ESAIA 54:13 - Jinghpaw Common Language Bible 2009

¹³ “Ngai hkum nan na a amyu masha ni hpe sharin achyin ya na nngai, shanhte hpe ngamu ngamai lam hte ngwi pyaw sim sa lam jaw ya na nngai.

Jinghpaw Hanson Version Bible

¹³ Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

ESAIA 54:13 ပူးပေါင်းရင်းမြစ်များ

SHAKAWN KUNGDAWN 119:165

Na a tara hpe tsaw ra ai ni hkum tsup re ai shim lum ai lam hpe hkam la lu nga ma ai; shing rai, hpa mung, shanhte hpe myit kataw shangun lu na n rai.

SHAKAWN KUNGDAWN 119:33

Madu e, na a tara ni a lachyum, ngai hpe sharin achyin ya e; dai lam ni hpe aten shagu ngai madat mara hkan sa nga na nngai.

SHAKAWN KUNGDAWN 147:14

Shi gaw na a lamu ga jarit ni hpe shim nga shangun nna; sau ai hkaulan mam hta nang hpe shakat ya nga ai.

SHAKAWN KUNGDAWN 71:17

Ngai brang ram prat naw rai nga ai aten kaw nna nang ngai hpe sharin ya nit dai; na a mauhpa magam amu ni hpe ya du hkra, ngai tsun dan nga nngai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 26:3

Madu e, nang gaw ngang kang ai yaw shada lam shatup ai ni hte nang hpe kam hpa ai ni hpe hkum tsup ai ngwi pyaw sim sa lam jaw ya nga ndai.

ESAIA 28:9

Shanhte gaw ngai hte seng ai lam hta aput angun rai ma ai. Shanhte gaw, “Shi kadai hpe sharin achyin ya nga ai gaw kadai hpe rai nga a ta? Shi a mungga hpe kadai wa ra marit nga ma ta? Dai gaw ya sha chyu jahka kau sai ma ni a matu chyu sha mai kaja nga ai!

ESAIA 29:24

Angawk ai amyu masha ni chye la na matu sharin la na mara ai, tut nawng aput angun nga ai ni sharin achyin hkam la lu na matu kabu gara na mara ai.” ngu nna tsun wu ai.

ESAIA 48:18

“Nye a hkang da ai ga hpe nang madat mara nga ai rai yang chyu sha, galoi mung n hkyet mat chye ai hka shi hka zawn, shaman chyeju gaw na a matu lwi hkrat wa na ra ai. Awng padang gaw panglai hkin-gau de hkaleng ni katsu taleng lung wa ai zawn nang hta dan pru wa na ra ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

ESAIA 54:12

Ngai gaw na a langchyi ni hpe patamya lung hkyeng ni hte mung, na a chyinghka ni hpe wan zawn tu gala ai nlung ni hte mung, nang hpe shinggrup da ai bunghku hpe hpu reng ai lung seng ni hte gaw da na nngai.

ESAIA 55:12

“Nang gaw kabu gara ai hte Babelon kaw na pru wa na rai ndai; nang gaw mare kata kaw na ngwi pyaw sim sa ai hte woi wa ai hkrum na rai ndai. Bum ni hte kawng ni aja awa mahkawn mangoi na mara ai, hpun ni mung kabu gara jahtau garu na mara ai.

ESAIA 66:12

Dai Madu gaw, “Ngai gaw nang hpe agrin nga ai ngamu ngamai lam jaw ya na nngai; masha amyu baw ni a sut gan gaw galoi mung n hkyet mat ai hka nu zawn nang hta lwi sa wa na ra ai. Nang gaw kanu e bau maka nna shi a lata hta pawn da nhtawm tsaw ra myit hte makrai chyai ai ma zawn tai na rin dai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

YEREMIA 33:6

Rai ti mung, ngai gaw ndai mare hte dai hta shanu nga ai amyu masha ni hpe shamai shatsai ai hte shanhte hpe hkam kaja shangun na nngai. Ngai shanhte hpe ngwi pyaw sim sa lam law htam shangun nna shim lum ai lam madun dan na nngai.

