ESAIA 54:14 - Jinghpaw Common Language Bible 2009

¹⁴ Teng man rap ra ai tara hte ding man ai gaw nang hpe n-gun shaja ya na ra ai. Nang gaw dip gamyet sha hkrum ai hte hkrit kajawng ai amu kaw na shim nga lu na ndai.

Jinghpaw Hanson Version Bible

¹⁴ Nang gaw dinghpring ai hte grin nga na rin dai: zingri zingrat ai gaw, nang hte tsan wa nna, nang hkrithpa hkrum na n rai: hkrit kajawng ai mung, nang hte tsan wa nna, na a makau de ni lu na n rai.

ESAIA 54:14 ပူးပေါင်းရင်းမြစ်များ

GA SHAGAWP 3:24

Nang yup ra shang wa yang, hkrit tsang ra na n rai; shana tup, ngwi ngwi pyaw pyaw hte nang yup lu na rin dai.

ESAIA 1:26

Ngai gaw nanhte hpe moi moi e nanhte hta nga yu sai zawn re ai mung du ni hte hpaji jaw sara ni hpe jaw ya na nngai. Dai hpang Yerusalem gaw ding hpring ai, sadi dung ai mare ngu shamying hkrum na ra ai.”

ESAIA 1:27

Dai Madu gaw ding man nga ai majaw, shi gaw Yerusalem hte dai mare na myit malai wa ai amyu masha hkum shagu hte hpe hkye hkrang la na ra ai.

ESAIA 14:4

Shi dai amu galaw ai shaloi, shanhte gaw Babelon hkawhkam wa hpe ashu let ning ngu tsun ma ai: “Gumshem ai hkawhkam gaw di hkrat mat nu hka! Shi gaw kadai hpe mung galoi mung bai dip gamyet sana ra ai n rai!

ESAIA 16:4

Na a mung hta anhte nga lu mi ga. Anhte hpe shamyit kau mayu ai ni a lata kaw na anhte hpe makawp maga la mi,” ngu nna tsun ma ai. (Dip gamyet sha hkrum ai hte jahten shaza ai amu gaw htum mat na ra ai, mungdan hpe agrawp jahten kau ai ni mung hkoi mat na mara ai.

ESAIA 2:4

Shi gaw galu kaba ai masha amyu baw ni a lapran na ndang kalang lam ni hpe jeyang ya na ra ai. Shanhte gaw shanhte a nhtu ni hpe najawn ni, shanhte a nri ni hpe gadoi nhkyi ni dup kau na mara ai. Amyu baw ni majan galoi mung bai baw na n rai, majan a matu galoi mung bai hkyen na mara ai n rai.

ESAIA 26:2

Mare chyinghka ni hpe hpaw malang da mu, kangka ai masha amyu baw hte jaw ai amu galaw ai masha amyu baw ni shang lu mu ga.

ESAIA 32:17

Masha hkum shagu gaw jaw ai amu galaw wa na mara ai majaw dai mung e ngwi pyaw sim sa lam hte shim lum lam htani htana nga nga na ra ai.

ESAIA 33:18

Shawng e maigan masha ahkun hta ai ni hte kin-yu ni hpe hkrit ai lam ni gaw myit dum lam langai sha tai mat na ra ai.

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 51:13

Nang gaw nang hpe hpan da ai, sumsing lamu ni hpe kahpyan da ai wa, ginding aga a npawt nhpang ni hpe jahkrat tawn ai wa dai Madu hpe malap kau nu ni? Nang hpe dip gamyet sha ai ni a n-yun bu ai a tut nawng hkrit ra ai shara hte, nang hpe shamyit kau na matu jin jin rai nga ai ni a shara hta nang hpa majaw nga ang nga n ta? Shanhte a n-yun bu ai gaw nang hpe galoi mung hkra lu na n rai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

ESAIA 60:18

Kashun kashe du daw sai hkaw ai nsen hpe galoi mung na lu sana n rai; Jahten shaza ai amu gaw na a mungdan hpe bai ga gamang kau na ra ai n rai. Ngai gaw nang hpe bunghku zawn makawp maga nna dahpran shara tai ya na nngai; Ngai gaw nang hpe hkye la ni ai majaw, nang ngai hpe shakawn kungdawn na rai ndai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 62:1

Ngai gaw Yerusalem hpe n-gun atsam jaw na matu tsun shapraw na nngai; Ngai gaw dai mare hkye hkrang la hkrum ai aten du hkra atsin sha nga na n rai, Dai mare a awng padang gaw shana e htoi ai wan shanan zawn htoi tu nga ai.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 30:10

Nye a amyu masha ni e, hkum hkrit nga myit; Israela amyu masha ni e, hkum hkrit gari nga myit. Ngai gaw nanhte hpe sumtsan mung hte nanhte bawng dung hkrum ai mungdan kaw nna hkye mawai la na nngai. Nanhte gaw dum nta de bai nhtang wa nna, ngwi pyaw sim sa ai hte nga lu na rai myit dai; nanhte gaw shim lum nga lu nna, kadai mung nanhte hpe jahkrit shama lu na mara ai n rai.

YEREMIA 30:20

Ngai gaw moi shawng de na amyu masha baw a daru magam n-gun dai mungdan hpe bai jaw ya nna, dai gaw kalang mi bai ngang ngang agrin nga na ra ai; Ngai gaw shanhte hpe dip gamyet sha ai ni hpe ari jaw na nngai.

YEREMIA 31:23

Chyahtum Chyalai N-gun Rawng ai dai Madu Israela a Karai Kasang gaw, “Amyu masha ni hpe shanhte a mungdan de ngai bai woi wa ai shaloi, shanhte gaw Yuda mung hte de a mare ni hkan, ‘Dai Madu gaw Yerusalem a chyoi pra ai bum, shi shanu nga ai chyoi pra ai shara hpe shaman ya nga u ga,’ ngu nna kalang mi bai tsun lu na mara ai.

HOSEA 10:12

Ngai gaw, “Nanhte a matu lamu ga ningnan shawt nhtawm ding hpring ai hpe hkai mu. Ngai hpe kam sham nna shapraw ya na ra ai chyeju ni hpe shu la mu. Nanhte a Madu rai nga ai Ngai kaw kayin wa na nanhte a matu aten rai nga ai. Ngai sa nna nanhte a ntsa e shaman chyeju ru jaw na made ai.

ZEHKARIA 8:3

Nye a chyoi pra ai mare Yerusalem de ngai nhtang wa nna dai mare e wa nga nga na nngai. Dai mare gaw sadi dung ai mare zawn gumhkawng wa nna Chyahtum Chyalai N-gun rawng ai dai Madu a kawng gaw chyoi pra ai kawng ngu na ra ai.

ZEHKARIA 9:8

Nye a mungdan hpe ngai makawp maga na nngai, dai lamu ga hku hpyen hpung ni ga lai lu na ma ai n rai. Nye a amyu masha ni hpe dip gamyet sha na matu gumshem magam ni hpe galoi mung ahkang jaw na nngai n rai. Nye a amyu masha ni kade wa nni nkri hkrum sha nga masai hpe ngai mu se ai,” ngu nna tsun ai.

2 PETRU 3:13

Rai ti mung anhte gaw, Karai Kasang ga sadi jaw da sai ding hpring ai ni nga na nta ngu ai sumsing lamu ningnan, ginding aga ningnan hpe anhte myit mada ala nga ga ai.