ESAIA 55:2 - Jinghpaw Common Language Bible 2009

² Lusha majing n re ai hta na a gumhpraw hpe lahpawt lama rai hpa majaw jai shama n ta? Hpa majaw na a shabrai ni hpe jai kau nna naw kawsi kyet nga n ni? Nye a ga madat mara nna, ngai tsun ai hku galaw u, shaloi, nang gaw yawng hta kaja htum ai lusha hta kabu gara wa lu na rai ndai.

Jinghpaw Hanson Version Bible

² Shahpa n re ai a matu, nanhte a gumhpraw hpe mung, hkru kat n chye ai arai a matu, nanhte a n-gun hpe mung, hpa majaw ginlut kau nga myit ta? nye a ga atsawm sha madat mara let, mai kaja ai hpe sha nna, nanhte a myit masin sau hpum ai hta awng sharawng nga mu ga.

ESAIA 55:2 ပူးပေါင်းရင်းမြစ်များ

SHAKAWN KUNGDAWN 22:26

Matsan mayan masha ni gaw shanhte ni ra ai made, sha lu na mara ai; Madu kaw du sa ai ni shi hpe shakawn na mara ai. Shanhte gaw htani htana ngamu ngamai nga mu ga law!

SHAKAWN KUNGDAWN 34:11

Nye a rau ram manang ni e, wa marit nye a ga hpe madat mu; dai Madu hpe shagrau sha-a na lam ngai nanhte hpe sharin ya na nngai.

SHAKAWN KUNGDAWN 36:8

Nang jaw ya ai n taw n tsang re ai lusha hta anhte lu sha ga ai; na a mai kaja ai chyeju hte lwi ai hka nu kaw na nang anhte hpe lu shangun mi ai.

SHAKAWN KUNGDAWN 63:5

Nye a wenyi gaw, dwi sau ai lusha hpe sha lu ai zawn myit dik ai hkrum na ra ai; ngai nang hpe kabu gara ai mahkawn mangoi ga ni hte mahkawn shakawn nga na nngai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

GA SHAGAWP 1:33

Rai ti mung, nye a ga hpe madat mara ai ni chyawm gaw shim lum ai lam lu la na ma ai. Shi gaw ngwi pyaw sim sa nna, hkrit tsang lam hpa mung hkrum hkra na wu ai n rai.”

GA SHAGAWP 7:23

shi gaw akajawng sha dai numsha hpang de hkan nang mat wa nu ai. Shi gaw mahkam kata de pyen shang mat wa ai u zawn rai nga nna, shi a asak mung ru yak jam jau hkrum nga nu ai hpe shi n chye nga wu ai.

GA SHAGAWP 8:32

Ya chyawm gaw, shabrang ni e, nye a ga hpe madat mu; ngai tsun ai ga hte maren, hkan galaw ai rai yang, nanhte a lu na marin dai.

GA SHAGAWP 9:5

Nye a lusha hpe sha mu, ngai kayau ai sabyi ntsin hpe lu mu.

HPAJI NINGLI 6:2

Karai Kasang gaw anhte hpe ja gumhpraw sut gan, arawng sadang hte sut rai ni jaw ya na ra ai, rai sa, anhte ra sharawng ai arai shagu lu la ti mung dai hta kabu gara shangun mi ai n rai. Kaga tsasam masha wa mahtang de a malai kabu gara na ra ai. Dai gaw kaman lila rai nga ai, de a teng man lam gaw n jaw nga ai.

ESAIA 1:19

Nanhte gaw nye a ga hpe sha madat mara nga myit dai rai yang, dai lamu ga na pru ai nsi naisi kaja ni hpe nanhte sha lu na marin dai.

ESAIA 10:27

Dai aten du jang, ngai gaw nanhte hpe Asuri a daru magam n-gun kata kaw nna shalawt dat na nngai, shanhte a kandang mung nanhte a lahpa ntsa e galoi mung hpai da ra sana n rai,” ngu nna tsun wu ai.

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

ESAIA 51:1

Dai Madu gaw, “Hkye hkrang la hkrum mayu ai ni hte karum la na matu ngai kaw du sa wa ai ni e, nye a ga madat mu. Nang pru sa wa ai kaw na lunghkrung, nang tawk la ai kaw na nhkun hpe myit yu u.

ESAIA 51:4

“Nye a amyu masha ni e, nye a ga madat mara mu, ngai tsun ai ga hpe madat mu: Ngai gaw masha amyu baw ni hpe nye a sharin shaga ga jaw nngai; nye a tara ni gaw shanhte a matu nhtoi tai na ra ai.

