ESAIA 57:9 - Jinghpaw Common Language Bible 2009

⁹ Nanhte gaw tinang hkum hta manam hawm ai baw hte sau ni chya nhtawm Molek karai hpe nawku na matu sa wa myit dai. Karai ni hpe tam nna nawku na matu nga, nanhte gaw tsan ai shara, katsan ga du hkra pyi kasa ni hpe shangun nga myit dai.

Jinghpaw Hanson Version Bible

⁹ Nang gaw sau lang let hkawhkam wa hpang de sa wa nna, manam pyaw ai baw shalaw ai hte, na a kasa ni hpe sumtsan mung de shangun dat nna, Katsan ga du hkra, tinang dai shagrit kau nit dai.

ESAIA 57:9 ပူးပေါင်းရင်းမြစ်များ

GA SHAGAWP 7:17

Dai yup ku hpe mura, maling shingnam, maza hpun ni hte manam pyaw hkra gat shamawng da se ai.

ESAIA 2:9

Masha shagu hte gaw shagrit kau ai hte sari jahpoi kau ai hkrum na mara ai. Madu e shanhte hpe mara hkum dat ya et!

EZEKELA 16:33

Shawa num gaw manu jahpu la ti mung, nang gaw na a sumtsaw sumra ni hpe kumhpa jaw nna shara shagu na ni sa nna kanawn nga lu hkra, shanhte hpe mayun kumhpa jaw nna lau la nga ndai.

EZEKELA 23:16

Shi gaw shanhte hpe mu dat ai shaloi jang, shi gaw ngang gayut ai myit hte hpring wa nna Babelon mung e nga ai shanhte hpang de kasa dat dat wu ai.

EZEKELA 23:40

“Shan gaw kasa ni hpe lang hte lang shangun dat nna, sumtsan mung na lasha ni hpe saw shaga ga rai ma ai, dai lasha ni mung du sa wa ma ai. Dai kanau yan kana mung hka shin nna shan a myi hpe tsi chya nhtawm ja lung seng hte mawn sumli da ma ai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

HOSEA 12:1

Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”

HOSEA 7:11

Israela gaw angawk ai hkrudu langai zawn shara mi kaw nna shara mi de htawt hkawm nga ma ai. Shi a amyu masha ni gaw shawng nnan karum hkam la lu na matu Egutu kaw karum hpyi ma ai; dai hpang shanhte gaw Asuri hpang de kagat sa nga ma hka!

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.