ESAIA 54:4 - Jinghpaw Common Language Bible 2009

⁴ Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

Jinghpaw Hanson Version Bible

⁴ Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.

ESAIA 54:4 ပူးပေါင်းရင်းမြစ်များ

YOBA 11:16

Lwi mat wa ai mawru hka zawn, na a ru yak tsin-yam tsindam mahkra hpe nang malap kau nna, dai hpe galoi mung bai dum lu na ndai n rai.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 29:22

Dai rai nna, Abraham hkrum sha ai tsin-yam tsindam kaw na hkye mawai la ai dai Madu Israela a Karai Kasang gaw, “Nye a amyu masha ni e, nanhte gaw kaya kahpa galoi mung hkrum sha sana myit dai n rai, nanhte a myi man ni galoi mung kaya kahpa hte sum sana myit dai n rai.

ESAIA 4:1

Dai aten du ai shaloi, numsha sanit gaw lasha langai mi hpe gang magra da nhtawm, “Anhte gaw tinang nang a matu sha na lu sha hte hpun na hpun palawng lu ga ai, rai ti mung nang gaw anhte a madu wa rai nga ndai, ngu chyeju hte anhte tsun lu mi ga, shaloi anhte gaw num n wa ai kaya kahpa hpe n hkam sha ra na ga ai,” ngu nna tsun ma ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 50:7

Rai ti mung shanhte a n kaw n law re ai amu gaw ngai hpe machyi shangun lu ai n rai, hpa majaw nga yang, Tsaw Htum ai dai Madu gaw ngai hpe karum la nga ai. Ngai gaw dai ni hpe hkam sharang lu hkra n-gun dahpran la nngai. Ngai kaya kahpa hkrum na n rai nga nngai hpe ngai chye nngai,

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

ESAIA 54:14

Teng man rap ra ai tara hte ding man ai gaw nang hpe n-gun shaja ya na ra ai. Nang gaw dip gamyet sha hkrum ai hte hkrit kajawng ai amu kaw na shim nga lu na ndai.

ESAIA 61:7

Na a kaya kahpa hte arawng hpoi hkrum ai gaw htum mat nga sai. Nang gaw na a mungdan hta nan nga lu na rai ndai, Na a sut gan gaw htam lahkawng law jat wa nna; Na a kabu gara ai gaw htani htana agrin nga na ra ai.

ESAIA 65:16

Ndai mung hta nga nna shaman chyeju hpyi ai wa kadai mung teng man ai Karai Kasang hta hpa nna shaman chyeju hkam la na matu hpyi na ra ai. Dagam ai wa kadai mung teng man ai Karai Kasang a mying nsang hta dagam na ra ai. Lai sai aten na tsin-yam tsindam ni gaw lai mat wa nna malap kau na mara ai.”

YEREMIA 31:19

Anhte gaw nang kaw na kayin mat wa ga ai, rai ti mung, kade n na yang, bai nhtang wa na matu ra sharawng nga ga ai. Nang anhte hpe ari jaw ngut ai hpang, anhte a baw ni gaw yawn hkyen ai hta dukrung taru nga saga ai. Anhte gaw prat naw ram nga yang, anhte galaw shut kau ai yubak mara ni a majaw, kaya kahpa hte jahpoi jahpyak ai hkrum nga saga ai,’ nga tsun ma ai.

SHARUNG SHAYAWT 1:1

Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

EZEKELA 16:22

Shawa num langai zawn na a matsat shabat amu galaw ai asak hkrun lam laman hte yang, nang singgu krin rai nga nna na a asai hta galu nga ai shaloi, nang gaw na a ma prat hpe kalang mi sha pyi galoi mung n dum yu nit dai,” ngu nna tsun wu ai.

EZEKELA 16:43

Nang naw kaji nga yang, ngai nang hpe kade lakawn ai hpe mung nang malap kau nhtawm, nang galaw ai amu yawng hte nang ngai hpe pawt sindawng shangun nit dai. Dai lam a majaw, ngai gaw dai amu ni yawng a matu nang hpe matai htang jaw ni ai. Nang galaw ai kaga matsat shabat amu ni yawng hta ngang gayut ai nse nsa amu hpe nang hpa majaw shut hpyit nit ta?” Tsaw Htum ai dai Madu nan tsun nu ai.

EZEKELA 36:15

Masha amyu baw ni mani asawng ai ga dai mungdan hta galoi mung na lu na n rai. Mungdan kashu kasha ni hpe kashun la ai gaw dai mungdan hta galoi mung nga sana n rai. Dai Madu Karai Kasang ngai nan tsun ni ai.”

YOELA 2:21

“Yi hkauna ni e, hkum hkrit myit, rai ti mung dai Madu gaw nanhte yawng a matu amu galaw nu ai majaw, kabu gara ai hte pyaw pyaw rai nga mu.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

ZEHKARIA 10:6

“Ngai gaw Yuda amyu masha ni hpe n-gun ja shangun na nngai; Ngai gaw Israela amyu masha ni hpe hkye mawai la na nngai. Ngai gaw shanhte hpe yu matsan dum ai hte shanhte yawng hpe dum nta de woi wa na nngai. Shanhte gaw ngai shanhte hpe galoi mung n ningdang kau yu ai ni zawn tai na mara ai. Ngai gaw dai Madu shanhte a Karai Kasang rai nga nngai; shanhte a akyu hpyi ga ni hpe ngai htan ya na nngai.

1 PETRU 2:6

Hpa majaw nga yang, dai Chyum Laika hta mung, “Ngai gaw hpu ging ai nlung langai mi hpe lata la nna, dai hpe Ziun bum e njut jahtum na nlung hku ngai jahkrat da se ai, rai nna shi hta kam sham ai ni kadai mung kaya kahpa hte myit daw myit hten hkrum na n rai,” nga ai.