ESAIA 58:7 - Jinghpaw Common Language Bible 2009

⁷ Na a lusha hpe kawsi kyet ai wa hpe karan ya u, dum nta n lu ai matsan mayan masha ni shang wa lu mu ga, na a nta ni hpe hpaw tawn u. Bu hpun na hpa mung n lu ai ni hpe hpun palawng jaw u, na a makyin jinghku ni hpe karum na hkum ningdang et.

Jinghpaw Hanson Version Bible

⁷ kawsi hkrum ai wa hpe lusha jaw nna, shapraw kau hkrum ai matsan mayan wa hpe na nta de woi jashawn na hte, hpun palawng n lu ai wa hpe shabu jahpun nna, tinang manang ni hpe n koi kau na gaw, ngai sharawng awng ai lusha gam ai lam rai nga ai, n rai ni?

ESAIA 58:7 ပူးပေါင်းရင်းမြစ်များ

NINGPAWT NINGHPANG 19:14

Dai hpang Lawt gaw shi a shayi sha ni hpe la na hkyen ai kahkri ni hpang de sa nhtawm, “Alawan rawt manu, ndai shara kaw nna pru mat wa manu; dai Madu gaw ndai shara hpe jahten kau na nu ai,” ngu nna tsun dan wu ai. Rai ti mung, shi shatu nga ai ngu nna shanhte myit nawn ya mu ai.

NINGPAWT NINGHPANG 19:2

“Madu yan e, nan hpe daw jau lu n ga, ndai yang e ngai nga nga nngai. Chyeju hte nye a nta de sa wa ya mi. Nan a lagaw hpe shin lu nna shana tup nga nga lu na myit dai. Shing rai jahpawt manap jau jau rawt nhtawm nan a hkrun lam hpe matut sa wa mu,” ngu nna tsun wu ai. Rai ti mung shan mahtang, “N rai law, ndai mare lam kaba hkan e she an shana tup nga nga na ga ai,” ngu nna htan ma ai.

2 HKAWHKAM LABAU 28:15

Shaloi lu rim wa ai lanep arai kaw nna bu hpun palawng, bawng masha ni hpe garan jaw na matu masha mali hpe san da nga ma ai. Dai ni gaw shanhte hpe bu hpun palawng shabu jahpun nna hkyepdin shadin ya let shanhte sha na, lu na malu masha alaw alam jaw ya ma ai. Hkrun lam hkawm sa na matu nau wa n-gun kya nga sai ni hpe chyawm gaw lawze ni hta shajawn nhtawm Yuda lamu ga hta nga ai Namhtan Hpun Mare ngu ai Yerihko de du hkra bawng masha ni yawng hpe sa sa dat ma ai. Dai hpang Israela masha ni mung Samari mare na shanhte a dum nta de bai nhtang mat wa ma ai.

NEHEMIA 5:5

Anhte gaw anhte a Yuda hpu nau ni hte amyu langai sha rai nga ga ai. Anhte a kashu kasha ni gaw shanhte a kashu kasha ni zawn rai nga ai n rai ni? Rai ti mung anhte gaw anhte a kashu kasha ni hpe mayam shatai kau nga ga ai. Anhte a shayi sha nkau mi hpe pyi, mayam ni zawn dut kau rau saga ai. Anhte a yi sun ni hte sabyi sun ni gaw anhte a lata kaw nna madu la kau hkrum nga saga ai majaw anhte gaw matsan mayan hkrum nga ga ai,” ngu nna naw tsun nga ma ai.

YOBA 22:7

Nang gaw hki ba ai ni hpe lu ntsin n jaw hkraw ndai, kawsi kyet ai ni hpe lusha n jaw hkraw ndai.

SHAKAWN KUNGDAWN 112:9

Shi gaw ra kadawn nga ai wa hpe nhpaw n-ya jaw ya nna, shi a matsan dum ai lam galoi mung yawm mat ai n rai; Shi gaw daru magam n-gun jat wa ai hte hkungga lara ai hkrum na ra ai.

