ESAIA 57:16 - Jinghpaw Common Language Bible 2009

¹⁶ Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

Jinghpaw Hanson Version Bible

¹⁶ Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

ESAIA 57:16 ပူးပေါင်းရင်းမြစ်များ

NINGPAWT NINGHPANG 6:3

Dai hpang dai Madu gaw, “Shinggyim masha ni hpe ngai htani htana ahkrung nga shangun na n rai; shanhte gaw si chye ai ni rai nga ai. Shanhte gaw ya kaw nna asak latsa e hkun ning hta n jan ai sha nga lu na rai ma ai,” ngu nna tsun wu ai.

2 SAMUELA 24:16

Dai Madu a lamu kasa gaw Yerusalem mare hpe jahten hkyen nga yang, amyu masha ni hpe ari jaw ai majaw dai Madu myit galai mat nhtawm shanhte hpe sat nga ai lamu kasa hpe, “Hkring sanu! Ram sai!,” ngu nna tsun wu ai. Shaloi dai lamu kasa gaw Yebusi masha Arauna a mam chyarang makau e nga nga ai.

YOBA 12:10

Karai Kasang gaw hkrung mahkrung ni a asak hkrun lam hpe lam madun nga ai; masha shagu a asak mung shi a lata hta rai nga ai.

SHAKAWN KUNGDAWN 85:5

Nang anhte hpe htani htana masin pawt nga na n ni? Na a masin kahtet ai lam galoi mung n htum mai na rai sani?

HPAJI NINGLI 12:7

Anhte a hkum hkrang ni gaw ga nhpu de nhtang mat wa na ra ai. Asak a nsoi nsa chyawm gaw anhte hpe jaw ya ai Karai Kasang hpang de nhtang wa na ra ai.

ESAIA 27:8

Dai Madu gaw shi a amyu masha ni hpe maigan mungdan de gawt shapraw kau ai ari jaw nga ai. Shi gaw shanhte hpe sinpraw nbung bung ja hte shapoi kau nu ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

ESAIA 42:5

Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

YEREMIA 10:24

Madu e, na a amyu masha ni hpe shading sharai u, rai ti mung, anhte a ntsa e laja lana sharin ai hku n rai u ga; nang pawt sindawng ai shaloi anhte hpe ari hkum jaw mi; dai gaw anhte a hpang jahtum tai na ra ai.

YEREMIA 3:5

Nang gaw tut nawng masin pawt ai n rai; nang gaw ngai hpe htani htana mana shachyoi nga ai n rai,’ ngu nna tsun ai. Israela e, dai hku nang tsun nit dai, rai ti mung nang dang galaw ai n hkru ai amu yawng hpe nang galaw ndai.”

YEREMIA 38:16

Hkawhkam Zedekia gaw ngai hpe, “Anhte hpe asak jaw ya ai Karai Kasang, dai ahkrung nga ai Karai Kasang hta ngai dagam nngai. Ngai gaw nang hpe sat kau na n rai; nang hpe sat kau na matu tam nga ai masha ni a lata de mung ap ya na n rai,” ngu nna mayun ga sadi jaw da wu ai.

EZEKELA 18:4

Ngai gaw masha shagu a asak hpe madu nngai. Kanu kawa a asak hpe mung, kashu kasha a asak hpe mung madu nngai. Yubak galaw ai wa chyawm gaw si na ra ai.

AMO LAIKA (AMOS) 1:11

Dai Madu gaw, “Edom masha ni lang hte lang yubak galaw shut nga masai, dai lam a majaw ngai shanhte hpe teng teng ari jaw na we ai. Shanhte gaw shanhte a kahpu kanau ni rai nga ai Israela amyu masha ni hpe matsan dum ai lam n nga ai sha nhtu lang let hkan shachyut ma ai. Shanhte a masin kahtet ai gaw shadaw shadang n nga nga ma ai; shanhte a masin kahtet ai hpe galoi mung n lu shakawp nga masai.

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!