ESAIA 59:1 - Jinghpaw Common Language Bible 2009

¹ Dai Madu gaw nang hpe hkye la na matu nau wa n-gun kya ai hte karum la na matu na a shaga ai nsen na la na nau wa na lahpang nga ai ngu, hkum myit nawn myit!

Jinghpaw Hanson Version Bible

¹ Yu u, Yehowa gaw n hkye la lu hkra, lata gadun ai n rai; n na lu hkra, na lahpang ai n rai:

ESAIA 59:1 ပူးပေါင်းရင်းမြစ်များ

NINGPAWT NINGHPANG 18:14

Dai Madu n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

SHAKAWN KUNGDAWN 94:9

Karai Kasang gaw anhte a na ni hpe hpan da ya mani ai-shi anhte hpe ari n jaw na rai wu ni? Karai Kasang gaw anhte a myi ni hpe hpan da ya mani ai-shi n mu lu na rai wu ni?

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

ESAIA 58:9

Nang akyu hpyi ai shaloi, ngai nang hpe htan ya na nngai. Nang ngai hpe shaga ai shaloi, ngai htang shana na nngai. “Dip gamyet sha hkrum ai lam, n kaw n law re ai lai kumla shagu, hte n hkru ai n-gup aga shagu hpe nang jahtum kau nna,

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

ESAIA 63:1

Edom mung Bozra mare kaw na du sa wa ai ndai wa gaw kadai rai nga a ni? Hkyeng ai hpun palawng hte grai hkik hkam hkra hpun nna daru magam n-gun hte n-gun atsam hte hkawm sa wa ai ndai wa gaw kadai rai nga a ni? Dai gaw hkye hkrang la na daru magam n-gun hte shi a awng padang hpe tsun shabra na matu du sa nga ai dai Madu rai nga ai.

ESAIA 65:24

Shanhte ngai kaw akyu hpyi ai ga garai n htum yang pyi, ngai gaw shanhte a akyu hpyi ga ni hpe htan ya na nngai.

YEREMIA 14:9

Nang gaw hpa majaw mau mak mat ai hte karum la na matu n-gun n rawng ai hpyenla wa zawn tai nga n ta? Kaja wa tsun ga nga yang, Madu e, nang gaw anhte hte rau nga nga ndai! Anhte gaw na a amyu masha ni rai nga ga ai; anhte hpe hkum kau da nga et,’” ngu nna jahtau tsun ma ai.

YEREMIA 32:17

“Tsaw Htum ai Madu e, nang gaw na a daru magam n-gun hte lahpum hpe shada nna ginding aga hte sumsing lamu hpe hpan da nit dai; na a matu hpa mung grai yak la nga ai n rai.

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

MIHKA 2:7

Israela amyu masha ni gaw dagam dala hkrum nga ma ai ngu nna nang myit lu nga a ni? Dai Madu hta hkam sharang ai myit n rawng mat nu ai kun? Shi gaw dai zawn re ai amu hpe teng teng galaw wa na rai nga a ni? Shi gaw teng man ai amu galaw ai ni hpe matsan dum lama ai myit hte tsun shaga ai n rai ni?,” ngu nna tsun ai.

BU HKAWM 11:23

Dai Madu gaw, “Nye a daru magam n-gun hta shadawn shadang nga nga a ni? Ngai tsun sai ga byin na, n byin na gaw kade n na yang nang mu lu na rin dai,” ngu nna htan wu ai.

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

1 SAMUELA 4:3

Naw hkrung nga ai ni dap de nhtang wa shajang yang, Israela ningbaw ni gaw, “Dai ni na nhtoi hta dai Madu gaw hpa majaw Hpilisti masha ni hpe dang kau shangun ai kun? Shi anhte hte rau sa nna gumlau hpyen ni a lata kaw na anhte hpe hkye la mi ga, Shilo mare na dai Madu a Ga Shaka Sumpu hpe wa la saga,” ngu nna tsun ma ai.

1 SAMUELA 8:18

Dai aten du jang nanhte nan lata la manit dai dai nanhte a hkawhkam wa a majaw ahkup ahka nga mat hkra nanhte aput angun na marin dai, rai ti mung dai Madu gaw nanhte a aput angun ai lam ni hpe madat ya na wu ai n rai,” ngu nna tsun shaleng dan wu ai.