ESAIA 55:12 - Jinghpaw Common Language Bible 2009

¹² “Nang gaw kabu gara ai hte Babelon kaw na pru wa na rai ndai; nang gaw mare kata kaw na ngwi pyaw sim sa ai hte woi wa ai hkrum na rai ndai. Bum ni hte kawng ni aja awa mahkawn mangoi na mara ai, hpun ni mung kabu gara jahtau garu na mara ai.

Jinghpaw Hanson Version Bible

¹² Nanhte gaw kabu gara let pru wa nna, ngwipyaw ai hte woi wa ai hkrum na myit dai; bum ni hte kawng ni, nanhte a man e, mahkawn mangoi ai nsen hte garu nna, nam mali na hpun ni yawng, lahpawk dum na mara ai.

ESAIA 55:12 ပူးပေါင်းရင်းမြစ်များ

SHAKAWN KUNGDAWN 105:43

Dai majaw shi lata la hkrum ai shi a amyu masha ni hpe woi shapraw mat wa ai; shanhte kabu gara jahtau garu ai hte mahkawn shakawn ma ai.

SHAKAWN KUNGDAWN 47:1

Masha amyu yawng hte e, kabu gara ai hte lahpawk dum mu! Nsen sharawt ai mahkawn mangoi ga ni hte Karai Kasang hpe shakawn mu!

SHAKAWN KUNGDAWN 65:12

Udat shara ni hta yam nga wuhpung ni hte hpring nga ai; kawng nhkrem ni hta kabu gara ai hte hpring nga ai.

SHAKAWN KUNGDAWN 65:13

Prang ni hta sagu ni hte hpring nga ai; kadit ni hta hkaulan mam ni hte hpring nga ai. Arai yawng mayawng hte gaw garu jahtau ai hte kabu gara mahkawn ma ai.

SHAKAWN KUNGDAWN 69:34

Sumsing lamu hte ginding aga, panglai ni hte dai hta rawng ai hkrung mahkrung yawng hte e, Karai Kasang hpe shakawn mu.

ESAIA 14:8

Marau hpun ni hte Lebanon arit hpun ni mung hkrat sum mat sai hkawhkam wa a matu kabu ma ai, hpa majaw nga yang, shanhte hpe kran kadang na kadai n nga nga sai, ya chyawm gaw shi n nga mat sahka!

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 48:20

Babelon mung kaw na pru wa mu, ndut ndang pru wa mu! “Dai Madu gaw shi a shangun ma Israela hpe hkye la nu ai!,” ngu nna dai hpe mungkan shara shagu hkan tsun shabra mu; dai shiga hpe kabu gara jahtau tsun mu.

ESAIA 49:13

Sumsing lamu ni e, mahkawn mangoi mu! Ginding aga e, kabu gara jahtau u! Bum ni mahkawn garu nga mu ga! Dai Madu gaw shi a amyu masha ni hpe shalan shabran na ra ai; shi gaw nni nkri hkam sha nga ai shi a amyu masha ni hpe matsan dum na ra ai.

ESAIA 51:11

Nang hkye mawai da sai ni gaw Yerusalem de kabu gara ai hte du dep nna, mahkawn mangoi ai hte kabu gara jahtau garu na mara ai. Shanhte gaw htani htana kabu gara ai hte yawn hkyen ai hte madai sharung ai kaw na htani htana lawt lu na mara ai.

ESAIA 52:9

Hten run mat sai Yerusalem, nang e, kabu gara jahtau garu u! Dai Madu gaw shi a mare hpe hkye mawai la nna shi a amyu masha ni hpe shalan shabran na ra ai.

ESAIA 54:10

Bum ni hte kawng ni ayai mat mai nga ai, rai ti mung na a matu nye a tsaw ra myit gaw galoi mung htum mat na ra ai n rai; ngai gaw nye a ngwi pyaw sim sa lam a ga sadi hpe htani htana shatup nga na nngai.” Dai rai nna, nang hpe tsaw ra ai dai Madu gaw shing nga tsun ai.

ESAIA 54:13

“Ngai hkum nan na a amyu masha ni hpe sharin achyin ya na nngai, shanhte hpe ngamu ngamai lam hte ngwi pyaw sim sa lam jaw ya na nngai.

YEREMIA 29:11

Nanhte a matu ngai hta rawng ai yaw shada lam ni hpe ngai chyu sha chye nngai, dai yaw shada lam gaw tsin-yam tsindam n rai, ngamu ngamai shangun na lam rai nga ai; nanhte myit mada nga ai du na ra ai aten hte seng ai yaw shada lam ni rai nga ai.

YEREMIA 30:19

Dai yang e nga ai amyu masha ni gaw mahkawn shakawn na mara ai; shanhte gaw kabu gara jahtau garu na mara ai. Nye a shaman chyeju ga a majaw, shanhte law htam mayat maya wa na mara ai; nye a shaman chyeju gaw shanhte hpe shagrau sha-a lam jaw ya na ra ai.

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

YEREMIA 33:6

Rai ti mung, ngai gaw ndai mare hte dai hta shanu nga ai amyu masha ni hpe shamai shatsai ai hte shanhte hpe hkam kaja shangun na nngai. Ngai shanhte hpe ngwi pyaw sim sa lam law htam shangun nna shim lum ai lam madun dan na nngai.

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

ROMA 5:11

Dai hta n ga ya anhte hpe Karai Kasang hte htinglu htinglai nna jinghku tai shangun ai Madu Yesu Hkristu a marang e Karai Kasang anhte hta galaw dan sai amu a majaw anhte kabu gumrawng nga ga ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

KOLOSE 1:11

Dai rai nna nanhte hkrum hkra wa ai lam shagu hpe myit galu kaba ai hte hkam sharang lu na matu, shi a hpung shingkang rawng ai n-gun atsam a marang e nanhte hpe n-gun lagaw shaja myit ga.