ESAIA 54:9 - Jinghpaw Common Language Bible 2009

⁹ “Noa a aten hta, ginding aga hpe galoi mung bai sha-u n sha-ing na matu ngai ga sadi da ni ai. Ya chyawm gaw, ngai nang hte masin bai n pawt na matu ga sadi da nngai; Ngai nang hpe daru mung n daru, ari mung jaw na n rai nngai.

Jinghpaw Hanson Version Bible

⁹ Kaning rai nme law, dai lam gaw, Noa aprat e ing ai sha-u zawn rai nga ai: Noa aprat na hka hpungla ni gaw htawm hpang de aga hpe n lim kau nu ga, nga nna ngai dagam da ai hte maren, nang hpe pawt mung n pawt, daru mung n daru sa na, nga nna ngai dagam da ni ai.

ESAIA 54:9 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

YOBA 11:16

Lwi mat wa ai mawru hka zawn, na a ru yak tsin-yam tsindam mahkra hpe nang malap kau nna, dai hpe galoi mung bai dum lu na ndai n rai.

SHAKAWN KUNGDAWN 104:9

Madu gaw mungkan ga hpe sha-u kalang mi bai n ka-up kau u ga; hka ni n lu lai di na ga jarit hpe masat da nu ai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 49:18

Grup yin de mada yu nna hpa byin nga ai hpe yu u! Na a amyu masha ni gaw zup hpawng nga ma ai, shanhte gaw dum nta de wa nga ma ai! Ngai gaw ahkrung nga ai Karai Kasang rai nga ai hte maren, num nnan gaw shi mawn sumli da ai ja lung seng ni a majaw gumrawng lu ai zawn nang mung na a amyu masha ni a majaw gumrawng lu na rai ndai.

ESAIA 51:22

dai Madu na a Karai Kasang gaw nang hpe makawp maga ai hte, “Nye a masin kahtet ai majaw nang hpe jaw ai gawm hpe ngai la kau nga nngai. Nang gaw nang hpe ndi nda byin shangun ai sabyi ntsin hpe galoi mung lu ra sana n rai.

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

ESAIA 51:8

shanhte gaw manut e sha kau ai sumpan zawn tsam mat na mara ai! Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw prat mi hte prat mi agrin nga na ra ai.”

ESAIA 55:11

Dai hte maren, ngai tsun ai mungga mung dai hte maren tai na ra ai- de a matu ngai shatawng shada ai amu galaw na lam hprai mat na n rai; dai gaw ngai shangun ai amu magup shagu hpe shadik ya na ra ai.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

YEREMIA 31:37

Lani mi na nhtoi hta, sumsing lamu hpe shadawn lu nna ginding aga a npawt nhpang ni hpe sawk yu lu ai rai yang chyu sha, Israela amyu masha ni shanhte yawng galaw sai amu a majaw shi kabai kau na ra ai. Dai Madu nan tsun nu ai.

EZEKELA 16:42

Dai hpang, nye a masin kahtet ai gaw kawp mat wa nna atsin sha nga nga na nngai. Ngai gaw loi mi mung pawt sindawng ai hte manawn masham ai myit mung rawng na nngai n rai.

EZEKELA 39:20

Shanhte gaw nye a sha ku hta gumra ni, leng jawn ai ni, hpyenla ni, hte gasat masha ni hpe hkru kat hkra sha lu na mara ai. Tsaw Htum ai dai Madu ngai nan tsun ni ai.

EZEKELA 39:29

Nye a wenyi hpe Israela amyu masha ni a ntsa e ru bun nna ngai gaw shanhte kaw na galoi mung myi man bai kayin kau da na nngai n rai. Tsaw Htum ai dai Madu ngai nan tsun ni ai,” ngu nna tsun wu ai.