ESAIA 55:11 - Jinghpaw Common Language Bible 2009

¹¹ Dai hte maren, ngai tsun ai mungga mung dai hte maren tai na ra ai- de a matu ngai shatawng shada ai amu galaw na lam hprai mat na n rai; dai gaw ngai shangun ai amu magup shagu hpe shadik ya na ra ai.

Jinghpaw Hanson Version Bible

¹¹ nye n-gup kaw na pru ai mungga mung, dai hte maren tai na ra ai: dai gaw ngai hpang de kaman nhtang wa na n rai; ngai ra ai hku shadik ya na ra ai; ngai shangun ai amu hta, awng wa na ra ai.

ESAIA 55:11 ပူးပေါင်းရင်းမြစ်များ

ESAIA 40:8

Rai sa, tsingdu ni nyui mat nna nampan ni run mat nga ai, rai ti mung anhte a Karai Kasang a mungga gaw htani htana agrin nga ai,” ngu nna htawn tsun u.

ESAIA 45:23

Nye a ga sadi gaw teng nga ai, dai gaw galai shai lu ai n rai. Ngai wa rai nga nngai majaw lam shagu hpe ga sadi hte dagam shaka nngai: Masha shagu gaw nye a man de sa du nna hput di di ai hte ngai hta sadi dung nga na matu dagam na mara ai.

ESAIA 46:10

Ngai gaw shawng npawt kaw nna byin pru sai amu hpe tau tsun ni ai; moi chyaloi nhkoi kaw nna byin wa na lam hpe ngai tau tsun ni ai. Nye a yaw shada lam ni galoi mung hkrat sum na n rai nga ai hpe mung, ngai galaw na ngu shatawng shada ai lam magup hte hpe ngai galaw ai hpe mung tsun ni ai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

ESAIA 54:9

“Noa a aten hta, ginding aga hpe galoi mung bai sha-u n sha-ing na matu ngai ga sadi da ni ai. Ya chyawm gaw, ngai nang hte masin bai n pawt na matu ga sadi da nngai; Ngai nang hpe daru mung n daru, ari mung jaw na n rai nngai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

YEREMIA 1:11

Dai Madu gaw ngai hpe, “Yeremia e, nang hpa mu n ta?,” ngu nna san wu ai. Ngai chyawm gaw, “Batan hpun lakung langai,” ngu nna htan we ai.

YEREMIA 1:12

Dai Madu gaw, “Nang jaw nga ndai, ngai gaw nye a mungga ni teng nga ai hpe mu lu na matu sin yu nga na nngai,” ngu nna tsun wu ai.

YEREMIA 1:13

Dai hpang dai Madu gaw ngai hpe bai tsun let, “Nang hpa naw mu n ta?,” ngu nna san wu ai. Ngai gaw, “Dingdung maga hta prut nga ai di bu langai hpe ngai mu nngai, dai gaw dagup mat hkyen na zawn rai nga ai,” ngu nna htan nngai.

YEREMIA 23:20

dai bungsha gaw shi galaw na matu myit shatawng da ai arai yawng mayawng hte hpe shi myit dik ai aten du hkra ahpawt nga nna, sim mat na ra ai n rai. Shi a amyu masha ni gaw du wa na aten ni hta dai lam hpe dan dan leng leng chye wa na mara ai,” ngu nna tsun ni ai.

YEREMIA 25:13

Ngai gaw Yeremia hku nna tsun ai shaloi, ndai laika buk hta ka matsing da ai tsin-yam tsindam mahkra hte amyu baw ni hpe ngai jahkrit shama na ngu ai hte maren, Babelon mung masha ni hpe ru yak tsin-yam tsindam mahkra hte ari jaw na we ai.

EZEKELA 24:14

Dai Madu ngai nan dai ga hpe tsun ni ai. Dai amu galaw shadik na matu, nye a aten gaw du nga sai. Ngai gaw na a yubak mara ni hpe malap kau ya na n rai, n-gaw n wai ai myit madun dan na n rai, matsan dum la na n rai. Nang galaw dan sai arawn alai hte maren ari jaw hkrum na rai ndai.” Tsaw Htum ai dai Madu nan tsun nu ai.

AMO LAIKA (AMOS) 6:11

Dai Madu hkang dat ai ga jaw dat ai shaloi, nta kaji kaba ni daw agrawp mat na mara ai.

ZEHKARIA 1:6

Nye a shangun ma myihtoi ni hku nna nanhte a kaji kawa ni hpe hkang da ai ga ni hte shadum jahprang ai ga ni jaw ya ni ai, rai ti mung shanhte mahtang dai ga ni hpe hpa n nawn ya ma ai majaw byin wa na nni nkri hkam sha manu ai. Galaw na ngu ngai shatawng shada da sai hte maren, shanhte hkam la ging sai hpe Chyahtum Chyalai N-gun rawng ai dai Madu ngai nan shanhte hpe ari jaw ni ai majaw shanhte myit malai wa ai hte ngai hpe yin la nga masai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.

YAWHAN 6:63

Asak jahkrung ya ai gaw Karai Kasang a Wenyi rai nga ai; masha a n-gun atsam gaw hpa lam n la nga ai. Ngai nanhte hpe tsun ai ga ni gaw Karai Kasang a asak jaw ya ai Wenyi rai nga ai.

ROMA 10:17

Dai rai nna masha ni gaw dai mungga hpe na la ai hte kam sham wa ma ai. Hkristu a lam hkaw tsun dan ai hte dai mungga hpe na la lu ma ai.

1 KORINHTU 1:18

Hpa majaw nga yang, Hkristu a wudang ntsa e si hkam ai lam ngu ai dai wudang a mung sumtu ga lachyum gaw, asak wenyi sum mat hkrum ai ni a matu, lachyum n pru ai angawk angak ga rai nga ai, rai ti mung, hkye hkrang la hkrum ai anhte a matu gaw, Karai Kasang a atsam rai nga ai.

TARA JAHPRANG 32:2

Nye a sharin shaga ai ga gaw marang si ni zawn htu hkrat nna, ginding aga ntsa e numri zawn rai nga na ra ai. Nye a ga mung hpun bawng ni a ntsa e marang mahpawng zawn, tsit lali ai tsingdu ni a ntsa e marang shaya zawn htu bun na ra ai.

1 HTESALONI 2:13

Bai Karai Kasang a chyeju hpe n sim n sa shakawn na lam kaga langai mi naw nga nga mali ai. Nanhte hpang de anhte dai Karai Kasang a mungga sa hkaw tsun dan ai shaloi masha a mungga hpe zawn n rai, Karai Kasang a mungga re ai hku nanhte na nna kam sham ai hte hkap la manit dai. Dai mungga gaw nanhte kam sham ai ni a kata hta bungli galaw ya nga ai majaw Karai Kasang a mungga majing nan rai nga ai.

HEBRE 6:7

Law law lang htu bun ai marang hka hpe hkap la nna shawt hkai ai ni a matu akyu rawng ai hkai nmai tu kaba shangun ai aga hpe Karai Kasang shaman chyeju ajaw ya nga ai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.

1 PETRU 1:23

Hpa majaw nga yang, nanhte gaw dai ahkrung nga ai hte htani htana anga nga ai Karai Kasang a mungga marang e n si n mat chye ai kanu kawa ni a kasha ni zawn shangai wa manit dai.

1 SAMUELA 3:19

Samuela kaba wa sai rai nna, dai Madu gaw shi hte rau rai nga ai; Samuela tsun ai lam teng nga ai rai nna lam magup hpe galaw ya wu ai.