ESAIA 56:5 - Jinghpaw Common Language Bible 2009

⁵ na a mying gaw nye a Nawku Htingnu hta mung, nang kashu kasha lu ai rai yang dai ni hta grau nna, nye a amyu masha ni a lapran ni hta adum nga na mara ai. Nang gaw galoi mung malap kau hkrum na n rai nga ndai,” ngu nna tsun nga ai.

Jinghpaw Hanson Version Bible

⁵ Ngai gaw nye a nta nhku e mung, nye a bunghku ni a kata e mung, kashu kasha hta grau hpu nna dum mai ai amying shingteng, shanhte hpe jaw na nngai; n hten n run ai, htani htana amying shingteng ngai shanhte hpe jaw na nngai.

ESAIA 56:5 ပူးပေါင်းရင်းမြစ်များ

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 26:1

Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 43:7

Shanhte gaw nye a amyu masha ni nan rai nga ma ai, nye a hpung shingkang a matu ngai shanhte hpe hpan da ni ai,” ngu nna tsun ai.

ESAIA 48:19

Na a aru arat ni gaw zaibru tum ni zawn law htam wa nna, shanhte gaw galoi mung jahten kau n hkrum na rai nga ai hpe ngai shangang shakang da se ai.”

ESAIA 55:13

Ya ju hpun ni tu nga ai shara hta marau hpun ni tu wa na mara ai; ju sumwum shara ni hta maihting hpun ni tu lung wa na mara ai. Ndai gaw dai Madu ngai nan galaw sai amu hpe shadum ai kumla tai nna, htani htana agrin nga na ra ai.”

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

ESAIA 60:18

Kashun kashe du daw sai hkaw ai nsen hpe galoi mung na lu sana n rai; Jahten shaza ai amu gaw na a mungdan hpe bai ga gamang kau na ra ai n rai. Ngai gaw nang hpe bunghku zawn makawp maga nna dahpran shara tai ya na nngai; Ngai gaw nang hpe hkye la ni ai majaw, nang ngai hpe shakawn kungdawn na rai ndai.

ESAIA 62:12

Nang gaw, “Karai Kasang a Chyoi Pra Ai Amyu Masha, Dai Madu Hkye Hkrang La Sai Amyu Masha,” ngu nna shaga hkrum na ra ai. Yerusalem gaw, “Karai Kasang Tsaw Ra Ai Mare, Karai Kasang N Kau Da Ai Mare,” ngu nna shaga hkrum na ra ai.

ESAIA 62:2

Yerusalem e, masha amyu baw ni gaw nang awng padang lu la nga ndai hpe mu wa na mara ai! Shanhte a hkawhkam ni yawng gaw na a arawng sadang hpe mu wa na mara ai. Nang gaw dai Madushi nan jaw ai amying Nnan hte shaga hkrum na rai ndai.

ESAIA 66:20

Shanhte gaw na a amyu masha ni yawng hpe ngai hpang de la sa ai kumhpa hku masha amyu baw ni a lata kaw na woi wa na mara ai. Israela masha ni gaw htung hte maren san seng ai hkungga ban ni hta lusha hkungga ni bang nna Nawku Htingnu de la sa ma ai zawn shanhte gaw dai ni hpe gumra ni, lawze ni, gawla-uk ni, hpyen leng ni hte daw htaw ai leng ni hta htaw nna nye a chyoi pra ai kawng nga ai Yerusalem de la sa na mara ai.

ESAIA 66:22

Ginding aga ningnan hte sumsing lamu ningnan ni gaw nye a daru magam n-gun hte grin nga na mara ai, dai zawn na a aru arat ni hte na a mying mung agrin nga na ra ai.

ZEHPANI 3:20

Aten gaw du wa nga sai! Ngai gaw bra ayai hkawm nga ai amyu masha ni hpe dum nta de woi wa na nngai; Ngai gaw nanhte hpe mungkan ting hta kajai gumhkawng ai amyu shatai na mawe ai nanhte hpe kalang mi bai ngamu ngamai shangun na we ai.” Dai Madu nan tsun nu ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

YAWHAN 1:12

Rai ti mung nkau mi shi hpe hkap la kam sham ma ai rai nna, shi gaw shanhte hpe Karai Kasang a kasha ni tai lu ai ahkang jaw mu ai.

EHPESU 2:22

Nanhte mung Hkristu hte langai sha tai nna kaga masha ni yawng hte jawm de ai hpe hkam la nhtawm, shi a Wenyi a marang e Karai Kasang shanu nga ai shara tai wa manit dai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 3:12

Awng padang lu ai wa hpe nye a Karai Kasang a nawku htingnu hta dawhpum dawnu langai mi ngai shatai na we ai: shi galoi mung dai kaw na shinggan de pru na n rai. Nye a Karai Kasang a mying nsang hpe mung, nye a Karai Kasang kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare a mying hpe mung, ngai hkum nan a amying nnan hpe mung, dai wa a ntsa e ngai ka shakap ya na we ai.

SHINGRAN 3:5

Awng padang lu ai ni gaw ning re ai hpraw ai hpun palawng bu hpun lu na mara ai; shanhte a amying ni hpe asak laika hta na ngai shaprai kau ya na n rai. Nye Wa a man e mung, shi a lamu kasa ni a man e mung, shanhte gaw ngai hte seng ai ni rai ma ai ngu nna, dan dan leng leng ngai tsun shana yin la na nngai.

1 SAMUELA 1:8

Shi a madu wa Elakana chyawm gaw shi hpe, “Hana e, nang hpa majaw hkrap nga n ta? Hpa majaw lusha n sha n ta? Nang gaw hpa majaw tut nawng e grai yawn nga n ta? Shadang sha shi lu ai hta na a matu ngai grau nna akyu nga ai n rai ni?,” ngu nna san wu ai.