ESAIA 58:4 - Jinghpaw Common Language Bible 2009

⁴ Nanhte a lusha gam ai gaw kabring kabrawng du daw sai hkaw shabyin nna, nanhte gaw ga law ga la hte gasat gala nga myit dai. Dai zawn re ai lusha gam ai lam gaw nanhte a akyu hpyi ga ni hpe madat shangun na matu rai nga ai ngu, nanhte myit nawn da myit ni?

Jinghpaw Hanson Version Bible

⁴ Nanhte gaw dangrang hkat ai hte, ga law ga la nna, n hkru ai lata latup hte htwi let, lusha gam myit dai: nanhte a nsen gaw, matsaw ntsang de hkrang lu na matu, nanhte dai ni lusha gam ai n rai.

ESAIA 58:4 ပူးပေါင်းရင်းမြစ်များ

GA SHAGAWP 21:27

Tara n lang ai masha ni dai Madu hpe shagu hkungga nawng jau ya ai shaloi, shi dai hpe n dawng nga ai; dai hta grau nna n hkru ai myit akyang hte shanhte nawng jau ai rai yang grau n dawng nga ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

ESAIA 3:14

Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

ESAIA 59:2

Dai gaw nanhte a yubak mara ni a majaw nanhte a nsen hpe shi n na nga ai. Nanhte Karai Kasang hpe nawku na shakut myit dai shaloi, dai nanhte a yubak mara ni gaw nanhte hpe Karai Kasang kaw na jahka kau ya nga ai.

YOELA 2:12

Dai Madu gaw, “Ya rai ti mung, myit kraw asan sha hte myit malai wa nna, lusha gam, hkrap shabam nna sharung shayawt ai hte ngai hpang de nhtang wa marit.

YONA 3:7

Shi gaw Ninewe mare masha ni hpang de ning ngu tsun shana ndau dat wu ai: “Ndai gaw hkawhkam wa hte shi a du salang ni kaw na aming rai nga ai: Kadai mung hpa n sha lu na rai nga ai; masha yawng mung, dumsu hte sagu ni mung n lu n sha lu na rai nga ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

LUKA 20:47

gaida gaina ni a dum nta arung arai ni hpe mya lu mya sha nna, hpyi hpun ai hte galu galang akyu hpyi ma ai! Shanhte hkam la na ari gaw laja lana sawng ai hkrai rai na mara ai,” ngu wu ai.

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.