja ai, ngwi pyaw ai hte kabu gara ai gaw hpa rai nga ai hpe malap kau ni ai.

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

NAHUM 2:7

Hkawhkam jan gaw woi mat wa hkrum sai; shi a shangun ma ni hkrudu ni zawn madai ma ai yawn hkyen ai hte shanhte a sinda adup la ma ai.

NAHUM 2:8

Namhpai jahten kaw na hka zawn, masha ni gaw Ninewe kaw na hprawng pru wa ma ai! “Hkring mu! Hkring mu!,” ngu nna hkan jahtau ti mung, kadai mung nhtang kayin yu ma ai n rai.