ESAIA 54:7 - Jinghpaw Common Language Bible 2009

⁷ “Aten kadun mi hta, ngai nang hpe kau da nngai; tsaw ra myit sung sung hte ngai nang hpe bai woi la nngai.

Jinghpaw Hanson Version Bible

⁷ Kaning rai nme law, chyahkring mi sha ngai nang hpe kau da timung, matsan dum ai myit kaba hte kahkyin na nngai:

ESAIA 54:7 ပူးပေါင်းရင်းမြစ်များ

SHAKAWN KUNGDAWN 106:47

Anhte a Madu, Karai Kasang e, anhte hpe hkye hkrang la mi; Masha amyu ni a kata kaw nna anhte hpe woi nhtang wa mi. Shing rai, na a chyoi pra ai mying nsang hpe shakawn nna, anhte nang hpe chyeju dum shakawn nga na ga ai.

SHAKAWN KUNGDAWN 107:3

Shi gaw nanhte a gumlau hpyen ni a lata kaw nna mawai la nu ai; sinpraw sinna, dingdung dingda mungdan shagu de nga hkawm nga ai nanhte hpe bai woi wa manit dai.

SHAKAWN KUNGDAWN 30:5

Shi a masin kahtet ai gaw hkring mi sha rai nga ai, shi a mai kaja ai lam prat ting a matu rai nga ai. Shana e myi prwi ni lwi nga ti mung, jahpawt e kabu gara ai lam lu la nga ai.

SHAKAWN KUNGDAWN 30:6

“Ngai gaw galoi mung sum hkrum na n rai,” ngu nna nye hkum ngai myit sim ai hte tsun nngai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 26:20

Nye a amyu masha ni e, nanhte a dum nta kata de shang nna chyinghka la mu. Karai Kasang a pawt sindawng ai kawp mat ai aten du hkra, tinang hkum nan loi hkring mi makoi nga mu.

ESAIA 27:12

Dai shani e, Uhprat hka nu kaw nna Egutu mung jarit du hkra, dai Madu gaw shi a amyu masha masha langai hpang langai hpe chyarang kaw nna hkaulan mam gu hte nsan hpe ginhka la ai zawn shinggyin la na ra ai.

ESAIA 27:8

Dai Madu gaw shi a amyu masha ni hpe maigan mungdan de gawt shapraw kau ai ari jaw nga ai. Shi gaw shanhte hpe sinpraw nbung bung ja hte shapoi kau nu ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 49:13

Sumsing lamu ni e, mahkawn mangoi mu! Ginding aga e, kabu gara jahtau u! Bum ni mahkawn garu nga mu ga! Dai Madu gaw shi a amyu masha ni hpe shalan shabran na ra ai; shi gaw nni nkri hkam sha nga ai shi a amyu masha ni hpe matsan dum na ra ai.

ESAIA 49:18

Grup yin de mada yu nna hpa byin nga ai hpe yu u! Na a amyu masha ni gaw zup hpawng nga ma ai, shanhte gaw dum nta de wa nga ma ai! Ngai gaw ahkrung nga ai Karai Kasang rai nga ai hte maren, num nnan gaw shi mawn sumli da ai ja lung seng ni a majaw gumrawng lu ai zawn nang mung na a amyu masha ni a majaw gumrawng lu na rai ndai.

ESAIA 49:21

Dai hpang nang gaw tinang kraw e, ‘Nye a matu ndai ma kaji ni yawng hpe kadai shangai ya nga a ni? Ngai gaw ma ni hpe shamat kau ni ai, kaga mi n lu jat lu na sai. Ngai gaw bawng dung hkrum ai hte gawt kau ai hkrum ni ai- kadai wa ndai ma ni hpe bau kaba dat nga ai kun? Ngai chyu sha nga ai aten hta ndai ma ni gara shara kaw na du sa wa nga ma ni?,’” ngu nna tsun na rin dai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 56:8

Bawng dung hkrum ai kaw na Israela dum nta de woi wa ai Tsaw Htum ai dai Madu gaw shi a amyu masha ni hte matut mahkai wa na matu kaga masha ni hpe naw woi wa na ra ai, ngu ga sadi tawn da nga sai.

