ESAIA 57:6 - Jinghpaw Common Language Bible 2009

⁶ Nanhte gaw dai shara hkan na manen tsawm ai nlung ni hpe hta la nna dai ni hpe karai ni hku nawku myit dai. Nanhte gaw shanhte hpe shagu hkungga ni hpe zawn sabyi ru hkaw nna shadung hkungga ni hpe la sa ya nga myit dai. Ngai gaw ndai zawn re ai amu ni yawng hta awng sharawng nga nngai ngu nanhte myit nawn da myit ni?

Jinghpaw Hanson Version Bible

⁶ Hkaraw kadit na manen ai nlung ni hta na a kamhtaw rai nga ai; dai gaw na a sali wunli tai nga ai: dai ni a ntsa e nang gaw na a dumhpung hkungga hte luhpa hkungga hpe ru jaw nu ai: dai amu ni hta ngai sharawng awng nga na rai ni?

ESAIA 57:6 ပူးပေါင်းရင်းမြစ်များ

ESAIA 65:11

“Rai ti mung, ngai hpe kau da nna nye a chyoi pra ai Bum ngu ai Ziun hpe hpa zawn n nawn nhtawm Gad hte Meni ngu ai Gam hte Auba a karai ni hpe nawku ai dai amu gaw nanhte a matu kaga ga shai wa na ra ai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

YEREMIA 3:9

loi mi mung kaya n chye mat nu ai. Shi gaw lamu ga hpe awu asin di nga ai; nlung hte hpun ni hpe nawku ai lai hku nna numshaw lashaw amu shut hpyit nga wu ai.

YEREMIA 32:29

dai hpe wan nat kau na mara ai. Ngai hpe pawt sindawng shangun na nga, nta ni a ntsa e Bala hpara hpe manam pyaw ai baw nat nawng nna, kaga hpara ni hpe sabyi ntsin ru jaw ai hkungga nta ni hte hpawn shanhte gaw dai mare hpe jahkru kau na mara ai.

YEREMIA 5:29

“Rai ti mung, Dai Madu ngai gaw shanhte hpe ndai amu ni a matu ari jaw na nngai; ngai gaw ndai amyu baw ni hpe matai dawk na nngai.

YEREMIA 5:9

Ngai gaw shanhte hpe dai zawn re ai amu ni a matu ari n jaw ang ai hte dai zawn re ai amyu baw hpe matai nhtang ang nngai kun?

YEREMIA 7:18

Shanhte shamying ai Sumsing Lamu a Hkawhkam jan ngu ai hpara num a matu ma kaji ni gaw hpun hta, lasha ni gaw wan htung galaw, numsha ni gaw muk kabaw na matu muk shadung ni hpe kayau gumchya ma ai. Shanhte gaw ngai hpe nchyi nmu byin shangun na matu kaga karai ni hpe sabyi hkungga ni ru jaw nga ma ai.

YEREMIA 9:9

Ngai gaw ndai amu ni a majaw shanhte hpe ari n jaw na rai nga a ni? Ngai gaw ndai zawn re ai amyu baw hpe matai n dawk na rai nga a ni? Dai Madu ngai nan tsun ni ai,” ngu nna tsun ai.

EZEKELA 20:39

Dai Tsaw Htum ai Madu gaw, “Israela amyu masha yawng hte e, nanhte pyaw pyaw rai nga mu! Shing rai matut nna nanhte a hpara sumla ni hpe daw jau mu! Rai ti mung nanhte a hpara sumla ni hpe kumhpa ni hte nawng jau ya ai hte nye a chyoi pra ai amying hpe jahpoi ai amu, ndai kalang a hpang jahkring kau nhtawm nye a ga hpe madat na rai myit dai, ngu nna ngai nanhte hpe sadi jaw nngai.

HABAKU 2:19

Nanhte gaw dingnye hkrum nga myit dai! Nanhte gaw hpun hkyep hpe, “Yup hprang u!” shing n rai nlung tawng hpe, “Rawt u!,” ngu nna tsun myit dai. Hpara sumla gaw nanhte hpe hpa lam rai tim hpaw madun lu nga a ni? Dai gaw aja gumhpraw hte sup da nga tim, dai hta asak n rawng nga ai.