ESAIA 58:8 - Jinghpaw Common Language Bible 2009

⁸ “Dai hpang nye a myi man gaw jahpawt manap na ajan zawn na a ntsa e htoi wa na ra ai, na a ningma ni alawan shamai shatsai ai hkrum na ra ai. Ngai gaw nang hpe hkye la na matu nang hte tut nawng nga nga na nngai; nye a hpung shingkang gaw nang hpe man maga shagu makawp maga la na nngai.

Jinghpaw Hanson Version Bible

⁸ Shing rai na a nhtoi gaw, jahpawt manap na nhtoi zawn, htoi wa nna, na a hkam kaja ai gaw alawan tu na ra ai; na a dinghpring ai lam na a shawng e sa wa nna, Yehowa a hpung shingkang na a hpang e sin langa tai na ra ai.

ESAIA 58:8 ပူးပေါင်းရင်းမြစ်များ

YOBA 11:17

Na a asak gaw jan pungding hta grau htoi na ra ai; asak a nsin sin htum ai ahkying aten ni pyi jahpawt manap zawn htoi wa na ra ai.

SHAKAWN KUNGDAWN 112:4

Matsan chye dum ai, n-gaw n wai myit hte teng man nga ai mai kaja ai masha ni a matu, nhtoi gaw nsin hta htoi tu ya nga ai.

SHAKAWN KUNGDAWN 37:6

Na a ding man ai lam hpe jan pungding shingkang zawn, shi shapraw dan na ra ai.

SHAKAWN KUNGDAWN 85:13

Ding man ai lam gaw dai Madu a shawng e, sa wa nna; shi a matu lam shajang shajin ya na ra ai.

SHAKAWN KUNGDAWN 97:11

Ding hpring ai wa a ntsa e, nhtoi hpe jahtoi ya nna; mai kaja ai ni a ntsa e, kabu gara ai lam tawn da ya nga ai.

PRU MAT 14:19

Israela dap a shawng e sa wa ai Karai Kasang a lamu kasa gaw hpang de nhtang nna sa nga ai. Sumwi shadaw mung hpang de htawt tu nna,

GA SHAGAWP 11:17

Nang gaw matsan chye dum ai wa rai yang, nang nan matsan dum hkrum na lam lajang da nga ndai; nang lama, mazut ai wa rai yang chyawm gaw na hkum hpe chyu sha machyi shangun nga ndai.

GA SHAGAWP 11:25

Ndaw nhta jaw ya u, shing rai jang, nang ngamu ngamai wa na ra ai; kaga masha ni hpe karum shingtau u, shing rai jang karum shingtau la ai nang bai hkam la lu na rin dai.

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

ESAIA 26:2

Mare chyinghka ni hpe hpaw malang da mu, kangka ai masha amyu baw hte jaw ai amu galaw ai masha amyu baw ni shang lu mu ga.

ESAIA 30:26

Shata gaw ajan zawn htoi tu wa na ra ai, jan a nhtoi gaw mi na hta htam sanit grau htoi wa nna sanit ya na nhtoi gaw kalang mi htoi ai n-gun zawn tai na ra ai. Dai Madu gaw shi a amyu masha ni hpe shakap da ya sai nma ni hpe ahkyen kayawp nna shamai shatsai ya ai shaloi ndai lam byin wa na ra ai.

ESAIA 33:24

Anhte a mungdan hta shanu nga ai kadai mung machyi nna aput angun ai lam galoi mung nga na ra ai n rai; yubak mara yawng gaw raw dat kau hkrum na ra ai.

ESAIA 52:12

Ndai lang chyawm gaw nanhte tin shapun pru mat wa ra na myit dai n rai; nanhte hprawng shakut ra na myit dai n rai. Dai Madu na a Karai Kasang gaw nanhte hpe lam woi nna kade nde nanhte hpe makawp maga na ra ai.

ESAIA 57:18

“Shanhte gara hku shamu shamawt ai amu hpe ngai mu se ai, rai ti mung ngai shanhte hpe shamai shatsai na nngai. Ngai shanhte hpe woi awn na nngai, shanhte hpe karum na nngai, Sharung shayawt hkrum nga ai ni hpe ngai shalan shabran na nngai.

ESAIA 60:1

Yerusalem e, rawt u, ajan zawn htoi tu u; Dai Madu a hpung shingkang gaw na a ntsa e htoi tu nga ai!

ESAIA 60:2

Kaga masha amyu baw ni gaw nsin hte ka-up da hkrum na mara ai, Rai ti mung dai Madu a nhtoi gaw na a ntsa e htoi tu na ra ai; Shi a htoi kabrim ai hpung shingkang gaw nang hte rau nga nga na ra ai.

ESAIA 62:1

Ngai gaw Yerusalem hpe n-gun atsam jaw na matu tsun shapraw na nngai; Ngai gaw dai mare hkye hkrang la hkrum ai aten du hkra atsin sha nga na n rai, Dai mare a awng padang gaw shana e htoi ai wan shanan zawn htoi tu nga ai.

YEREMIA 30:17

Ngai gaw nanhte hpe kalang mi bai hkam kaja shangun na nngai; Nanhte a gumlau hpyen ni, ‘Ziun gaw kau da ai hkrum nga ai; kadai mung shi hpe lanu lahku ai n rai,’ nga nna tsun ma ti mung, ngai gaw nanhte a ningma ni hpe shamai shatsai ya na we ai. Dai Madu ngai nan tsun ni ai,” nga ai.

YEREMIA 33:6

Rai ti mung, ngai gaw ndai mare hte dai hta shanu nga ai amyu masha ni hpe shamai shatsai ai hte shanhte hpe hkam kaja shangun na nngai. Ngai shanhte hpe ngwi pyaw sim sa lam law htam shangun nna shim lum ai lam madun dan na nngai.

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

KASA 10:31

‘Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai Kasang matsing da nu ai.

KASA 10:35

Karai Kasang gaw shi hpe hkrit hkungga nawku daw jau nna ding hpring ai amu galaw ai wa kadai hpe mung amyu n lata ai sha sharawng awng hkap la nga ai.

KASA 10:4

Shi gaw hkrit let dai lamu kasa hpe azi yu nna, “Madu e hpa lam rai ta?,” ngu nna san wu ai. Shaloi lamu kasa gaw, “Na a akyu hpyi ai hte alu jaw ai lam hpe Karai Kasang sharawng awng ya nga ai rai nna nang hpe htan ya na jin nga chyalu rai nga ai.