ESAIA 57:4 - Jinghpaw Common Language Bible 2009

⁴ Nanhte gaw kadai hpe mani asawng nga myit ni? Masu magaw ai nanhte gaw kadai hpe mani jahpoi nga myit ni?

Jinghpaw Hanson Version Bible

⁴ nanhte kadai hpe hkap daw myit ta? nanhte kadai hpe n-gup mahka nna, shinglet shaw dan myit ta? nanhte gaw tara tawt lai ai wa a kashu kasha ni, hkalem hkalau ai wa a matu mara ni, n rai nga myit ni?

ESAIA 57:4 ပူးပေါင်းရင်းမြစ်များ

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

SHAKAWN KUNGDAWN 22:13

Shanhte gaw hkanghkyi ni zawn, n-gup ni hpe mahka nna; shabam ai hte ngai hpe amya je nga ma ai.

SHAKAWN KUNGDAWN 22:17

Nye a nra ni yawng kra dawng taw nga sai, nye a gumlau hpyen ni ngai hpe azi yu nga ma ai.

SHAKAWN KUNGDAWN 22:7

Ngai hpe mu ai ni yawng hte gaw ngai hpe mani asawng nga ma ai; shanhte gaw shanhte a shinglet ni hpe shaw dan nhtawm baw ni hpe kanga dan nga ma ai.

SHAKAWN KUNGDAWN 35:21

“Nang hpa galaw da sai lam hpe anhte mu sagaw ai,” nga nna jahtau tsun let; shanhte ngai hpe mara shagun da nga ma ai.

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

PRU MAT 9:17

Rai tim, nang mahtang myit nau kaba nga ndai rai nna, nye a amyu masha ni hpe dat dat na matu n hkraw nga ndai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 10:15

Rai ti mung dai Madu gaw, “Nwa gaw dai hpe lang ai masha wa hta grau nga ai ngu, hkrak lu tsun nga a ni? Zingret gaw dai hpe ret ai masha wa hta grau ahkyak mai nga a ni? Dawhkrawng gaw masha hpe n sharawt nga ai; masha mahtang dawhkrawng hpe sharawt nga ai,” ngu nna tsun nga ai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

ESAIA 48:8

Nang gaw gumlau wa langai zawn mying gumhkawng nga ndai rai nna, nang hpe n kam lu ai gaw ngai chye sani ai. Dai re ai majaw ndai amu hpe nang galoi mung n na yu nga ndai, de a ga hkaw mi pyi na a na de galoi mung n shang ai majaw rai nga ai.

ESAIA 57:5

Nanhte gaw chyoi pra ai hpun npu hkan num la kanawn mazum ai amu galaw let mayat maya ai karai ni hpe nawku nga myit dai. Nanhte gaw hka shi hkaraw kadit hkan na lunghkrung lungpu ni hta tinang a kashu kasha ni hpe shagu hkungga nawng jau nga myit dai.

YEREMIA 20:8

Ngai ga tsun ai aten shagu, ngai gaw marawn jahtau ai hte, “Kashun kashe du daw sai hkaw lam! Hten byak lam!,” ngu nna marawn garu nngai. Madu e, ngai gaw na a mungga hkaw tsun nngai majaw, ngai gaw asawng hkrum ai hte aten shagu jahpoi hkrum nga nngai.

EZEKELA 2:4

Shanhte gaw adu ja ai hte ngai hpe hkungga n chye ma ai, dai rai nna, Tsaw Htum ai Madu ngai nan shanhte hpe kaning ngu tsun nga ai lam, shanhte hpe htawn tsun na matu, ngai nang hpe shangun dat nngai.

HOSEA 10:9

Dai Madu gaw, “Israela amyu masha ni gaw Gibea mare hta shanhte yubak galaw shut ai aten kaw nna, ngai hpe shut hpyit ai lam n jahkring da ma ai. Gibea mare hta byin ai majan gaw shanhte hpe hkan dep nang na ra ai.

BU HKAWM 16:11

Arun hpe nanhte gumlau nna aput angun di myit dai shaloi dai amu gaw nang hte nang hpang maga hkan nang ai ni, dai Madu hpe teng teng gumlau nga myit dai,” ngu nna tsun wu ai.

MAHTE 13:38

Hkauna gaw mungkan ga rai nga ai. Kaja ai nli gaw Karai Kasang a Mungdan a kashu kasha ni rai nga ma ai; Tsing gaw dai n hkru ai wa a kashu kasha ni rai nga ma ai.

MAHTE 27:29

Dai hpang shanhte gaw ju lakung ni hte janmau langai mi galaw hkri la nhtawm shi a baw hta shagup ya mu ai, shi hkra lata hta mung kumba ginlang yan mi jum shangun mu ai. Dai hpang shanhte shi a man e lahput hput di let shi hpe jahpoi asawng nna “Yuda ni a Hkawhkam e, nang asak galu n ga law!,” ngu mu ai.

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

EHPESU 5:6

Kadai mung kaman lila ga ni hte nanhte hpe hkum hkalem hkalau shangun nga myit; hpa majaw nga yang dai lam ni nan a majaw Karai Kasang a pawt sindawng ai gaw n madat n mara ai ni a ntsa e du na ra ai.

KOLOSE 3:6

Shing re ai lam ni a majaw shi hpe n madat n mara ai ni a ntsa e Karai Kasang a pawt sindawng ai gaw du na ra ai.

YAWSHU 10:21

Shaloi Yawshu a masha ni yawng mung shi nga ai Makeda dap de shim lum ai hte nhtang wa ma ai. Dai mung hta e Israela amyu masha ni hpe grang dakat gwi ai masha langai mi mung n nga nga ai.

2 PETRU 2:13

Shanhte gaw masha kaga ni hpe hkrum sha shangun ai baw nni nkri shanhte hpe bai htang jaw ai hkrum na mara ai: shanhte gaw shani chyingtung e pyi shanhte a hkum shan a pyaw daw lam shadik na matu gaw shanhte a pyaw hpa lam rai nga malu ai, shanhte gaw nanhte hte rau lu sha ai hpawng ni hta rau shang lawm ai majaw nanhte a matu kaya kahpa hte arawng hpoi ai lam byin shangun nga ai. Shanhte gaw galoi mung hkalem ai lam ni galaw ai hta grai pyaw dum ma ai.