ESAIA 60:10

Dai Madu gaw Yerusalem hpe, “Maigan masha ni gaw na a bunghku ni hpe bai gaw gap wa na mara ai, Shanhte a hkawhkam ni nang hpe daw jau na mara ai. Nye a masin kahtet ai majaw, ngai nang hpe ari jaw ni ai. Rai ti mung, ya chyawm gaw ngai nang hpe myi man shapa ya ai hte matsan dum ai myit madun dan na nngai.

ESAIA 60:4

Grup yin de mada yu nna hpa byin nga ai hpe yu yu u: Na a amyu masha ni gaw dum nta de wa na matu zup hpawng nga ma ai! Na a shadang sha ni sumtsan kaw na wa na mara ai; Na a shayi sha ni ma kaji ni zawn pawn ba la ai hkrum na mara ai.

ESAIA 62:4

Nang gaw galoi mung “Mare Dingsa” ngu bai shaga hkrum na sai n rai, Na a mungdan gaw “Kabai Da Hkrum Ai Madu Jan,” ngu nna tsun hkrum sana n rai. Na a mying nnan gaw “Karai Kasang gaw shi hpe awng sharawng nga ai,” ngu na ra ai. Na a mungdan gaw “Kabu gara ai hte hkungran la sai,” ngu shaga hkrum na ra ai; Dai Madu gaw nang hta awng sharawng nga ai majaw, Na a mungdan gaw madu wa langai zawn tai na ra ai.

ESAIA 63:7

Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

ESAIA 66:18

Ngai gaw shanhte a myit mang ai lam ni hte shanhte a arawn alai sat lawat ni hpe chye nga nngai. Amyu baw ni mahkra a masha ni hpe zup hpawng shangun na matu ngai du sa wa nga nngai. Shanhte rau sa hpawng ai shaloi, nye a daru magam n-gun kaning re ai amu galaw lu ai hpe shanhte mu wa na mara ai,

YEREMIA 51:5

Chyahtum Chyalai N-gun rawng ai dai Madu Karai Kasang ngai gaw Israela a Chyoi Pra ai Wa ngu ai ngai hpe yubak galaw ma tim pyi ngai gaw Israela hte Yuda hpe kau da na n rai.

SHARUNG SHAYAWT 3:31

Dai Madu gaw matsan dum ai wa rai nga nna, anhte hpe htani htana kau da na ra ai n rai.

SHARUNG SHAYAWT 3:32

Shi gaw anhte hpe yawn hkyen ai amu shapraw dan ti mung, anhte a matu shi a tsaw ra myit gaw kam ram ai hte n-gun ja nga ai.

EZEKELA 36:24

Ngai gaw nanhte hpe amyu baw shagu hte mungdan shagu kaw na shapraw la nhtawm nanhte a mungdan majing de woi nhtang wa na nngai.

MIHKA 4:6

Dai Madu gaw, “Ngai zingri zingrat yu sai amyu masha ni hte bawng dung ai shara hkan nni nkri hkrum sha yu sai ni hpe bai shinggyin la ai aten du wa nga sai,” ngu nna tsun ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

TARA JAHPRANG 30:3

dai Madu nanhte a Karai Kasang gaw nanhte hpe matsan yu dum nhtawm nanhte hpe shaden shabra kau dat ai masha amyu baw ni a lata kaw na nanhte hpe bai woi la ai hte kalang mi bai ngamu ngamai shangun na marin dai.

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.

2 PETRU 3:8

Rai ti mung tsaw ra ai manang ni e, lam langai mi hpe hkum malap kau mu, Madu a man e lani mi hte shaning hkying mi gaw hpa n shai nga ai; shi a man e dai lahkawng gaw maren sha rai nga ai.