ESAIA 54:15 - Jinghpaw Common Language Bible 2009

¹⁵ Nye a myit hkrum ai lam n lawm ai sha nang hpe htim nna, gasat ai wa kadai mung hkrat sum mat na ra ai.

Jinghpaw Hanson Version Bible

¹⁵ Yu mu shanhte zuphpawng timung, ngai lawm na n rai; nang hpe hpyen na matu zuphpawng ai ni kadai mung, na a gawp e kataw na mara ai.

ESAIA 54:15 ပူးပေါင်းရင်းမြစ်များ

SHAKAWN KUNGDAWN 56:6

Shanhte gaw shim ai makoi shara hta hpawng nga nna, ngai galaw ai lam mahkra hpe shanhte lagyim yu ai hte, ngai hpe sat kau lu na matu myit mada nga ma ai.

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

ESAIA 43:14

Nang hpe hkye la ai dai Madu Israela a chyoi pra ai Karai Kasang gaw, “Nang hpe hkye la na matu, Babelon mung hpe ninghkap lu ai hpyen luksuk langai ngai shangun dat na nngai; Ngai gaw mare chyinghka ni hpe run kau na we ai, dai mung na masha ni a jahtau garu ai nsen hpe hkrap agru ai nsen shatai kau na we ai.

ESAIA 54:16

“Ngai gaw wan htung galaw nna hpyen laknak dup ai ndup wa hpe hpan da nngai. Ngai gaw masha sat na laknak hpai ai hpyenla wa hpe mung hpan da nngai.

ZEHKARIA 12:3

Rai ti mung, dai aten du jang, ngai gaw Yerusalem hpe li ai nlung langai zawn shatai na nngai. dai hpe hpai ka-aw shakut mayu ai masha amyu baw kadai mung machyi hkrum na rai nga ai. Ndai mungkan na masha amyu baw ni yawng n-gun galung nna shi hpe gasat na mara ai.

ZEHKARIA 12:9

Dai aten hta Yerusalem hpe gasat shakut mayu ai masha amyu baw shagu hpe ngai shamyit kau na nngai.

ZEHKARIA 2:8

Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai Madu gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai:

SHINGRAN 16:14

Shanhte gaw lamik kumla ni hpe madun dan lu ai nat ni a numla ni rai nga ma ai. Dai nat masum gaw, jahtum chyalai n-gun atsam rawng ai Karai Kasang a nhtoi kaba ngu ai tara jeyang ai shani majan gasat na matu, mungkan ting na hkawhkam ni hpe jahpawng la na pru sa wa ma ai.