ESAIA 55:6 - Jinghpaw Common Language Bible 2009

⁶ Dai Madu hpang de kayin wa nna shi kaw akyu hpyi u, ya aten, shi ani sha nga nga ai.

Jinghpaw Hanson Version Bible

⁶ Yehowa hpe mu lu ai aten e shi hpe tam mu; shi naw ni nga yang, shi hpe hpyi shaga mu:

ESAIA 55:6 ပူးပေါင်းရင်းမြစ်များ

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

2 HKAWHKAM LABAU 19:3

Timung nang hta mai kaja lam naw nga nga lit dai. Amyu masha ni nawku ai Ashera karai num a hkrang sumla ni yawng hpe nang yeng seng kau nna, Karai Kasang a myit ra sharawng ai lam hta hkan nang na, nang shakut nit dai,” ngu nna tsun wu ai.

EZRA 10:2

Dai hpang Elam amyu lakung na Yehiela a kasha Shehkania gaw Ezra hpe, “Anhte gaw maigan numsha ni hpe hkungran la ai hte Karai Kasang hta kam sham nga ai lam hpe jahten sharun kau saga ai; rai ti mung Israela a matu myit mada shara naw nga nga ai.

YOBA 8:5

Rai ti mung, ya chyawm gaw Chyahtum Chyalai N-gun Rawng Ai Karai Kasang hpang de kayin wa nna shi hpe hpyi nem let;

SHAKAWN KUNGDAWN 14:2

Hpaji rawng nna shi hpe nawku daw jau ai ni nga dam ai rai yang, dai hpe mada yu na matu dai Madu gaw sumsing lamu kaw nna shinggyim masha ni hpe gum yu nga ai.

SHAKAWN KUNGDAWN 145:18

Shi gaw shi hpe shaga ai ni hte myit malang ai hte shi hpe shaga ai ni hte ani sha nga nga ai.

SHAKAWN KUNGDAWN 148:14

Shi gaw shi a amyu baw ni hpe n-gun shaja ya nga ai majaw, shi a amyu masha ni yawng shi hpe shakawn nga ma ai- shi hpe grai tsaw ra ai Israela amyu masha ni mung shi hpe shakawn nga ma ai. Dai Madu hpe shakawn mu!

SHAKAWN KUNGDAWN 27:8

“Ngai hpe nawku daw jau na sa rit,” nga nna nang tsun ndai shaloi, “Madu e, ngai sa wa na nngai,” ngu nna ngai htan ni ai.

SHAKAWN KUNGDAWN 32:6

Dai rai nna, na a sadi dung ai amyu masha ni yawng hte gaw ra kadawn ai aten ni hta nang kaw akyu hpyi na mai nga ai; ru tsang mawru kaba adawt shang wa ai shaloi dai gaw shanhte kaw du dep wa na n rai.

SHAKAWN KUNGDAWN 34:19

Dai mai kaja ai masha wa gaw ru yak tsin-yam law law hkrum sha nga ai; Madu gaw dai ni yawng hta na shi hpe hkye hkrang la nga ai.

SHAKAWN KUNGDAWN 75:1

O Karai Kasang e, anhte nang hpe chyeju dum shakawn ga ai; anhte nang hpe chyeju dum shakawn ga ai! Anhte gaw nang kade wa hkik hkam ai lam hpe htawn tsun ga ai, nang galaw dan sai mauhpa amu ni hpe anhte tsun ga ai.

SHAKAWN KUNGDAWN 95:7

Shi gaw anhte a Karai Kasang rai nga ai; anhte gaw shi e lanu lahku tawn ai amyu masha ni; shi bau rem da nga ai sagu hpung ni rai nga ga ai. Shi tsun shaga ai ga ni hpe dai ni jang, madat la mu.

GA SHAGAWP 8:17

Ngai hpe tsaw ra ai ni hpe ngai tsaw ra nga nngai; ngai hpe tam ai ni kadai rai ti mung, ngai hpe mu tam lu nga ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ESAIA 49:8

Dai Madu gaw shi a amyu masha ni hpe, “Nang hpe hkye la na matu aten du ai shaloi, ngai nang hpe myi man madun nna, karum la na matu hpyi jahtau ai ga ni hpe htan ya na nngai. Amyu masha ni yawng hte nang ga shaka tawn da ai hku nna sha, ngai nang hpe bau sin ai hte makawp maga na nngai. Ya aten katsi katsang gram mat sai na a mungdan hta ngai nang hpe kalang mi bai shanu nga shangun na nngai.

ESAIA 58:9

Nang akyu hpyi ai shaloi, ngai nang hpe htan ya na nngai. Nang ngai hpe shaga ai shaloi, ngai htang shana na nngai. “Dip gamyet sha hkrum ai lam, n kaw n law re ai lai kumla shagu, hte n hkru ai n-gup aga shagu hpe nang jahtum kau nna,

ESAIA 65:10

Shanhte gaw ngai hpe nawku wa na mara ai; sinna maga de nga ai Sharon pa layang hte sinpraw maga de nga ai Tsin-Yam Tsindam Kadit ni hta shanhte a sagu hpung ni hte dumsu hpung ni hpe ushat shayaw na matu woi sa wa na mara ai.