GA SHAGAWP 11:17

Nang gaw matsan chye dum ai wa rai yang, nang nan matsan dum hkrum na lam lajang da nga ndai; nang lama, mazut ai wa rai yang chyawm gaw na hkum hpe chyu sha machyi shangun nga ndai.

GA SHAGAWP 22:9

Ndaw nhta jaw ya u; Na a lusha matsan mayan wa hpe garan ya u, shaloi dai amu a majaw shaman ai chyeju nang hkam la na rin dai.

GA SHAGAWP 24:11

N tara ai hku, sat kau hkrum na wa hpe mawai la na matu hkum kanung nga et.

GA SHAGAWP 25:21

Na a gumlau hpyen wa kawsi hkrum ai shaloi, shi hpe lusha jaw u; shi hpang gara nga ai rai yang, lu sha ntsin jaw u.

GA SHAGAWP 28:27

Matsan mayan wa hpe gam jaw u, shaloi nang galoi mung ra kadawn na rin dai n rai; matsan mayan wa hpe yu shalai kau ai rai yang chyawm gaw, masha law law wa, nang hpe dagam dala ga tsun na mara ai.

ESAIA 58:10

kawsi kyet ai ni hpe nang lusha jaw nhtawm, ra kadawn ai ni hpe nang myit shadik ya ndai rai yang, nang hpe shinggrup da ai nsin gaw shani chyingtung na nhtoi tai na ra ai.

YEREMIA 22:3

“Dai Madu ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit.

EZEKELA 18:16

Kadai hpe mung n dip gamyet sha, kadai hpe mung n zingri nga ai. Hkoi shap la ai wa shi hpe tang da ai arai ap da ai arai hpa hpe mung shi bai nhtang ap ya nga ai. Kawsi hpang gara ai wa hpe lusha jaw nna singgu krin re ai wa hpe hpun palawng gam ya nga ai.

EZEKELA 18:7

Shi gaw kadai hpe mung mawp sha ai hte kashun kashe amu galaw nga ai n rai. Arai hkoi shap la ai wa shi hpe tang da ai arai jaw yang, shi bai nhtang ap ya nga ai; shi gaw kawsi hpang gara ai wa hpe lusha jaw nna, singgu krin re ai wa hpe hpun palawng gam ya nga ai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

LUKA 11:41

Rai ti mung, nanhte a gawm hte ban ni hta rawng ai arai ni hpe matsan mayan ni e jaw kau mu, shing rai galaw yang, nanhte a matu nga manga san pra wa na malit dai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

LUKA 3:11

Shi shanhte hpe htan mu ai gaw, “Palawng lahkawng lu ai wa gaw, n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

KASA 16:15

Shi hte nta masha ni hkalup hkam la ngut jang, shi gaw, “Dai Madu hpe kam sham ai hta teng man kangka ai jan rai ni ai ngu nna nanhte myit hkut da sai rai yang gaw nye a nta kaw sa nga marit,” ngu nna akroi anoi hpyi ai hte nga shangun mi ai.

KASA 16:34

Bai shi gaw Pawlu yan Sila hpe shi a nta ntsa de woi shashawn la nna lusha galaw daw let Karai Kasang hpe kam sham lu sai majaw, shi hte nta ting nachying kabu gara nga ma ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.

TARA JAHPRANG 22:1

Israela hpu nau langai ngai a sagu dumsu, lam dam ai hpe nang mu dat yang, dai hpe hkum yu shalai kau et; na a hpu nau wa hpang de bai sa sa ya na rai ndai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

HPILEMON 1:7

Hpu nau wa e, na a tsaw ra ai myit a majaw ngai grai wa kabu gara ai hte myit n-gun lu la nngai law! Nang gaw Karai Kasang a chyoi pra ai masha ni yawng hte a myit masin hpe shangwi shapyaw ya lu nit dai.

TARA AGYI 9:2

shanhte hpe, “Gidon a kasha sanit shi hte ting up hkang na hta langai sha up na gara mahtang nanhte ra sharawng nga myit ni? Abimelek chyawm gaw nanhte a shan, nanhte a asai majing nan rai nga ai hpe dum mu,” ngu nna tsun wu ai.