ESAIA 57:11 - Jinghpaw Common Language Bible 2009

¹¹ Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

Jinghpaw Hanson Version Bible

¹¹ Nang gaw masu nga ai hte, ngai hpe malap kau nna, hpa n nawn ai majaw, kadai hpe hkrit kamyin nga n ta? Ngai na na wa atsin sha nga ai majaw, nang ngai hpe n hkrit nga ai, rai ni?

ESAIA 57:11 ပူးပေါင်းရင်းမြစ်များ

SHAKAWN KUNGDAWN 50:21

Dai lam yawng hte hpe nang galaw nit dai, ngai hpa mung n shaga nngai majaw, nang zawn ngai rai nga nngai ngu nna nang myit la nga ndai; rai ti mung, ya chyawm gaw, ngai nang hpe daru sharin na nngai hte nang hpe dai lam asan sha tsun dan na nngai.

SHAKAWN KUNGDAWN 78:36

Rai ti mung, shanhte a tsun shaga ai ga ni masu magaw ga ni hkrai rai nga ma ai hte shanhte tsun shaga ai lam ni myit malang ai hku hpa mung n rai nga ai.

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

HPAJI NINGLI 8:11

Masha gaw ru hka amu ni hpe hpa majaw aloi loi sha shut hpyit nga a ta? Hpa majaw nga yang, Ru hka amu hpe alawan ari jaw ai n rai.

ESAIA 26:10

N hkru ai ni hpe nang matsan yu dum ti mung, shanhte gaw jaw ai amu galaw na matu galoi mung n sharin la nga ma ai. Ndai ding hpring ai amyu masha ni a lamu ga hta pyi shanhte gaw shut hpyit ai amu naw galaw ma ai; shanhte gaw na a galu kaba ai lam hpe hkap la na matu ningdang nga ma ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 42:14

Karai Kasang gaw, “Ngai gaw aten na na wa, atsin sha nga nga nngai; nye a amyu masha ni a ga hpe n htan ya nngai. Rai ti mung, ya chyawm gaw amu galaw na aten du nga sai; Ngai gaw shinggyim machyi ai numsha zawn jahtau nngai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

ESAIA 47:7

Nang gaw prat ting na hkawhkam jan zawn myit nawn kau nga ndai, na a myit masin hta ndai amu ni hpe n myit ndai, dai amu gara hku htum mat na hpe nang n myit ndai.

YEREMIA 2:32

Numsha mahkawn gaw shi a ja rai, num nnan gaw shi a hkungran hpun palawng hpe malap da mai nga a ni? Rai ti mung, nye a amyu masha ni chyawm gaw ngai hpe malap kau ai nhtoi ni n dang hti hkra law nga sai.

YEREMIA 3:21

Kawng pungding ni a ntsa e garu ai nsen langai na ai: dai gaw Israela amyu masha ni jahtau hkrap ai hte hpyi nem ai nsen rai nga ai; hpa majaw nga yang, shanhte gaw yubak lam ni hta asak hkrung nna dai Madu shanhte a Karai Kasang hpe malap kau manu ai.

YEREMIA 38:19

Rai ti mung, hkawhkam wa gaw, “Babelon masha ni a lata de hprawng du nga sai anhte a mung masha ni hpe ngai hkrit nga nngai. Ngai gaw shanhte a lata hta ap kau hkrum nna adip arip zingri hkrum chye na nngai,” ngu nna htan we ai.

YEREMIA 42:20

nanhte galaw maw mawn nga ai si chye ai shut hpyit amu hpe sadi jaw nga nngai. Nanhte a matu dai Madu anhte a Karai Kasang hpe hpyi lajin ya na, nanhte ngai hpe hpyi nem shangun myit dai; shi hkang da ai lam shagu hpe nanhte galaw shatup na ga ai nga nna ga sadi tawn da myit dai.

EZEKELA 13:22

“Ngai nchyi nmu n byin shangun mayu ai ndai mai kaja ai amyu masha ni hpe nanhte a masu magaw ga ni hte myit shadaw ya myit dai. N hkru ai masha ni gaw n hkru ai amu hpe kau da nna, shanhte a asak mawai la lu na, nanhte hkum da myit dai.

HOSEA 11:12

Dai Madu gaw, “Israela amyu masha ni gaw ngai hpe masu magaw ga ni, hkalem hkalau ga ni hte wang gawan tawn da mi ai. Yuda amyu masha ni mung sadi dung ai hte chyoi pra ai Karai Kasang ngu na ngai hpe naw gumlau nga ma ai.

MAHTE 25:25

Dai rai nna ngai hkrit ai hte, ngai sa nna na a gumhpraw hpe ga hta lup da we ai. Yu u! Na a arai ni nang e naw nga nga lit dai,’ ngu wu ai.

KASA 5:3

Petru gaw “Anani e, hpa majaw nang gaw Satan wa hpe na myit masin up madu na ahkang jaw ai hte ga dachyawk dut nna lu ai gumhpraw nkau mi tinang a matu ip la ai hku nna dai Chyoi Pra ai Wenyi hpe masu kau n ta?

2 HTESALONI 2:9

Dai N hkru Ai Wa gaw Satan a n-gun atsam hte du sa na ra ai rai nna masu ai lamik kumla amyu myu hte mauhpa amu ni hpe galaw dan na ra ai.

1 TIMOHTI 4:2

Kahtet ai hpri hte kaba jahkat kau hkrum ai zawn, tinang a mai n mai chye ginhka ai htauli htaula myit ni si mat sai masu hkalem ai ni gaw shing re ai sharin shaga ai lam ni hpe shachyam shabra dat ma ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.