ESAIA 55:3 - Jinghpaw Common Language Bible 2009

³ Nye a amyu masha ni e, ya madat mu, ngai hpang de sa wa mi; ngai hpang de sa wa mi, nanhte asak hkrung nga lu na rai myit dai! Ngai gaw nang hte htani htana ga shaka tawn da na nngai. Ngai Dawi hpe jaw sai ga sadi hte maren, nang hpe shaman chyeju ni jaw na nngai.

Jinghpaw Hanson Version Bible

³ Na la nna ngai hpang de sa marit; madat mara mu, shing rai yang nanhte a myit masin hkrung nga na ra ai: ngai mung nanhte hte htani htana ga shaka tawn da nna, Dawi hta grin nga ai chyeju hpe nanhte hta shagrin da na nngai.

ESAIA 55:3 ပူးပေါင်းရင်းမြစ်များ

NINGPAWT NINGHPANG 17:7

“Nang hte mung, du na ra ai ban na na a amyu matu ni hte mung htani htana ga shaka ngu ai nye a ga sadi hpe ngai shatup na nngai. Ngai gaw na a Karai Kasang mung, na a amyu matu ni a Karai Kasang mung tai nga na nngai.

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

2 SAMUELA 23:5

N hten n run mat ai myit hkrum lam, galai shai n lu ai ga sadi ngu ai htani htana ga shaka ngai hte tawn da nu ai majaw, Karai Kasang gaw nye a amyu matu ni hpe shaman ya na ra ai. Dai gaw ngai ra sharawng ai lam yawng rai nna nye a awng padang rai na ra ai, Karai Kasang mung dai hpe teng teng shabyin dat na ra ai.

2 SAMUELA 7:29

Nye a amyu matu ni na a man e matut nna kabu gara lu mu ga, shanhte hpe shaman ya na matu ngai nang hpe hpyi nngai law. Tsaw Htum ai Madu e, ndai hpe nang ga sadi jaw nit dai rai nna na a shaman chyeju gaw nye a amyu matu ni a ntsa e htani htana tawn da ya nga nu ga law,” ngu nna hpyi wu ai.

2 HKAWHKAM LABAU 6:42

Madu Karai Kasang e, nang lata la nit dai hkawhkam wa hpe hkum ningdang kau et; na a shangun ma Dawi hpe madun ai tsaw ra myit hpe adum nga u law.”

SHAKAWN KUNGDAWN 119:112

Ngai gaw si ai shani du hkra, na a tara ni hpe madat mara hkan sa na matu myit daw dan da se ai.

SHAKAWN KUNGDAWN 119:175

Ngai hpe asak jaw ya e, shaloi, nang hpe ngai shakawn nga n ga, na a sharin shaga ai ga matsun ni ngai hpe karum nga u ga.

SHAKAWN KUNGDAWN 78:1

Nye a amyu masha ni e, nye a sharin shaga ai ga hpe madat la mu, ngai tsun ai ga hpe mung madat la mu.

SHAKAWN KUNGDAWN 89:28

Nye a ga sadi shi hta tut nawng e ngai shagrin da nna; shi hta tawn da ai ga shaka htani htana agrin nga na ra ai.

SHAKAWN KUNGDAWN 89:29

Shi a hkawhkam amyu gaw lamu zawn ngang grin wa na ra ai; shi a matu mara ni gaw tut nawng e hkawhkam tai nga lu na mara ai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

GA SHAGAWP 4:20

Sha e, ngai tsun ai ga hpe myit maju jung u; nye a matsun maroi ga ni hpe madat mara la u.

GA SHAGAWP 7:2

Ngai tsun matsun ai ga hte maren, galaw u; shing rai jang, nang hkrung nga lu na ndai; na a myi tum hpe nang makawp maga nga ndai zawn, nye a sharin shaga ai ga hta hkan nang na matu, sadi sahka ai myit rawng nga u.

ESAIA 51:4

“Nye a amyu masha ni e, nye a ga madat mara mu, ngai tsun ai ga hpe madat mu: Ngai gaw masha amyu baw ni hpe nye a sharin shaga ga jaw nngai; nye a tara ni gaw shanhte a matu nhtoi tai na ra ai.

ESAIA 54:10

Bum ni hte kawng ni ayai mat mai nga ai, rai ti mung na a matu nye a tsaw ra myit gaw galoi mung htum mat na ra ai n rai; ngai gaw nye a ngwi pyaw sim sa lam a ga sadi hpe htani htana shatup nga na nngai.” Dai rai nna, nang hpe tsaw ra ai dai Madu gaw shing nga tsun ai.

ESAIA 54:8

Ngai gaw hkring mi sha masin pawt let myi man kayin kau da nngai, rai ti mung ngai nang hpe nye a tsaw ra myit htani htana madun nga na nngai.” Shing rai nang hpe hkye la ai dai Madu gaw shing nga tsun ai.

ESAIA 61:8

Dai Madu gaw, “Ngai gaw teng man rap ra ai tara hpe tsaw ra nngai, ngai gaw dip gamyet sha ai amu hte ru hka amu hpe n dawng nngai. Ngai gaw nye a amyu masha ni hpe kangka ai hte kumhpa shagrau na nngai. Shanhte hte htani htana ga shaka tawn da na nngai.

YEREMIA 30:9

Shing rai na malai, shanhte gaw shanhte a Madu Karai Kasang rai nga ai ngai hpe mung, hkawhkam hku nna hkaw shadun hkrum na Dawi a aru arat hpe mung daw jau wa na mara ai.

