ESAIA 56:1 - Jinghpaw Common Language Bible 2009

¹ Dai Madu gaw shi a amyu masha ni hpe, “Teng man ai hte ding man ai amu galaw mu, ngai gaw kade n na yang nanhte hpe hkye la na nngai.

Jinghpaw Hanson Version Bible

¹ Yehowa ning nga ai: Nye a hkye hkrang la ai chyeju du na aten, nye a dinghpring ai lam shadan dan na aten, du magang ra ai majaw, tara hpe shatup nna, dinghpring ai amu galaw mu.

ESAIA 56:1 ပူးပေါင်းရင်းမြစ်များ

SHAKAWN KUNGDAWN 106:3

Shi a hkang da ai ga ni hpe madat mara hkan nang nga nna, ding man ai amu hpe tut nawng e, galaw nga ai ni gaw a nga ai.

SHAKAWN KUNGDAWN 50:23

Chyeju dum ai shagu hkungga gaw ngai hpe shagrau sha-a ai lam rai nga ai; nye a ga madat mara ai ni yawng hte hpe ngai teng teng hkye hkrang la na nngai.”

SHAKAWN KUNGDAWN 85:9

Shi hpe shagrau sha-a ai ni hpe shi hkye hkrang la na, kaja wa, jin jin rai nga ai; shi a hkye hkrang la ai hpung shingkang gaw anhte a lamu ga hta nga nga na ra ai.

ESAIA 33:5

Dai Madu gaw kade sha galu kaba nga a hka! Shi gaw arai yawng mayawng hpe up nga ai. Shi gaw Yerusalem hpe teng man rap ra ai tara hte ding hpring ai lam hte jahpring da na ra ai,

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ESAIA 51:5

Ngai gaw tin tin sa nna shanhte hpe hkye la na nngai; nye a awng padang lu la na aten ni wa nga sai. Ngai nan masha amyu baw ni a ntsa e up na nngai. Sumtsan mung na ni gaw ngai sa wa na matu ala nga ma ai; shanhte gaw shanhte hpe hkye la na matu myit mada ai hte ngai hpe ala nga ma ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 61:8

Dai Madu gaw, “Ngai gaw teng man rap ra ai tara hpe tsaw ra nngai, ngai gaw dip gamyet sha ai amu hte ru hka amu hpe n dawng nngai. Ngai gaw nye a amyu masha ni hpe kangka ai hte kumhpa shagrau na nngai. Shanhte hte htani htana ga shaka tawn da na nngai.

ESAIA 64:5

Nang gaw ding man ai amu galaw nga ai ni hta kabu gara lam mu tam ai ni hte, shanhte asak hkrung nga na matu nang kade daram ra sharawng nga ndai hpe adum nga ai ni hpe nang hkalum la nga ndai. Nang anhte hpe masin pawt ndai, rai ti mung anhte gaw yubak matut galaw nga ga ai; na a kaba la ai sindawng kahtet ai lam madun dan nga ti mung, moi chyaloi nhkoi kaw na anhte gaw shut hpyit amu matut galaw saga ai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

HOSEA 12:7

Dai Madu gaw, “Israela amyu masha ni gaw Hkanan masha ni zawn n ding n man nga ma ai; shanhte gaw n man ai joi jang ni hte shanhte a arai mari hkyawt la ai ni hpe maw sha na sharawng nga ma ai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

MIHKA 7:9

Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

MALAHKI 4:4

“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, nanhte a yubak mara ni kaw na myit malai lu nna kayin wa marit!,” nga nna hkaw tsun hpang nga ai.

MARKU 1:15

Shi gaw, “Dai aten ladaw dik wa ai hte, Karai Kasang a mungdan gaw ni wa magang ra ai! Nanhte a yubak mara ni kaw na kayin wa nna Karai Kasang a Kabu Gara Shiga hpe kam sham nga mu!,” ngu nna hkaw dan mu ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

ROMA 1:17

Dai hta kaga, “Karai Kasang hta ding hpring ai wa gaw kam sham ai hte hkrung nga lu na ra ai,” nga nna Chyum ga hta ka da nga ai hte maren Karai Kasang gaw masha ni hpe gara lai hku nna sharawng awng hkap la nga ai lam dai Kabu Gara Shiga hta shadan dan nga ai. Dai gaw shawng ningpawt kaw nna jahtum du hkra kam sham ai lam rai nga ai.