EZEKELA 34:25

Ngai gaw shanhte a shim lum lam jaw ya lu ai ga shaka shanhte hte shagrin da na nngai. Mungdan kata na hkrit tsang ra ai matse labye ni hpe mung yeng seng kau na nngai, shaloi nye a sagu ni pa layang ni hta shim ai hte shanu nga lu nna maling kata hkan e mung yup nga lu na mara ai.

EZEKELA 34:28

Maigan tara hkan ai masha amyu baw ni mung shanhte hpe galoi mung kashun kashe lu na mara ai n rai. Matse labye ni mung shanhte hpe kawa sha lu na mara ai n rai. Shanhte gaw shim lum ai hte shanu nga lu nna kadai mung shanhte hpe jahkrit shama lu na mara ai n rai.

EZEKELA 37:26

Shanhte a matu htani htana prat dingsa na shim lam ga shaka hpe ngai tawn da na nngai. Ngai shanhte hpe de da nna shalaw jahtam na nngai, shanhte a mungdan hta nye a Nawku Htingnu htani htana agrin nga ai hpe mung mu lu na mara ai.

HOSEA 2:18

Dai aten hta, ngai gaw nam na matse labye dusat ni, ntsa malen u ni hte ga shaka tawn da na nngai; dai ni gaw nye a amyu masha ni hpe zingri na mara ai n rai. Dai mungdan na majan laknak yawng hpe mung, nhtu, ndan yawng hpe mung yeng seng kau na nngai; nye a amyu masha ni hpe ngwi pyaw sim sa ai hte shim lum ai hku nga shangun na nngai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

ZEHKARIA 10:7

Israela amyu masha ni gaw hpyenla ni zawn n-gun ja wa nna, sabyi ntsin lu lu sai ni zawn kabu gara na mara ai. Shanhte a amyu matu mara ni gaw ndai awng padang hpe dum wa na mara ai dai Madu galaw nu ai amu a majaw kabu gara lu na mara ai.

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

LUKA 24:45

Dai hpang sape ni, dai Chyum Laika ga ni hpe chye na lu na matu shanhte a myit nyan jahpaw ya mu ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

YAWHAN 6:45

Myihtoi laika ni hta, ‘Masha shagu gaw Karai Kasang a sharin achyin ai lu la na mara ai,’ ngu nna ka da nga ai. Dai rai nna, nye Wa tsun ai ga hpe na la nna shi kaw na sharin achyin hkam la ai wa kadai mung ngai hpang de du sa ai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

1 KORINHTU 2:10

Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

EHPESU 4:21

Shi a lam hpe nanhte kaja wa na yu manit dai hte Hkristu a hpang hkan nang ai ni rai nga myit dai rai nna Hkristu hta rawng ai dai teng man ai lam hpe nanhte sharin la manit dai.

HPILIPI 4:7

Shaloi masha a chye chyang ai nyan hta grau lai ai Karai Kasang a ngwi pyaw ai gaw nanhte a kraw lawang ni hte myit masin ni hpe Hkristu Yesu hta e bau sin na ra ai.

1 HTESALONI 4:9

Nanhte a kam sham ai hpu nau ni hpe tsaw ra na lam hte seng nna ngai nanhte hpang de ka dat shara n nga sai. Shada da tsaw ra nga na lam Karai Kasang e sharin achyin ai hpe nanhte hkam la manit dai.

HEBRE 8:10

Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.

HEBRE 8:11

Shanhte hta na kadai wa mung tinang a mungchying sha shada hpe mung, tinang a hpu nau shada hpe mung, Karai Kasang hpe chye chyang wa hkra sharin achyin ya ra na ma ai n rai. Hpa majaw nga yang, kaji htum ai kaw nna kaba htum ai du hkra shanhte nlang hte gaw ngai hpe chye chyap na mara ai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

1 YAWHAN 2:27

Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.