ESAIA 56:7 - Jinghpaw Common Language Bible 2009

⁷ “Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

Jinghpaw Hanson Version Bible

⁷ ngai gaw nye a chyoi pra ai bum de woi jashawn nna, nye a akyu hpyi ai nta hta kabu gara shangun na nngai: shanhte wan nat hkungga hte mayu hkungga hpe nye hkungri ntsa e hkap la na nngai; kaning rai nme law, nye a nta gaw amyu baw shagu baw shagu a matu akyu hpyi ai nta ngu na mu ai.

ESAIA 56:7 ပူးပေါင်းရင်းမြစ်များ

1 HKAWHKAM 8:41

“Na a daru magam gumhkawng ai hpe mung, na a amyu masha ni a matu nang galaw nit dai magam bungli kaba ni a lam hpe mung sumtsan mung e nga nga ai maigan masha langai na nna nang hpe nawku na nga, ndai Nawku Htingnu hta akyu hpyi na matu sa du yang,

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

PRU MAT 28:38

Arun gaw dai hpe shi a kahtan ntsa e bam da na rai nga ai; nye a matu ap nawng daw jau ai Israela ni a hkungga arai yawng hta shut hpyit ai amu loi li amyu masha ni hta lawm yang pyi, Ngai Madu nan naw hkap la ya na nngai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 19:19

Dai aten du ai shaloi, Egutu mung hta dai Madu a matu tawn hkungri langai nga wa na ra ai, Egutu mung lamu ga jarit hta shi a matu ap nawng ya ai nlung shadaw langai nga na ra ai.

ESAIA 19:21

Dai Madu gaw shi nan Egutu mung masha ni hpe shadan dan na ra ai, shanhte gaw shi hpe yin la nna nawku daw jau wa na mara ai. Shanhte gaw shi hpe shagu hkungga hte mahku hkungga ni nawng jau wa na mara ai. Shanhte gaw shi hta dagam ga sadi tawn da na mara ai, dai ga sadi hte maren shanhte galaw na mara ai.

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 56:5

na a mying gaw nye a Nawku Htingnu hta mung, nang kashu kasha lu ai rai yang dai ni hta grau nna, nye a amyu masha ni a lapran ni hta adum nga na mara ai. Nang gaw galoi mung malap kau hkrum na n rai nga ndai,” ngu nna tsun nga ai.

ESAIA 57:13

Karum la na matu nanhte jahtau ai shaloi, ndai nanhte a hpara sumla ni nanhte hpe hkye la mu ga! Nsa sa lai nbung gaw shanhte hpe shapoi kau na ra ai. Rai ti mung ngai hpe kam hpa ai ni gaw mungdan hta shanu nga lu nna ngai hpe nye a Nawku Htingnu hta nawku lu na mara ai,” ngu nna tsun ai.

ESAIA 60:11

Na a chyinghka ni shani shana hpaw da lu na rai ndai, Shaloi masha amyu baw ni a hkawhkam ni Shanhte a sut gan nang kaw la shang wa na mara ai.

ESAIA 60:7

Kedara mung hte Nebaiot mung na sagu ni yawng Nang hpang de la sa nna shagu hkungga ni zawn Dai Madu awng sharawng na matu tawn hkungri ntsa hta nawng ya nga masai. Dai Madu gaw shi a Nawku Htingnu hpe shawng na hta grau nna hpung shingkang rawng shangun na ra ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 65:11

“Rai ti mung, ngai hpe kau da nna nye a chyoi pra ai Bum ngu ai Ziun hpe hpa zawn n nawn nhtawm Gad hte Meni ngu ai Gam hte Auba a karai ni hpe nawku ai dai amu gaw nanhte a matu kaga ga shai wa na ra ai.

ESAIA 65:25

Chyahkyawn hte sagu kasha ni shat rau sha na mara ai; hkanghkyi ni gaw dumsu ni zawn yihku sha na mara ai, lapu ni a lusha gaw aga rai na ra ai. Ziun ngu ai nye a chyoi pra ai kawng ntsa hta, machyi shoichyum ai mung, n hkru ai lam hpa mung nga na ra ai n rai.”

YEREMIA 7:11

Nye a Nawku Htingnu gaw hpya lu hpya sha ai damya ni a matu makoi shara rai nga ai ngu, nang myit nawn da wu ni? Nang hpa galaw nga ai hpe ngai mu se ai.

EZEKELA 20:40

Israela amyu masha ni yawng gaw dai mungdan hta nga ai nye a chyoi pra ai bum ngu ai Israela a bum hta ngai hpe nawku daw jau na mara ai; ngai mung nanhte hta awng sharawng wa nna nye a matu ngu nna nawng jau na matu la sa wa ai nanhte a shagu hkungga ni, nanhte a kaja htum ai wan nat hkungga ni hte chyoi pra ai kumhpa ni hpe ngai myit mada nga na nngai.

EZEKELA 47:22

dai gaw nanhte a htani htana hte seng ai lamu ga sali rai nga ai. Nanhte a lapran e hkan matep nga ai hte dai lamu ga hta shangai wa sai kashu kasha ni lu ai maigan masha ni mung, nanhte dai lamu garan ai shaloi, lamu ga sali hkam la na rai ma ai. Shanhte hpe Israela mungchying masha ni hte maren masat la nna Israela amyu bawsang ni hte rau lamu ga sali hpe hpaida da la lu na ma ai.

YOELA 3:17

“Dai hpang, Israela e, ngai gaw dai Madu nanhte a Karai Kasang rai nga nngai hpe nanhte chye na marin dai. Ngai gaw Ziun ngu ai nye a chyoi pra ai kawng hta nga nga nngai. Yerusalem gaw chyoi pra ai mare tai wa nna; maigan masha ni dai mare hpe galoi mung bai ka-up lu na mara ai n rai.

ZEHKARIA 8:3

Nye a chyoi pra ai mare Yerusalem de ngai nhtang wa nna dai mare e wa nga nga na nngai. Dai mare gaw sadi dung ai mare zawn gumhkawng wa nna Chyahtum Chyalai N-gun rawng ai dai Madu a kawng gaw chyoi pra ai kawng ngu na ra ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 21:13

“Nye a nta hpe akyu hpyi ai nta ngu na mu ai, nga nna Karai Kasang tsun ai hpe Chyum Laika ni hta ka da nga ai. Rai ti mung nanhte gaw, dai hpe damya lungpu shatai nga myit dai,” ngu nna shanhte hpe tsun mu ai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

LUKA 19:46

shanhte hpe tsun da mu ai gaw, “Dai Chyum Laika ni hta mung, Karai Kasang gaw, ‘Nye a nta hpe akyu hpyi ai nta ngu nna shamying lu na rai nga ai,’ nga nna ka da nga ai. Rai ti mung nanhte gaw, ndai nta hpe damya lungpu shatai da myit dai,” ngu mu ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

HEBRE 12:22

Nanhte chyawm gaw Sina Bum a malai Ziun Bum hte lamu kasa mun sen nga ai ahkrung nga ai Karai Kasang a mare ngu ai sumsing lamu na Yerusalem mare de du nga manit dai.

HEBRE 13:15

Dai rai nna anhte gaw shi hpe anhte a Madu re ai ngu nna yin la ai n-gup ni hte chyeju shakawn ai anhte a hkungga hpe Yesu a gawp e Karai Kasang kaw tut nawng e nawng ya nga ga.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.