ESAIA 57:20 - Jinghpaw Common Language Bible 2009

²⁰ Rai ti mung n hkru ai masha ni gaw matsat shabat hte maza mala arai ni hpe woi tsawt sa wa nna galoi mung n sim ai panglai hka leng gumdin ni zawn rai nga ai.

Jinghpaw Hanson Version Bible

²⁰ Tara n lang ai ni chyawm gaw, hta wa ai nammukdara hte bung ma ai; shanhte asim sha n nga lu nna, de a hka hkanu ai hte hkumpup sha shapraw nga ai.

ESAIA 57:20 ပူးပေါင်းရင်းမြစ်များ

2 HKAWHKAM 6:11

Dai lam a majaw Suri hkawhkam grai myit kahtet mat wu ai rai nna shi a du salang ni hpe shaga la nhtawm, “Nanhte hta na marai langai ngai Israela hkawhkam wa hpang maga de lawm ai masha mahkoi lawm nga myit dai kun?,” ngu nna san wu ai.

ESAIA 3:11

Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

ESAIA 48:22

Dai Madu gaw, “Yubak kap ai ni a matu shim lum lam n nga nga ai,” ngu nna tsun ai.

ESAIA 59:8

Nang nga ai grup yin hta kadai mung shim ai n rai. Nang galaw ai lam shagu n teng n man nga ai. Nang gaw magaw ai lam hkan nga ndai, galoi mung n shim ai dai lam hta kadai mung n hkawm nga ai.

YEREMIA 49:23

Ndai gaw Damasku hte seng nna dai Madu tsun da ai mungga rai nga ai: “Hamat hte Arpad mare ni hta shanu nga ai masha ni gaw n kaja ai shiga na ma ai majaw, myit ru myit yak ai hte ru yak jamjau hkrum nga ma ai. Shanhte a myit tsang lam gaw shanhte a ntsa e panglai hka zawn ka-up da nga ai majaw shanhte asim sha n nga lu ma ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.