ESAIA 65:24

Shanhte ngai kaw akyu hpyi ai ga garai n htum yang pyi, ngai gaw shanhte a akyu hpyi ga ni hpe htan ya na nngai.

YEREMIA 25:5

Shanhte gaw nang hpe dai na a n hkru ai asak hkrun lam hte nang galaw nga ai n shawp n kap ai amu ni kaw na kayin wa na matu tsun nga ai. Dai Madu gaw na a nji nwa ni hpe prat tup jaw lup madu sha lu na nang hpe jaw da sai mungdan hta nang matut shanu nga lu na rai ndai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

EZEKELA 14:6

“Dai re ai majaw, Tsaw Htum ai dai Madu ngai nan shanhte hte seng nna tsun ai ga, Israela amyu masha ni hpe htawn tsun u: Kayin wa marit, nanhte a matsat shabat re ai hpara sumla ni hpe kau da mu.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

EZEKELA 8:6

Karai Kasang gaw ngai hpe, “Si chye ai masha wa e, hpa byin nga ai hpe nang mu n ni? Ngai hpe nye a chyoi pra ai shara kaw na tsan hta tsan ai shara de shaden kau let, Israela ni ndai yang e galaw ai matsat shabat amu ni hpe yu yu u. Nang gaw ndai amu hta grau n tsawm n htap ai matsat shabat amu ni hpe pyi mu na rin dai,” ngu nna tsun wu ai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

HOSEA 10:12

Ngai gaw, “Nanhte a matu lamu ga ningnan shawt nhtawm ding hpring ai hpe hkai mu. Ngai hpe kam sham nna shapraw ya na ra ai chyeju ni hpe shu la mu. Nanhte a Madu rai nga ai Ngai kaw kayin wa na nanhte a matu aten rai nga ai. Ngai sa nna nanhte a ntsa e shaman chyeju ru jaw na made ai.

AMO LAIKA (AMOS) 5:6

Dai Madu kaw sa mu, nanhte hkrung nga lu na rai myit dai. Nanhte n sa ai rai yang, Israela amyu masha ni a ntsa e wan hkrat bun ai zawn ye magawn mat wa na ra ai. Wan gaw Behtela masha ni hpe hkru kau nna kadai mung dai hpe sat kau lu na ra ai n rai.

YONA 3:8

Masha hte dusat ni yawng lachyit nba bu hpun lu na rai nga ai. Masha shagu gaw Karai Kasang kaw akroi anoi akyu hpyi lu na rai nga ai, shanhte gaw n hkru ai arawn alai hte n kaja ai amu ni hpe kau da lu na rai ma ai.

MAHTE 5:25

Marai langai ngai tara rung e nang hpe hka jun a yang gaw, tara rung de garai n du yang aten naw nga ai laman alawan pyaw hkra jahkrum kau u. Dai hku n galaw jang, shi hte tara rung de du ai hte rau hka jun ai wa gaw tara agyi a lata de nang hpe ap kau na ra ai; tara agyi gaw palik ni a lata de bai ap kau nna nang hpe htawng bang da na mara ai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

YAWHAN 8:21

Yesu shanhte hpe bai tsun mu ai gaw, “Ngai wa mat na nngai, shaloi nanhte ngai hpe tam ti mung nanhte gaw tinang a yubak mara ni hta si mat na myit dai. Ngai wa ai shara de mung nanhte n du lu na myit dai,” ngu mu ai.

EHPESU 3:13

Dai rai nna nanhte a matu mara ngai hkam ai tsin-yam tsindam a majaw nanhte myit n daw n hten myit ga, ngai hpyi nem nga nngai. Dai gaw nanhte a akyu a matu ngai hkam ai rai nga ai.

TARA JAHPRANG 4:29

“Nanhte gaw dai hkan e dai Madu nanhte a Karai Kasang hpe marit let myit mada nna, nanhte a myit masin kraw lawang mahkra hte shi hpe hkan tam myit yang chyawm gaw mu lu na marin dai.

TARA JAHPRANG 4:7

“Dai Madu anhte a Karai Kasang gaw anhte hte ni nga ai zawn kaning re ai amyu kaba hta mung shi hpe ra kadawn yang, ani sha nga lu ai hpara n nga nga ai. Karum la na matu anhte shaga shagu shi htan ya mi ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.

HEBRE 3:13

Nanhte hta na langai mi mung yubak mara e hkalem hkalau ai hkrum nna du ja ai masha n tai myit ga, Chyum Laika hta tsun ai “Dai ni” ngu nna anhte a matu naw tsun lu ai laman hte hta, shani shagu shada da mahtang karum shadaw hkat nga mu.