ESAIA 59:10 - Jinghpaw Common Language Bible 2009

¹⁰ anhte gaw myi kyaw amyu masha ni zawn lamawm hkawm ga ai. Anhte gaw shani chyingtung e pyi ahtu kataw ga ai, shana lama rai yang, sin ai katsan ga hta anhte nga nga ai zawn rai na ga ai.

Jinghpaw Hanson Version Bible

¹⁰ Myi hten ai wa zawn, anhte shakum hpe tam masawp nga ga ai; myi n tu ai ni zawn, lamawm hkawm nga ga ai; shana e zawn, jan pungding e pyi, anhte ahtu kataw ga ai; ngamu ngamai ai ni hta anhte chyasi ni zawn rai nga ga ai.

ESAIA 59:10 ပူးပေါင်းရင်းမြစ်များ

YOBA 5:14

shanhte gaw shani chyingtung e pyi nsin kata hta lamawm hkawm ma ai.

GA SHAGAWP 4:19

Tara n lang ai ni a lam chyawm gaw shana zawn sin mak nga ai. Shanhte gaw kashawt ti mung, shanhte kaning rai kataw ai hpe n chye nga ma ai.

ESAIA 28:13

Dai re ai majaw, dai Madu gaw nanhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, sharin ya na ra ai. Dai hpang nanhte hkawm sa wa ai lagaw lahkam shagu ahtu kataw wa na marin dai. Nanhte gaw hkala nba hkrum ai hte mahkam hkam hkrum nhtawm bawng masha tai mat na marin dai.

ESAIA 8:14

Hkrit hkungga na zawn re ai nye a chyoi pra ai hpung shingkang a majaw, ngai gaw amyu masha ni hpe ahtu kataw shangun ai nlung zawn rai nga nngai; ngai gaw Yuda hte Israela a mungdan amyu masha ni hte Yerusalem mare masha ni hpe hkam ai mahkam zawn rai nga nngai.

ESAIA 8:15

Masha law law wa ahtu kataw na mara ai; shanhte gaw di hkrat ai hte agrawp mani kau ai hkrum na mara ai. Shanhte gaw mahkam hta rim hkrum na mara ai.”

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

SHARUNG SHAYAWT 3:6

Shi gaw ngai hpe si hkrung si htan a nsin kata hta anga nga na matu aja awa shadut nu ai.

SHARUNG SHAYAWT 4:14

Shi a ningbaw ni gaw myi n mu ai ni zawn nmaw lam ni hkan lamawm hkawm ma ai; dai rai nna shanhte a hkum gaw asai ni hte numsha nga ma ai rai nna kadai mung shanhte hpe n hkra lu ma ai.

EZEKELA 21:15

Dai gaw nye a amyu masha ni a nden marai hpe shamak kau ya nna ahtu kataw shangun nga ai. Ngai gaw shanhte a mare hpe myihprap wan zawn gala ai nhtu hte jahkrit shama nna sat sharu kau na matu jin jin rai nga na nngai.

AMO LAIKA (AMOS) 8:9

Ngai gaw shani chyingtung e ajan hpe jashang kau shangun ai hte ginding aga hpe shani aten e nsin sin shangun ai shaloi dai aten du wa na ra ai. Tsaw Htum ai dai Madu ngai nan tsun ni ai.

MIHKA 3:6

“Myihtoi ni e, nanhte a ahkyak ai nhtoi lai wa magang rai wa nga myit dai; jan gaw nanhte a ntsa e shang mat wa nga sai. Nanhte gaw nye a amyu masha ni hpe lam woi shadam myit dai majaw, nanhte hta myihtoi shingran galoi mung mu lu sana myit dai n rai; hpa lam hta rai tim, nanhte myihtoi ga tsun lu na myit dai n rai,” nga nna tsun ai.

YAWHAN 12:35

Yesu gaw, “Dai nhtoi gaw nanhte hta loi hkring mi sha nga nga na sai; dai nsin gaw nanhte hpe garai n ka-up lep myit ga, nanhte hta nhtoi naw nga nga yang, matut nna hkawm sa mu, hpa majaw nga yang, nsin hta hkawm sa ai wa gaw, tinang gade sa wa nga ai mung, n chye wu ai.

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

TARA JAHPRANG 28:29

Nanhte gaw myi amam ai wa zawn shani chyingtung e pyi lamawm hkawm na rai myit dai; nanhte gaw nanhte hkawm sa na lam hpe pyi mu tam lu na n rai; nanhte galaw ai hpa lam mung ngamu ngamai shangun lu na n rai. Nanhte gaw dip gamyet sha hkrum nna zingri zingrat kashun kashe du daw sai hkaw sha ahkrum na marin dai; nanhte hpe kadai mung karum la na myit dai n rai.

1 YAWHAN 2:11

Rai ti mung shi a kahpu kanau wa hpe n ju n dawng ai wa chyawm gaw, dai nsin hta e nga nga ai rai nna, dai nsin hta hkawm sa nga ai majaw shi gara de sa wa nga ai hpe n chye wu ai, hpa majaw nga yang dai nsin gaw shi a myi hpe shakyaw kau ya wu ai.