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

ESAIA 62:9

Rai ti mung nang hkai nna shu la ai nsi naisi a majaw Muk sha lu nna, dai Madu hpe shakawn kungdawn na rai ndai. Nang yu lajang nna shinggyin da sai sabyi si ni a majaw Nye a Nawku Htingnu wang kata hta sabyi ntsin lu lu na ra ai.”

ESAIA 65:23

Shanhte galaw ai amu awng dang na mara ai, shanhte a kashu kasha ni ru yak tsin-yam tsindam hte hkrum na mara ai n rai. Ngai gaw shanhte hte shanhte a aru arat ni hpe prat mi hte prat mi shaman ya na nngai.

YEREMIA 12:13

Nye a amyu masha ni gaw hkaulan mam hkai ti mung, tsing sha dan la lu na mara ai; shanhte gaw bungli galaw shaja ma ai, rai ti mung bungli shabrai a matu kaman lila hkam la nga ma ai. Nye a masin kahtet ai a majaw, nsi naisi ni sum mat nga manu ai,” nga nna tsun ai.

YEREMIA 17:24

Shanhte gaw nye a hkang da ai ga ni yawng hpe hkan sa madat mara lu na lam ndai amyu masha ni hpe tsun u. Shanhte gaw Bansa Nhtoi hta dai mare a chyinghka lam hku lit hpa mung n hpai lai lu na ma ai. Shanhte gaw chyoi pra ai shani zawn dai Bansa Nhtoi hpe hkan sa lu nna amu bungli hpa mung galaw lu na ma ai n rai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

YEREMIA 31:14

Ngai gaw hkinjawng ni hpe mu htum ai lusha hte jahpring ya na nngai, nye a amyu masha ni a ra kadawn ai lam yawng hpe myit shadik ya na nngai. Dai Madu ngai nan tsun ni ai,” ngu nna tsun ai.

HOSEA 12:1

Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

HABAKU 2:13

Nanhte padang dip da ai masha amyu baw ni gaw akyu n rawng ai amu magam hta hki ba nga ma ai, shanhte yawng galaw da sai amu ni gaw wan numli hta hkru mat na ra ai. Chyahtum Chyalai N-gun rawng ai dai Madu nan ndai amu galaw nu ai.

MAHTE 15:9

Shanhte ngai hpe kaman lila nawku da mi ai, hpa majaw nga yang, shanhte gaw masha e galaw la ai ga matsun ni hpe nye a tara ni hpe zawn sharin shaga nga ma ai nga nna tsun ai ga gaw gade teng nga a hka!,’” ngu nna tsun mu ai.

MAHTE 22:4

Dai rai nna shi gaw, mayam kaga ni hpe bai shangun dat nna, ‘Nye a lusha poi gaw ya jin jin rai sai, nye a usu ni hte kawn da ai yam nga ni hpe sat kau ngut sai, yawng mayawng jin jin rai sai, hkungran poi de sa marit!, ngu nna shaga da sai ni hpe sa tsun mu,’ ngu dat mu ai.

MAHTE 5:6

“Karai Kasang a myit ra ai hte maren hkan sa galaw na matu ra sharawng dik ai myit ngu ai ding hpring ai hpe kawsi hpang gara ai ni gaw a lu ma ai; hpa majaw nga yang, Karai Kasang gaw shanhte hpe myit dik hkru kat hkra jaw na maru ai!

MARKU 7:14

Yesu gaw shawa masha ni hpe lang mi bai shaga la nna, shanhte hpe, “Nanhte yawng ngai tsun ai hpe madat nna chye na la mu.

LUKA 15:23

kawn tawn ai dumsu kasha mung sat mu, shing rai anhte kabu gara ai hte lusha poi galaw nna lu sha nga ga!

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

ROMA 10:17

Dai rai nna masha ni gaw dai mungga hpe na la ai hte kam sham wa ma ai. Hkristu a lam hkaw tsun dan ai hte dai mungga hpe na la lu ma ai.

ROMA 9:31

Rai ti mung, Israela amyu masha ni gaw Karai Kasang a man e ding hpring wa shangun na tara langai mi hpe tam shakut ma timung n mu tam ma ai.

TARA JAHPRANG 11:13

“Dai rai nna dai ni ngai nanhte hpe jaw ya sai hkang da ai ga ni hpe madat mara hkan sa let dai Madu nanhte a Karai Kasang hpe tsaw ra nna myit masin mahkra hte shi hpe daw jau nga mu.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.