ESAIA 57:1 - Jinghpaw Common Language Bible 2009

¹ Mai kaja ai amyu masha ni si nga ai, kadai mung n chye na ma ai, lanu lahku ai pyi n nga nga ai. Rai ti mung shanhte si ai shaloi, tsin-yam tsindam hpa mung shanhte hpe machyi shangun lu ai n rai.

Jinghpaw Hanson Version Bible

¹ Dinghpring ai wa gaw hten mat hkrum nna, kadai mung n nawn nga ai; matsan dum chye ai wa gaw, dawm la ai hkrum nna, dai wa gaw du na ra ai tsin-yam hpe lawt lu hkra, dawm la ai hkrum sai, nga nna kadai mung n myit ma ai:

ESAIA 57:1 ပူးပေါင်းရင်းမြစ်များ

1 HKAWHKAM 14:13

Israela amyu masha ni yawng shi hpe sharung shayawt ma ai hte makoi mayang na mara ai. Shi chyu sha dai Madu Israela a Karai Kasang a awng sharawng hkrum nga ai wa re majaw Yeroboam a dinghku masha ni hta na shi chyu sha htap htuk ai hku makoi mayang ai hkrum na rai wu ai.

2 HKAWHKAM 22:20

Yerusalem mare ntsa e ngai jaw na ngu ai ari gaw nang si mat ai hpang du hkra du na ra ai n rai. Ngai nang hpe ngwi ngwi pyaw pyaw hte si wa shangun mayu nngai.” Dai masha ni mung dai mungga gun let Hkawhkam Yoshia hpang de nhtang wa ma ai.

2 HKAWHKAM LABAU 32:33

Hezekia si mat sai rai nna hkawhkam lupwa a lahta daw na shara hta lup makoi da ma ai. Yuda hte Yerusalem mare masha ni yawng mung shi si taw nga yang shi hpe grai shagrau sha-a da ma ai. Shi a kasha Manashe gaw shi a hkang hta hkawhkam tai wa sai.

2 HKAWHKAM LABAU 34:28

Yerusalem mare ntsa e ngai shapraw na ari gaw nang si mat wa ai hpang du hkra du na ra ai n rai. Ngai nang hpe ngwi ngwi pyaw pyaw hte si wa shangun mayu nngai.” Dai masha ni gaw dai mungga gun nna Hkawhkam Yoshia hpang de nhtang mat wa ma ai.

2 HKAWHKAM LABAU 35:24

Shanhte mung shi a hpyen leng hta na shayu la nhtawm hpang na hpyen leng hta shajawn let Yerusalem mare de woi wa ma ai. Dai yang e shi si mat nna hkawhkam ni a lupwa hta lup makoi da ma ai. Yuda hte Yerusalem na amyu masha ni yawng mung shi a majaw hkrap ngu hkrap ngoi nga ma ai.

SHAKAWN KUNGDAWN 12:1

Madu e, anhte hpe karum la mi! Mai kaja ai masha langai mung n nga sai; ding man ai masha ni hpe mung loi mi pyi n mu lu mat sai.

SHAKAWN KUNGDAWN 37:37

Mai kaja ai masha wa hpe matsing da u, ding hpring ai masha wa hpe maram masam yu u; ngwi pyaw sim sa ai masha wa gaw aru arat law law lu nga ai;

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

ESAIA 47:11

Tsin yam tsindam gaw na a ntsa e du wa na ra ai, na a mandan lakle hpaji hpa hte mung dai hpe jahkring lu na n rai. Nang galoi mung yup mang n mang yu ai hten run lam gaw nang kaw akajawng sha du wa na ra ai.

ESAIA 47:7

Nang gaw prat ting na hkawhkam jan zawn myit nawn kau nga ndai, na a myit masin hta ndai amu ni hpe n myit ndai, dai amu gara hku htum mat na hpe nang n myit ndai.

ESAIA 57:11

Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

YEREMIA 18:11

Dai re ai majaw, ngai gaw Yuda mung masha ni hte Yerusalem mare masha ni hpe gumlang maw mawn ai hte shanhte hpe ari jaw na matu jin jin rai nga ni ai lam, shanhte hpe tsun dan u. Yubak lam hkan shangun ai asak hkrun lam ni hpe kau da nhtawm shanhte a arawn alai hte shanhte hkan galaw nga ai n hkru ai amu ni kaw nna kayin wa na matu shanhte hpe tsun u.

YEREMIA 22:10

Yuda amyu masha ni e, Hkawhkam Yoshia a matu hkum hkrap myit; shi si mat sai majaw sharung shayawt hkum rai myit. Rai ti mung shi a kasha Yoahaza a matu chyawm gaw ahkup ahka nga hkra hkrap nga mu; shanhte gaw shi hpe woi la kau sai rai nna galoi mung nhtang wa na n rai; shi a shangai shara dai daw buga hpe galoi mung mu lu na nu ai n rai.

EZEKELA 21:3

Dai Madu ngai nan tsun nga ai Israela mung hpe sadi jaw u: Ngai gaw na a hpyen rai nga nngai. Ngai gaw nye a nhtu shaw nna kaja ai hte n hkru ai masha nanhte yawng hpe sat kau na nngai.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

MALAHKI 2:2

Nanhte galaw ai amu hte ngai hpe shagrau sha-a lu na rai myit dai. Nanhte gaw ngai tsun ai ga hpe n madat myit dai rai yang, nanhte hpe dagam dala hkrum shangun na nngai. Nanhte a matu ngu nna hkam la lu ai karum arai ni hta dagam dala tawn da na nngai. Nanhte gaw nye a hkang da ai ga hpe ahkyak n la ya myit dai majaw shanhte hpe teng teng dagam tawn da ya mase ai.

BU HKAWM 23:10

Israela amyu matu ni gaw ga nhpu zawn- Grai law nga ma ai majaw n dang hti lu nga ai. Karai Kasang a amyu masha hta na langai mi wa zawn nye a nhtoi ni hpe jahtum kau n-ga; Ding man ai wa si ai zawn ngwi pyaw sim sa ai hte ngai si wa n-ga law.”