ESAIA 54:16 - Jinghpaw Common Language Bible 2009

¹⁶ “Ngai gaw wan htung galaw nna hpyen laknak dup ai ndup wa hpe hpan da nngai. Ngai gaw masha sat na laknak hpai ai hpyenla wa hpe mung hpan da nngai.

Jinghpaw Hanson Version Bible

¹⁶ “Yu mu, wan wut nna, tinang a amu matu ri nhtu dup ai ndup wa hpe mung, ngai hpan da ni ai; jahten shabyak na matu, zingri zingrat ai wa hpe mung, ngai hpan da ni ai.

ESAIA 54:16 ပူးပေါင်းရင်းမြစ်များ

PRU MAT 9:16

Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

GA SHAGAWP 16:4

Dai Madu gaw yawng mayawng a jahtum na byin maka hpe lajang da nu ai; tara n lang ai ni a jahtum na byin maka gaw hten run lam rai nga ai.

ESAIA 10:15

Rai ti mung dai Madu gaw, “Nwa gaw dai hpe lang ai masha wa hta grau nga ai ngu, hkrak lu tsun nga a ni? Zingret gaw dai hpe ret ai masha wa hta grau ahkyak mai nga a ni? Dawhkrawng gaw masha hpe n sharawt nga ai; masha mahtang dawhkrawng hpe sharawt nga ai,” ngu nna tsun nga ai.

ESAIA 37:26

“Ndai lam mahkra hpe moi chyaloi nhkoi kaw nna ngai shatawng shada nga nngai hpe nang galoi mung n na yu n ni? Ya mung dai amu ni hpe ngai matut galaw nga nngai. Ngai gaw nang hpe bunghku kum ai mare ni hpe nlung sumpum shatai kau na daru magam n-gun jaw ni ai.

ESAIA 46:11

Ngai gaw sinpraw maga de na masha langai du sa na shaga nga nngai; shi gaw langji zawn ntsa de nna htim yu wa na ra ai, ngai shatawng shada ai amu ni hpe shangut na ra ai. Ngai tsun ni ai, dai gaw byin wa na ra ai.

ESAIA 54:15

Nye a myit hkrum ai lam n lawm ai sha nang hpe htim nna, gasat ai wa kadai mung hkrat sum mat na ra ai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

ZEHKARIA 1:20

Dai hpang dai Madu gaw ngai hpe sumdu lang ai amu galaw masha marai mali madun dan nga ai.

ZEHKARIA 2:1

Ngai gaw kaga shingran hta shadawn sumri hpe shi a lata hta lang da ai masha langai hpe mu nngai.

ZEHKARIA 2:4

Shawng na wa gaw kaga wa hpe, “Shadawn sumri lang ai shabrang wa hpang de kagat let ning ngu tsun su; Yerusalem hta grai law ai masha ni hte yam nga hpung ni nga nga ma ai majaw bunghku kum na matu nau kaba ai mare tai na ra ai.

YAWHAN 19:11

Yesu gaw, “Nang hpe Karai Kasang e ahkaw ahkang jaw ai majaw sha nye a ntsa e ndai zawn re ai ahkang aya nang lu ndai. Dai majaw ngai hpe nang kaw sa ap ai wa gaw yubak grau kaba lu ai,” ngu nna shi hpe htan wu ai.

1 SAMUELA 13:19

Hpilisti masha ni mahtang, Hebre masha ni hpe ri nhtu hkum dup nga nna hkrai hkum shadang ai majaw, Israela mung ting hta ndup shara ni n nga nga ai.