ESAIA 56:2 - Jinghpaw Common Language Bible 2009

² Ngai gaw Bansa Nhtoi hpe tut nawng hkan sa nna dai nhtoi hpe awu asin n di ai ni hpe shaman ya na nngai. Ngai gaw n hkru ai amu hpa mung n galaw ai ni hpe shaman ya na nngai,” ngu nna tsun ai.

Jinghpaw Hanson Version Bible

² Shing rai galaw ai wa, dai lam hkan nang ai masha kasha gaw, laban nhtoi hpe awu asin n di ai hte, n hkru ai amu hpa mung n galaw hkra, tinang lata hpe hkang da ai rai yang, a nga ai.

ESAIA 56:2 ပူးပေါင်းရင်းမြစ်များ

NEHEMIA 13:17

Ngai mung Yuda ningbaw ni hpe, “Nanhte galaw nga ai n hkru ai amu hpe yu yu mu! Nanhte gaw Bansa Nhtoi hpe n chyoi n pra shangun nga myit hka!

SHAKAWN KUNGDAWN 106:3

Shi a hkang da ai ga ni hpe madat mara hkan nang nga nna, ding man ai amu hpe tut nawng e, galaw nga ai ni gaw a nga ai.

SHAKAWN KUNGDAWN 112:1

Dai Madu hpe shakawn mu! Dai Madu hpe shagrau sha-a nna shi a hkang da ai ga ni hpe madat mara hkan sa na hta awng sharawng nga ai wa gaw a nga ai.

SHAKAWN KUNGDAWN 119:101

Ngai gaw na a mungga hpe madat mara hkan sa mayu nga nngai majaw, n hkru ai sat lawat yawng hte hpe ngai koi yen kau ni ai.

SHAKAWN KUNGDAWN 128:1

Dai Madu a ga hpe madat nna, shi a hkang da ai mungga hte maren asak hkrung nga ai ni gaw a lu ma ai.

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

SHAKAWN KUNGDAWN 37:27

N hkru ai lam hpe kau da nna mai kaja ai amu hpe galaw u; shing rai, na a aru arat ni gaw dai lamu ga hta tut nawng e, shanu nga lu na mara ai;

PRU MAT 20:10

rai ti mung, sanit ya nhtoi gaw nye a matu ap nawng da sai bansa ai shani rai nga ai. Dai shani e, nang mung, na a kashu kasha ni mung, na a mayam ni mung, na a yam nga ni mung, na a mung hta sa shanu nga ai maigan masha ni kadai mung magam bungli galaw lu na myit dai n rai.

PRU MAT 20:8

“Bansa Nhtoi hpe hkungga lara ai hte dai nhtoi hpe shachyoi shapra nga u.

GA SHAGAWP 14:16

Htauli htaula myit rawng ai masha ni gaw ru yak tsin-yam hpe sadi maja let, koi kau ma ti mung, angawk ai masha ni chyawm gaw shanhte nan n dum n dam larau ladau galaw ma ai.

GA SHAGAWP 16:17

Mai kaja ai hku hkawm sa ai ni gaw n hkru n kaja ai hpe koi kau ai lam hta hkawm nga ai; dai majaw, nang hkawm sa wa nga ai lam hta maja nga u; shaloi, na a asak hpe hkye la lu na nhten!

GA SHAGAWP 16:6

Sadi dung nna kangka rai nga u, shing rai yang Karai Kasang gaw na a yubak hpe raw dat kau ya na ra ai. Dai Madu a ga madat u, shaloi n hkru ai lam hpa mung nang hta byin hkrum hkra wa na n rai.

GA SHAGAWP 4:13

Nang sharin hkam la lu sai lam hpe tut nawng e adum nga u; na a hpaji gaw na a asak rai nga ai majaw, dai hpe atsawm sha sin da u.

GA SHAGAWP 4:27

N hkru ai hpe koi kau nna, lam dingyang hkawm sa nga u; ding man ai lam kaw nna lahkam mi pyi, hkum yit mat et.

HPAJI NINGLI 7:18

Ladu shalai ai lam ni hpe koi yen u. Nang Karai Kasang hpe hkrit kamyin ai rai yang, lam maga ga hku nna awng dang lu na rai ndai.

ESAIA 56:4

Dai Madu gaw shing re ai lasha wa hpe, “Nang gaw nye Bansa Nhtoi hpe hkan nang ai hku nna ngai hpe shagrau sha-a ai hte mung, ngai ra sharawng ai amu hpe nang galaw ai hku nna mung, nye a ga shaka hpe sadi sahka hte shatup ai hku nna mung nang galaw ai rai yang,

ESAIA 56:6

Dai Madu gaw shi hpe tsaw ra nna shi hpe daw jau nga ai shi a amyu masha ni a daw chyen mi tai nna, Bansa Nhtoi hpe hkan nang ai hte, shi a ga shaka hpe sadi sahka hte shatup nga ai maigan masha ni hpe ning ngu tsun wu ai:

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

EZEKELA 20:12

Shanhte hpe shachyoi shapra nga ai dai Madu ngai nan rai nga nngai hpe shanhte dum hprang wa lu hkra, anhte a lapran e myit hkrum ai kumla tai nga u ga, Dai Bansa Nhtoi hpe shadik na, ngai hkang da ni ai.

EZEKELA 20:20

Bansa Nhtoi hpe chyoi pra ai nhtoi hku nna shachyoi shapra nga mu, dai gaw anhte tawn da sai ga shaka a kumla tai na ra ai; ngai gaw dai Madu nanhte a Karai Kasang rai nga nngai gaw nanhte hpe dum shangun na ra ai.

JAW JAU 19:30

Bansa Nhtoi hpe hkan shadik nna, ngai hpe nawku ai shara hta hkrit hkungga lu na rai myit dai. Ngai gaw dai Madu rai nga nngai.

LUKA 11:28

Rai ti mung, Yesu gaw, “Karai Kasang a mungga madat la nna, hkan nang ai ni mahtang gade wa a lu nga ma hka!,” ngu nna htan wu ai.

LUKA 12:43

Shi a madu bai du yang, shing rai galaw nga la ai shangun ma gaw, a nga ai.

YAWHAN 13:17

Ya nanhte ndai teng man ai lam hpe chye na manit dai rai nna, dai hpe hkan shatup myit yang gaw, nanhte a lu myit dai!

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.