ESAIA 56:6 - Jinghpaw Common Language Bible 2009

⁶ Dai Madu gaw shi hpe tsaw ra nna shi hpe daw jau nga ai shi a amyu masha ni a daw chyen mi tai nna, Bansa Nhtoi hpe hkan nang ai hte, shi a ga shaka hpe sadi sahka hte shatup nga ai maigan masha ni hpe ning ngu tsun wu ai:

Jinghpaw Hanson Version Bible

⁶ Dai hta kaga, Yehowa hpe daw jau na matu, shi a amying hpe tsawra ai hte, shi a ali ama ni tai wa nna, laban nhtoi hpe awu asin n di kau ai hte, nye a ga shaka hkan shatup let, Yehowa hta manoi manat nga ai tsasam masha ni mahkra hpe mung,

ESAIA 56:6 ပူးပေါင်းရင်းမြစ်များ

1 HKAWHKAM 8:41

“Na a daru magam gumhkawng ai hpe mung, na a amyu masha ni a matu nang galaw nit dai magam bungli kaba ni a lam hpe mung sumtsan mung e nga nga ai maigan masha langai na nna nang hpe nawku na nga, ndai Nawku Htingnu hta akyu hpyi na matu sa du yang,

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 44:5

“Amyu masha ni gaw langai hpang langai, ‘Ngai gaw dai Madu a masha rai nga nngai,’ nga nna tsun wa na mara ai. Shanhte gaw Israela amyu masha ni hte matut mahkai na matu du sa wa na mara ai. Shanhte gaw shanhte a lahpum ni hta dai Madu a amying hpe matsing nna, shi hkum shi Karai Kasang a amyu masha langai hku shamying la na ra ai.”

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

ESAIA 60:10

Dai Madu gaw Yerusalem hpe, “Maigan masha ni gaw na a bunghku ni hpe bai gaw gap wa na mara ai, Shanhte a hkawhkam ni nang hpe daw jau na mara ai. Nye a masin kahtet ai majaw, ngai nang hpe ari jaw ni ai. Rai ti mung, ya chyawm gaw ngai nang hpe myi man shapa ya ai hte matsan dum ai myit madun dan na nngai.

ESAIA 61:5

Nye a amyu masha ni e, maigan amyu masha ni nang hpe daw jau na mara ai. Shanhte gaw na a sagu hpung ni hpe bau rem nna Na a mung hta hkauna galaw ai hte sabyi sun ni hpe yu lajang na mara ai.

ESAIA 61:6

Nang gaw dai Madu a hkinjawng ni hte Anhte a Karai Kasang a shangun ma ni hku gumhkawng na rai ndai. Nang gaw masha amyu baw ni a sut gan hta kabu gara wa nna Dai gaw na a sut gan tai wa ai hte gumrawng wa na ndai.

YEREMIA 50:5

Shanhte gaw Ziun de sa wa ai lam hpe san na mara ai, dai shara de du sa wa na mara ai. Shanhte gaw ngai hte htani htana na ga shaka tawn da na mara ai, dai gaw galoi mung hten run mat na ra ai n rai.

EZEKELA 20:13

Rai ti mung, shanhte gaw ngai hpe nam mali hkan e pyi nye a hkang da ai ga hpe ninghkap lale nga ma ai. Shanhte gaw nye a tara ni hpe jahten kau ma ai; dai lam ni hpe hkan sa madat mara ai ni kadai rai ti mung asak hkrung nga shangun na, nye a hkang da ai matsun maroi ga ni hpe kau da mu ai. Shanhte gaw Bansa Nhtoi hpe awu asin di kau ma ai. Shanhte hpe jahten shaza kau na matu dai nam mali hkan e nye a sindawng kahtet ai n-gun hkam sha shangun lu na matu ngai shajin da ni ai.

EZEKELA 47:22

dai gaw nanhte a htani htana hte seng ai lamu ga sali rai nga ai. Nanhte a lapran e hkan matep nga ai hte dai lamu ga hta shangai wa sai kashu kasha ni lu ai maigan masha ni mung, nanhte dai lamu garan ai shaloi, lamu ga sali hkam la na rai ma ai. Shanhte hpe Israela mungchying masha ni hte maren masat la nna Israela amyu bawsang ni hte rau lamu ga sali hpe hpaida da la lu na ma ai.

ZEHKARIA 6:15

Sumtsaw sumtsan hkan nga nga ai masha ni mung dai Madu a Nawku Htingnu gaw gap ai amu hta sa karum la na mara ai. Dai hpe gaw gap da ngut jang, Chyahtum Chyalai N-gun rawng ai dai Madu gaw nanhte hpang de ngai hpe shangun dat ai lam, chye lu na rai myit dai. Dai Madu nanhte a Karai Kasang a hkang da ai ga hpe tup hkrak hkan sa madat mara myit dai rai yang, ndai lam yawng byin wa na ra ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 2:41

Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

2 KORINHTU 8:5

Shanhte gaw anhte myit mada ai hta grau lai hkra jaw ya ma ai. Shanhte gaw shawng nnan tinang a hkum nan hpe dai Madu hta sak nawng ma ai. Dai hpang Madu a myit ra ai lam hte maren, karum shingtau ai lam hta ap nawng ya mi ai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, ngai gaw pahtau nsen hte bung ai nsen kaba langai mi nye a shingdu maga de nna shaga ai hpe na lu nngai.