YEREMIA 32:40

Ngai gaw shanhte hpe htani htana prat dingsa na ga shaka tawn da na nngai. Shanhte a matu mai kaja ai amu galaw nga ai hpe ngai galoi mung jahkring kau na n rai. Ngai gaw shanhte hpe shanhte a myit masin mahkra hte ngai hpe hkrit hkungga shangun na nngai, shanhte gaw ngai kaw nna galoi mung n kayin mat wa lu na mara ai.

YEREMIA 33:26

Dai amu hpe ngai tup hkrak galaw ni ai zawn, ndai nye a ga shaka hpe Yaku a aru arat ni hte mung, nye a shangun ma Dawi hte mung, ngai shangang shakang da na nngai. Abraham, Isak hte Yaku ni a aru arat ni a ntsa e up hkang na matu Dawi a aru arat langai mi hpe ngai lata san da na nngai. Ngai gaw nye a amyu masha ni hpe matsan dum nna shanhte hpe kalang mi bai ngamu ngamai shangun na nngai,” ngu nna tsun ai.

YEREMIA 38:20

Ngai gaw, “Nang shanhte a lata hta ap kau ai hkrum na n rai; Dai Madu a mungga hpe madat mara na matu, ngai nang hpe lajin nga nngai; shaloi nang hta dingbai dingna hpa mung hkrum hkra na ra ai n rai; na a asak mung ahkrung nga lu na ra ai.

YEREMIA 50:5

Shanhte gaw Ziun de sa wa ai lam hpe san na mara ai, dai shara de du sa wa na mara ai. Shanhte gaw ngai hte htani htana na ga shaka tawn da na mara ai, dai gaw galoi mung hten run mat na ra ai n rai.

EZEKELA 16:60

Rai ti mung, nang naw kaji nga yang, ngai nang hte tawn da ai ga shaka hpe ngai shagrau nga na nngai; ngai gaw nang hte htani htana agrin nga na ra ai ga shaka hpe tawn da na nngai.

EZEKELA 34:24

Dai Madu ngai gaw shanhte a Karai Kasang tai nna nye a shangun ma Dawi hte bung ai hkawhkam wa gaw shanhte hpe up hkang ai du tai na ra ai. Ngai nan dai ga hpe tsun ni ai.

EZEKELA 34:25

Ngai gaw shanhte a shim lum lam jaw ya lu ai ga shaka shanhte hte shagrin da na nngai. Mungdan kata na hkrit tsang ra ai matse labye ni hpe mung yeng seng kau na nngai, shaloi nye a sagu ni pa layang ni hta shim ai hte shanu nga lu nna maling kata hkan e mung yup nga lu na mara ai.

EZEKELA 37:26

Shanhte a matu htani htana prat dingsa na shim lam ga shaka hpe ngai tawn da na nngai. Ngai shanhte hpe de da nna shalaw jahtam na nngai, shanhte a mungdan hta nye a Nawku Htingnu htani htana agrin nga ai hpe mung mu lu na mara ai.

JAW JAU 18:5

Ngai nanhte hpe jaw da ai hkan sa lam ni hte tara ni hta hkan nang lu na rai myit dai. Dai hpe hkan galaw ai a jaw e, nanhte asak hkrung nga lu na rai myit dai; ngai gaw dai Madu nan rai nga nngai.”

AMO LAIKA (AMOS) 5:4

Dai Madu gaw Israela amyu masha ni hpe, “Ngai hpang de sa marit, nanhte hkrung nga na rai myit dai.

AMO LAIKA (AMOS) 5:6

Dai Madu kaw sa mu, nanhte hkrung nga lu na rai myit dai. Nanhte n sa ai rai yang, Israela amyu masha ni a ntsa e wan hkrat bun ai zawn ye magawn mat wa na ra ai. Wan gaw Behtela masha ni hpe hkru kau nna kadai mung dai hpe sat kau lu na ra ai n rai.

MAHTE 11:28

Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 13:16

“Nanhte a myi mu lu nna, nanhte a na na lu nga malit dai majaw a lu myit dai.

MAHTE 17:5

Petru ga naw shaga nga yang, htoi tu ai sumwi gaw shanhte a ntsa e ka-up mu ai hte dai sumwi hta na nsen ngoi pru nna, “Ndai wa gaw ngai sharawng awng ai, ngai tsaw ra ai ngai sha rai nga ai; shi a ga madat mara mu,” nga ai.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

YAWHAN 6:37

Nye Wa ngai hpe ap ya ai yawng mayawng hte gaw ngai hpang de du na mara ai, Ngai hpang de du sa ai wa hpe mung, kaja wa ngai n kanawng kau na nngai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

YAWHAN 8:47

Karai Kasang a kashu kasha re ai wa gaw Karai Kasang a ga madat nga ai, nanhte gaw Karai Kasang a kashu kasha ni n re ai majaw, n madat myit dai,” ngu wu ai.

KASA 13:34

Bai shi lup hta hten bya mat ai galoi n hkrum hkra si ai kaw na hkrung sharawt la na lam hte seng nna, Karai Kasang tsun ai gaw, ‘Dawi hpe shaman ya na ga sadi jaw da ai hte maren chyoi pra ai hte grin nga ai chyeju ngai nanhte hpe jaw na made ai,’ ngu ai.

ROMA 10:5

Jep ai Tara hkan shatup ai hte Karai Kasang a man e ding hpring ai masha tai lu ai lam hte seng nna Mawshe gaw, “Jep ai Tara hkan shatup ai wa gaw hkrung nga na ra ai,” nga nna ka da nu ai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.